रोमियो 8:18 - बिलासपुरी नौआं नियम

¹⁸ मिन्जो ये यकीन आ भई सै महिमा जे अहां पर परगट हुणे औल़ी तिसारे सामणे अहांरे ये दुख सै जे अहें हुण सही राँये किछ बी नींये।

रोमियो 8:18 ပူးပေါင်းရင်းမြစ်များ

प्रेरितां 20:24

पर हऊँ अपणे प्राणां जो बी किछ नीं समझदा भई तिस्सो प्यारा जाणुं, पर येढ़ा भई हऊँ अपणी दौड़ा जो कने तिसा सेवा जो पूरी करूँ, सै जे परमेशरा रे अनुग्रह ते खुशखबरिया री गवाही देणे खातर प्रभु यीशुये ते पाईरी।

रोमियो 8:19

काँह्भई ये सृष्टि बड़िया आशा ने तिसा घड़िया रा इन्तजार करी राईं ताहली जे परमेशरा अपणयां बच्चयां जो परगट करना।

कुलुस्सियां 3:4

ताहली जे मसीह सै जे अहांरा जीवन आ, भीं ते परगट हूणा, तां तुहें बी तिस सौगी तिसरिया महिमा समेत परगट कित्ते जाणे।

2 थिस्सलुनीकियां 2:14

तिस खातर जे परमेशरे अहां रिया खुशखबरिया रे खातर तुहांजो सद्दया, ताकि तुहें अहांरे प्रभु यीशु मसीह रिया महिमा च शामिल हुई सक्को।

तीतुस 2:13

अहें इस तरीके ने वर्ताव करां ए ताहली जे अहें उम्मीदा सौगी तिस अदभुत दिना रा इन्तजार करी रांए, तिसरी जे अहांजो आशा इ: सै दिन ताहली जे यीशु मसीह, सै जे अहांरा महान परमेशर कने छुटकारा करने औल़ा, अपणी सारी महिमा सौगी पृथ्विया पर वापिस औणा।

इब्रानियों 11:35

विश्वासा रे जरिये किछ जनानें अपणे मूईरयां रिस्तेदाराँ जो फेरी भीं जिऊंदा पाया। पर कितणे त विश्वासा जो नीं छडणे रिया वजह ते जेल्ला च मार खान्दे-खान्दे मरीगे कने जेल्ला ते अजाद नीं हूणा चाये, ताकि सै बौहत अच्छा जीवन पाई सक्को, ताहली जे सै मूईरयां चते जिऊंदा हुणे।

1 पतरस 1:13

इस खातर अपणे मना जो काम्म रे खातर त्यार करा। सचेत रौआ कने अपणी आस पूरी तरह तिस अनुग्रह पर रखा सै जे मसीह यीशुये रे भीं ते औणे रे बगत तुहांजो दित्या जाणा।

1 पतरस 4:13

पर आनन्दित रौआ, काँह्भई जिस तरिके ने मसीहे दुख सैहण कित्या, तियां इ तुहें बी दुख सैया कराँएं, तिसते जे तुहें मसीह यीशुये री महिमा रे प्रगट हुणे पर बौहत आनन्दित हुई सक्को।

1 पतरस 5:1

हऊँ खुद सै जे इक प्राचीन आ, कलीसिया रे तिन्हां प्राचीनां ने विनती कराँ सै जे तुहांरे बिच ये। हऊँ मसीह रे दुखां रा इक गवाह कने प्रगट हुणे औल़ी महिमा च शामिल हूणा। हऊँ तुहांजो विनती कराँ,

1 यूहन्ना 3:2

मेरे प्यारे मित्रो, हुण अहें परमेशरा री सन्तान ये कने हल्तियां तक ये प्रगट रुपा च नीं आईरा भई भविष्य च अहें क्या हुणे! जो बी हो, अहें ये जाणाँ ये भई ताहली जे मसीहे प्रगट हूणा, तां अहां बी तिसरे बराबर हूणा, काँह्भई अहां तिसजो तियां इ देखणा, तेढ़ा जे सै हाया।