रोमियो 8:26 - बिलासपुरी नौआं नियम

²⁶ इस तरिके ने पवित्र आत्मा बी अहांरी कमजोरियां च मदद कराँ, काँह्भई अहें नीं जाणदे भई प्राथना किस तरिके ने करनी चाहिन्दी, पर पवित्र आत्मा खुद इ येढ़े सुसकार भरी-भरी ने, तिन्हारा जे शब्दां च ब्यान नीं कित्या जाई सकदी, अहांरे खातर विनती कराँ;

रोमियो 8:26 ပူးပေါင်းရင်းမြစ်များ

मत्ती 10:20

याद रखा बोलणे औल़े तुहें नींये, पर पवित्र आत्मे तुहांजो गलाणे खातर बोलणा।

मत्ती 20:22

यीशुये जबाब दित्या, “तुहें नीं जाणदे भई तुहें क्या मंगी रायें? क्या तुहें मेरे साई दुख सैई सक्कां ये, तिस्सो जे हऊँ सैहणे औल़ा?” तिन्हें तिसने गलाया, “हाँ, सही सक्कां ये।”

लूका 22:44

यीशु बड़ा बेचैन हुईने प्राथना करने लगया। तिसरिया आत्मा रा दर्द इतणा बधीग्या भई तिसरा परसीन्ना खून्ना रे टेपयां साई धरतिया पर टपकणे लगया।

यूहन्ना 14:16

कने मांह तुहांरे खातर पिता ने प्राथना करनी, कने तिस तुहांजो इक सहायक देणा तिस जे तुहांजो सदा रैहणा,

रोमियो 15:1

अहें जे विश्वासा च मजबूत ये, तां अहांजो तिन्हांरियां कमजोरियां च मदद करनी चाहिन्दी सै जे विश्वासा च मजबूत नींये, नां भई सिर्फ खुद अप्पूँ जोई खुश रखिये।

रोमियो 7:24

हऊँ केढ़ा बदनसीब माहणु आ। मिन्जो इस मौती रे शरीरा ते कुण बचांगा?

रोमियो 8:15

काँह्भई सै आत्मा जे तुहांजो मिलीरी, तुहांजो फेरी भीं दास बणीने डरने खातर नीं, वल्कि सै तुहांजो परमेशरा रे बच्चे बणाईं, तिसरे जरिये अहें परमेशरा जो, हे अब्बा, हे पिता करीने पुकाराँ ये।

2 कुरिन्थियों 5:2

इस खातर तदुआं तक जे अहें इस घरा चे, अहें कराहन्दे रैं काँह्भई येई चाँह ये भई अपणे स्वर्गीय घरा च जाईने बसी जाओ।

2 कुरिन्थियों 5:4

कने अहें इस शरीरा च रैहन्दे हुये सै जे तम्बुये साई आ बोझे हेठ दबोईने कराहन्दे रैं, बजह येई भई अहें इसजो छडणा नीं चांहन्दे बल्कि नये शरीरा जो पाणा चाँये ताकि जो किछ नाशवान आ तिस्सो अनन्त जीवन निंगल़ी लो।

गलातियां 4:6

काँह्भई तुहें परमेशरा रे बच्चे हो, इस खातर परमेशरे अहांरे दिलां च अपणे पुत्रा री आत्मा भेज्जी, सैई आत्मा परमेशरा जो “हे अब्बा, हे पिता, बोलीने पुकाराँ।”

इफिसियां 2:18

काँह्भई अहें दुईं किस्मा रे लोक इक्की आत्मा रे जरिए पिता गे पुजणे जोगे हुए।

इफिसियां 6:18

कने तियां जे पवित्र आत्मा तुहांरी अगुवाई कराँ, तियां इ हर बगत कने सब प्रकारा रियां प्राथनां कने विनतियां करदे रौआ। इसा वजह ने जागदे रौआ कने सब पवित्र लोकां रे खातर लगातार प्राथना करदे रौआ।

इब्रानियों 4:15

काँह्भई यीशु मसीह सै जे अहांरा महायाजक आ सै अहां री हरेक कमजोरिया जो समझां; काँह्भई सै सब्बीं गल्लां च अहां साई शैतान्ना रे जरिये परखया गया, पर तिने कोई पाप नीं कित्या।

इब्रानियों 5:2

काँह्भई इक महांयाजक खुद बौहत सारियां गल्लां च कमजोर आ इस खातर सै नासमझां कने भटकीरयां ने कोमल व्यवहार करी सक्कां।

याकूब 4:3

तुहें मंगणे पर पान्दे इस खातर नींये, काँह्भई गल़त इरादे ने मंगां ये, ताकि सिर्फ अपणियां इच्छां जो पूरा करी सक्को।