रोमियो 8:22 - बिलासपुरी नौआं नियम

²² काँह्भई अहें जाणाँ ये भई आदमा रे पाप करने रे वगता ते अज्जा तक, येढ़ा लगा भई परमेशरा री सारी सृष्टि बच्चा जणने औल़िया इक्की जनाना साई पीड़ित हुआं इ।

रोमियो 8:22 ပူးပေါင်းရင်းမြစ်များ

मरकुस 16:15

कने यीशुये अपणे चेलेयां जो गलाया, “तुहें सारे संसारा च जाईने सारिया सृष्टिया रे लोकां जो खुशखबरी प्रचार करा।

यूहन्ना 16:21

ताहली जे जनाना बच्चा जणने लगां इ, तां तिसाजो बौहत पीड़ हुआं इ, काँह्भई तिसारी दर्दां लगणे री घड़ी आई गरी हुआं इ, पर ताहली जे सै तिस बच्चे जो जणी देईं, कने तिसाते संसारा च इक माहणुये रे औणे री खुशिया च सै इतणी खुश हुई जाईं भई सै सारियां पीड़ा जो भुल्ली जाईं।

रोमियो 8:20

काँह्भई सै जे किछ परमेशरे बणाईरा, तिन्हें अपणी कीमत गवाईती, इस खातर नीं काँह्भई सै खुद चांह थे, पर परमेशरे येढ़ा कित्या था।

कुलुस्सियां 1:23

ये तांई हुई सक्कां तां जे तुहें अपणे विश्वासा च मजबूतिया ने टिक्कीरे रैहन्गे, कने खुशखबरिया रे जरिये दित्ति रिया तिसा आशा रा त्याग नीं करी दो, तिसौ जे तुहें सुणया। ये खुशखबरी इसा धरतिया पर रैहणे औल़े सारयां लोकां जो प्रचार कित्या गईरा, कने हऊँ पौलुस तिसरा इ सेवक बणीरा।

प्रकाशितवाक्य 12:2

कने सै भारहत्थी थी; कने अपणे बच्चे जो जणने औल़ी थी कने बौहत पीड़ा रिया वजह ते रड़ाया राँ थी।