रोमियो 8:2 - बिलासपुरी नौआं नियम

² काँह्भई पवित्र आत्मे अहांजो जीवन देआं सै जे यीशु मसीह ते औआं कने मिन्जो पाप कने मौती ते अजाद करी देआं।

रोमियो 8:2 ပူးပေါင်းရင်းမြစ်များ

यूहन्ना 4:10

यीशुये जबाब दित्या, “तू नीं जाणदी भई परमेशर तिज्जो क्या देणा चांह, कने तू नीं जाणदी भई कुण तेरते पाणी मंगया रां। जे तू जाणदी, तां तू माहते इस्सो मंगदी कने हऊँ तिज्जो जीवन देणे औल़ा पाणी देन्दा।”

यूहन्ना 4:14

पर सै जे कोई तिस पाणिये जो पींगे, सै जे माह तिस्सो देणा, तिस फेरी कदीं प्यासे नीं रैहणां; बल्कि सै पाणी जे हऊँ तिस्सो देंगा, सै तिसच इक पाणिये रा सोता बणी जाणा सै जे तिस्सो अनन्त जीवन देंगा।”

यूहन्ना 6:63

परमेशरा रा आत्मा त जीवन देणे औल़ा, शरीरा ते कोई फैदा निआं; सै गल्लां जे मैं तुहांजो गलाईयां सै पवित्र आत्मा ते औईयां, कने लोकां जो जीवन देईयां।

यूहन्ना 8:32

कने जे तुहें सच्चाई जाणगे, तां सच्चाईया तुहें अजाद करने।”

यूहन्ना 8:36

इस खातर जे पुत्र तुहांजो अजाद करो, तां सचमुच तुहां अजाद हूणा।

रोमियो 16:3

प्रिस्का कने अक्विला जो मेरी नमस्ते। सै यीशु मसीह च मेरे सहकर्मी ये।

रोमियो 3:27

तां फेरी येढ़ि कोई गल्ल इ तिसरे बारे च जे अहें घमण्ड करी सक्कां ये? किछ बी नींआ! कने इसरी वजह क्या इ? क्या ये इसरी वजह इ भई अहें व्यवस्था रा पालन कराँ ये? नां, पर ये यीशु मसीह पर विश्वास करने रिया बजह नेआ।

रोमियो 5:21

भई तियां जे सारयां लोकें पाप कित्या कने सै सारे मरीगे, तियां इ परमेशरा रा अनुग्रह अहां पर राज कराँ कने परमेशरे अहांजो अहांरे प्रभु यीशु मसीह रिया वजह ते धर्मी बणाया। इसरा मतलब अहांजो अनन्त जीवन मिलणा।

रोमियो 6:14

फेरी तुहां पर पापां रा राज नीं हूणा, काँह्भई तुहें व्यवस्था रे सहारे नीं जिऊंदे वल्कि परमेशरा रे अनुग्रह रे सहारे जीआं ए।

रोमियो 6:18

कने हुण परमेशरे तुहांजो पापा रिया सामर्था ते अजाद कित्तिरा कने तुहें परमेशरा रे दास बणी चुक्कीरे, ताकि तुहें सै जे सही आ सै करी सक्को।

रोमियो 6:22

पर हुण तुहांजो पापा ते छुटकारा मिली चुक्कीरा कने तुहें परमेशरा रे दास बणी चुक्कीरे। इस खातर इन्हां तुहांजो पवित्र बनाणा कने अनन्त जीवना री तरफ लेई जाणा।

रोमियो 7:21

इस खातर हऊँ अपणे च ये व्यवस्था पां भई हऊँ ताहली जे खरा करना चाँह, तां अप्पूँ च बुराईया जोई पां।

रोमियो 7:23

पर हऊँ अपणे शरीरा रे अंगाँ च इक दुज्जे इ नियमा जो काम्म करदे देखां, ये मेरे चिन्तन पर राज करने औल़ी व्यवस्था ने लड़ाई कराँ इ कने मिन्जो पापा री व्यवस्था रे बन्धना च पाईं सै जे मेरे अंगाँ ची।

रोमियो 7:4

तियां इ मेरे साथी विश्वासियो, तुहें बी मसीह रिया देहा रे जरिये व्यवस्था खातर मरी चुक्कीरे, इस खातर हुण तुहें बी किसी दुज्जे ने नाता जोड़ी सक्कां ये, सै जे मूईरयां चते जिऊंदा हुईग्या: ताकि अहें परमेशरा री सेवा करी सक्को।

रोमियो 8:1

इस खातर हुण सै जे मसीह यीशु पर विश्वास कराँ ए, तिन्हां पर सजा रा कोई हुक्म निआं।

1 कुरिन्थियों 15:45

पवित्रशास्त्रा च ये लिखिरा, “पैहला माहणु यनि आदम जिऊंदा प्राणी हुया” कने आखरी आदम यनि मसीह जीवन देणे औल़ी आत्मा हुया।

2 कुरिन्थियों 3:17

प्रभु त आत्मा: कने तित्थी जे किति प्रभुरा आत्मा, तित्थी अजादी।

2 कुरिन्थियों 3:6

तिने इ अहांजो नई वाचा रा सेवक हुणे रे काविल बी बणाया, ये कोई लिखिरी मूसा री व्यवस्था निआं बल्कि आत्मा री वाचा इ, काँह्भई ये व्यवस्था मौत ल्यौईं, पर परमेशरा रा आत्मा जीवन देआं।

गलातियां 2:19

काँह्भई हऊँ व्यवस्था रे जरिये व्यवस्था रे खातर मरी चुक्कीरा ताकि हऊँ परमेशरा रे खातर जी सक्कूँ।

गलातियां 5:1

मसीहे अजादिया रे खातर अहांजो मूसा रिया व्यवस्था ते अजाद कित्या; इस खातर तुहें ये निश्चा करी लवा भई तुहें अजाद ये, कने फेरी भीं अप्पूँजो व्यवस्था रा दास बनाणे री इजाज़त नीं देआ।

गलातियां 6:2

तुहांजो इक्की दूये री मदद करनी चाहिन्दी ताहली जे तुहां चते कोई दुखां च हो, इस तरिके ने तुहें मसीह री व्यवस्था जो पूरा करगे।

याकूब 1:25

पर सै जे परमेशरा रिया तिसा उत्तम व्यवस्था जो नेड़े ते देखां, तिसते जे अजादी मिलां इ कने तिसरा इ पालन बी करदा रैयां कने सुणीने तिस्सो बिणा भुल्ले अपणे व्यवहारा च उतारदा रैआं, सैई अपणयां कम्मां रे खातर आशीषित हूणा।”

प्रकाशितवाक्य 11:11

पर साढे तिन्नां दिनां ते बाद परमेशरे तिन्हांजो भीं ते जिऊंदा कित्या। सै अपणे पैराँ पर खड़े हुईगे, कने तिन्हांरे देखणे औल़यां पर बौहत सारा डर छाईग्या।

प्रकाशितवाक्य 22:1

फेरी स्वर्गदूते मिन्जो बिल्लौर साई साफ जीवना रे पाणिये री इक नदी दस्सी, सै जे परमेशर कने मेमने रे संघासणा ते निकल़ीने,