रोमियो 8:15 - बिलासपुरी नौआं नियम

¹⁵ काँह्भई सै आत्मा जे तुहांजो मिलीरी, तुहांजो फेरी भीं दास बणीने डरने खातर नीं, वल्कि सै तुहांजो परमेशरा रे बच्चे बणाईं, तिसरे जरिये अहें परमेशरा जो, हे अब्बा, हे पिता करीने पुकाराँ ये।

रोमियो 8:15 ပူးပေါင်းရင်းမြစ်များ

मत्ती 25:25

इस खातर हऊँ डरिग्या कने मैं जाईने चान्दिया रे सिक्कयां री थैली धरतिया च दब्बीती। देख, सै जे तेरा, सै ये रैया।

मरकुस 14:36

कने गलाया, “हे अब्बा, हे पिता, तेरते सब किछ हुई सक्कां। इस दुखा ते मिन्जो बचाई लै तिस्सो जे हऊँ भोगणे औल़ा : तां बी तेढ़ा जे हऊँ चाँह तेढ़ा नीं, पर सै जे तू चाँह सैई हो।”

लूका 11:2

तिने तिन्हाजो गलाया, “तुहें इस तरिके ने प्राथना करा; ‘हे अहांरे पिता, तू स्वर्गा च बिराजमान आ; लोक तेरा आदर करो काँह्भई तू पवित्र परमेशर आ, तू संसारा रे सारे माहणुआं कने सारियां चीजां पर राज करो।

लूका 22:42

“पिता, जे तुहें चाओ तां, मिन्जो इन्हां कष्टां ते छुड़ाई सक्कां ये। पर हऊँ चाँह भई मेरी नीं तेरी ही इच्छा पूरी ओ।”

लूका 8:28

जियां जे तिने यीशुये जो देख्या, सै रड़ाया कने तिन्हारे सामणे धरतिया पर पैईने ऊच्चिया अवाज़ा च बोलणे लगया, “हे यीशु, परमप्रधान परमेशरा रे पुत्र, तू मिन्जो कष्ट कजो देआं? हऊँ तुहांते बिनती कराँ भई मिन्जो सजा नीं दे!”

लूका 8:37

फेरी गिरासेनियों रे अक्खा-बक्खा रे सारेयां लोकें यीशुये ने बिनती किति, भई अहांरे इलाके ते चली जा; काँह्भई सै बड़े भरी डरी गरे थे। इस करीने सै किश्तिया पर चढ़ीने वापस चलिग्या।

यूहन्ना 16:8

कने ताहली जे तिस औणा, तां पाप, धार्मिकता कने न्याय रे बारे च संसारा रे सब्बी लोकां जो सचेत करी देणा।

यूहन्ना 20:17

यीशुये तिसाजो गलाया, मेरयां पैराँ ने लिपटी ने मिन्जो मत रोक, काँह्भई हऊँ अजें तक पिता ले नीं गईरा, तू मेरे भाईयां लौ जा, कने तिन्हांजो दस हऊँ अपणे परम पिता कने तुहांरे परम पिता, अपणे परमेशर कने तुहांरे परमेशरा ले जाया रां।

प्रेरितां 16:29

तां सै लम्फ बाल़ीने अन्दरा गया, कने पौलुस कम्बदा-कम्बदा सीलासा रे अग्गे पैराँ पई गया;

प्रेरितां 2:37

तां सुणने औल़यां लोकां जो ये विश्वास हुईग्या था भई तिन्हें कोई गल़त काम्म कित्या, कने सै पतरस कने प्रेरितां ते पुछणे लगे, “हे भाईयो, अहें क्या करिये?”

रोमियो 8:16

पवित्र आत्मा कने अहांरा आत्मा दोन्नों बोलां ये भई अहें परमेशरा रे बच्चे;

रोमियो 8:23

न सिर्फ ये सृष्टि बल्कि अहें बी तिन्हां च जे हुणे औल़ी महिमा रे पैहले ते स्वाद चखणे रे रुपा च पवित्र आत्मा रा निवास आ, खुद अन्दरा ते बिलखां ये; पर हुण परमेशर अहांजो सच्चे बच्चयां साई गोद लेणे रा इन्तजार कराँ, ये तां हूणा ताहली जे तिस अहांरे शरीराँ रा छुटकारा करी देणा।

रोमियो 8:26

इस तरिके ने पवित्र आत्मा बी अहांरी कमजोरियां च मदद कराँ, काँह्भई अहें नीं जाणदे भई प्राथना किस तरिके ने करनी चाहिन्दी, पर पवित्र आत्मा खुद इ येढ़े सुसकार भरी-भरी ने, तिन्हारा जे शब्दां च ब्यान नीं कित्या जाई सकदी, अहांरे खातर विनती कराँ;

रोमियो 9:4

सै इस्राएली लोक ये, तिन्हांजो जे परमेशरे गोद लेईरा कने पुत्र हुणे रा अधिकार दित्तिरा, सै जे परमेशरा रिया महिमा रा दर्शण करी बैठिरे, सै जे परमेशरा रे करारा रे भागीदार ये, तिन्हांजो जे मूसा री व्यवस्था दित्ति गईरी कने सच्ची अराधना कने परमेशरा रे वायदे तिन्हांरे इ हाये।

1 कुरिन्थियों 2:12

पर अहें संसारा रा आत्मा नीं पाया, पर सै आत्मा पाया सै जे परमेशरा रिया तरफा तेआ ताकि अहें तिन्हां गल्लां जो जाणिये सै जे परमेशरे अहांजो मुख्ता त दित्तिरे।

2 कुरिन्थियों 11:4

जे कोई तुहांले आईने किसी दुज्जे यीशुये रा प्रचार करो तिसरा प्रचार जे अहें नीं कित्या, या कोई होर आत्मा तुहौं मिलो सै जे पैहले नीं मिलया था, या होर कोई खुशखबरी तिस्सो जे तुहें पैहले नीं मन्नया था, इन्हां सारियां शिक्षां जो ग्रहण करने च तुहें गल़त ये।

गलातियां 2:4

पर ये तिन्हां झूठयां भाईयां रिया वजह ने समस्या हुई, सै जे अहांरे बिच चोराँ साई आईने घुसीगरे थे, भई तिसा अजादिया रा सै जे यीशु मसीह च अहांजो मिलीरी, तिसारा भेत पाईने अहांजो फेरी भीं यहूदी व्यवस्था रा दास बणाई सक्को।

गलातियां 5:1

मसीहे अजादिया रे खातर अहांजो मूसा रिया व्यवस्था ते अजाद कित्या; इस खातर तुहें ये निश्चा करी लवा भई तुहें अजाद ये, कने फेरी भीं अप्पूँजो व्यवस्था रा दास बनाणे री इजाज़त नीं देआ।

इफिसियां 1:5

काँह्भई परमेशरे अहांने प्यार कित्या इसा बजह ने तिने अहांजो यीशु मसीह रे जरिये अपणा पुत्र हुणे रा दर्जा देईने नियुक्त कित्या, येई तिसरी इच्छा कने तिसरी खुशी थी।

2 तिमुथियुस 1:7

काँह्भई परमेशरे अहांजो सै जे आत्मा दित्तिरा, सै अहांजो कायर नीं बणांदा पर अहांजो प्यार, संयम कने सामर्था ने भराँ।

इब्रानियों 2:15

कने इस तरिके ने तिने तिन्हां सारयां जो छडवाईल्या सै जे मौती रे डरा रिया वजह ने जिन्दगी भर इक्की दास्सा साई जीआं थे।

याकूब 2:19

तिज्जो विश्वास आ भई इक इ परमेशर आ; तू ठीक कराँ! बुरीआत्मा विश्वास कराँ इ भई परमेशर हाया; कने सै डरा ने कम्बदी रैंई।

1 यूहन्ना 4:18

प्यारा च कोई डर नीं हुन्दा बल्कि सिद्ध प्रेम डरा जो दूर करी देआं। काँह्भई डरा रा रिश्ता त सजा सौगी हुआं, इस खातर तिसच जे डर आ, सै हल्तियें प्यारा च सिद्ध नीं हुईरा।