रोमियो 8:10 - बिलासपुरी नौआं नियम

¹⁰ पर जे मसीह तुहां च वास कराँ, हलाँकि पापा रिया वजह ने तुहांरे शरीराँ री मौत हूणी फेरी बी तुहांरा आत्मा जिऊंदा, काँह्भई परमेशरे तुहांजो धर्मिये रे रुपा च ग्रहण कित्तिरा।

रोमियो 8:10 ပူးပေါင်းရင်းမြစ်များ

यूहन्ना 14:23

यीशुये तिस्सो जबाब दित्या, “तिसजे मेरने प्यार करना, तिस मेरी शिक्षां जो मनणा; कने तिसने जे मेरा पिता प्यार करगा, कने अहां तिसले औणा कने तिसने सौगी रैया करना।

यूहन्ना 15:5

सै बेल हऊँ इ कने तुहें तिसरियां डाल़ियां इ। सै जे मांह च बणीरा रैआं, कने हऊँ तिसच, तां सै बौहत फल़वन्त हुआं, काँह्भई मेरते बिणा तुहें किछ नीं करी सकदे।

यूहन्ना 17:23

मांह तिन्हां च रैहणा कने तू मांह च, भई सै पूरे तरीके ने इक हुईजो, तिसते जे संसारा जो ये पता लगी जो, भई मिन्जो तैंइ भेज्या, कने तुहें तिन्हांने बी तेढ़ा इ प्यार कित्या, तेढ़ा जे तैं माहने कित्या।”

यूहन्ना 4:14

पर सै जे कोई तिस पाणिये जो पींगे, सै जे माह तिस्सो देणा, तिस फेरी कदीं प्यासे नीं रैहणां; बल्कि सै पाणी जे हऊँ तिस्सो देंगा, सै तिसच इक पाणिये रा सोता बणी जाणा सै जे तिस्सो अनन्त जीवन देंगा।”

यूहन्ना 6:54

सै जे मेरा शरीर खां कने मेरा खून पीआं, अनन्त जीवन तिसरा इ हाया; कने न्याय रे दिन मांह सै मूईरयां चते भीं जिऊंदा करीने ठवाल़णा।

यूहन्ना 6:56

सै जे मेरा शरीर खां कने मेरा खून पीआं सै माह च बास कराँ, कने हऊँ तिसच।

रोमियो 5:12

इस खातर, तियां जे इक माहणु यनि आदम रे जरिये पाप संसारा च आया, कने आदम रे पापा रिया वजह ने मौत आई, कने इस तरिके ने मौत सारयां लोकां च फैल्लीगी काँह्भई सारयां पाप कित्तिरा था।

रोमियो 5:21

भई तियां जे सारयां लोकें पाप कित्या कने सै सारे मरीगे, तियां इ परमेशरा रा अनुग्रह अहां पर राज कराँ कने परमेशरे अहांजो अहांरे प्रभु यीशु मसीह रिया वजह ते धर्मी बणाया। इसरा मतलब अहांजो अनन्त जीवन मिलणा।

रोमियो 8:11

कने जे परमेशरा रा आत्मा तिने जे यीशु मसीह जो मूईरेयां चते जिऊंदा कित्या, तुहांरे अन्दर वास कराँ। तां सै परमेशर तिने जे यीशु मसीह जो मूईरयां चते जिऊंदा कित्या था, तुहांरे नाशवान शरीरा जो अपणी आत्मा ते सै जे तुहांरे अन्दर बसीरा, जिऊंदा करना।

1 कुरिन्थियों 15:45

पवित्रशास्त्रा च ये लिखिरा, “पैहला माहणु यनि आदम जिऊंदा प्राणी हुया” कने आखरी आदम यनि मसीह जीवन देणे औल़ी आत्मा हुया।

2 कुरिन्थियों 13:5

अप्पूँजो परखीने देक्खा भई तुहांरा विश्वासा सच्चा भई नीं। जे तुहें इम्तेहाना च पास हुआं ये तां तुहें जाणना भई यीशु मसीह तुहांरे अन्दर वास करी रां; जे येढ़ा निआं, तां तुहें इस इम्तेहाना च फेल हुये।

2 कुरिन्थियों 4:11

काँह्भई यीशुये रिया वजह ने अहांजो जीते जी हमेशा मौती रे खतरयां च सौंपया जां, ताकि यीशुये रा जीवन बी अहांरे नाश हुणे औल़यां शरीराँ च साफ तौरा पर परगट हुई जाओ।

2 कुरिन्थियों 5:21

परमेशरे मसीह जो अहांरे पापां रे खातर पाप बल़ि बणाया तिने जे कदीं पाप नीं कित्या, ताकि अहें तिसरे जरिये परमेशरा रे सामणे धर्मी समझे जायें।

गलातियां 2:20

हऊँ मसीह सौगी क्रूसा पर चढ़ाया गईरा, हुण हऊँ जिऊंदा निआं, पर मसीह माह च जिऊंदा; कने इस शरीरा च हुण हऊँ सै जिन्दगी जे जी कराँ, सै सिर्फ तिस विश्वासा ने जीवित आ सै जे परमेशरा रे पुत्रा पर आ, तिने जे माहने प्यार कित्या कने खुद अप्पूँजो मेरे खातर अर्पण कित्या।

इफिसियां 3:17

ताकि विश्वासा रे जरिये मसीह तुहांरे दिलां च वास करी सक्को। हऊँ प्राथना कराँ भई परमेशरा रे परति कने इक्की दूये रे परति तुहांरा प्यार तुहांजो मजबूत करो कने तिसच बणाई रखो,

फिलिप्पियां 1:23

काँह्भई मिन्जो दुईं रे बिच चुनाव करने च कठिनाई हुई राँई। हऊँ मरना चाँह ताकि स्वर्गा च हऊँ मसीह ने सौगी रैई सक्कूँ, काँह्भई ये बौहत इ अच्छा हूणा।

फिलिप्पियां 3:9

कने हऊँ तिस सौगी पूरी तरह ते इक हुई सक्कूं; कने ये इस खातर नींआ भई मैं व्यवस्था रा पालन कित्या तां परमेशर मेरे धर्मी हुणे री घोषणा कराँ, पर ये मसीह च विश्वास करने रिया वजह ते आ, कने सिर्फ मेरे मसीह च विश्वास करने रिया वजह नेई परमेशरे ये घोषणा कित्ती भई हऊँ धर्मी आ।

कुलुस्सियां 1:27

परमेशरे अपणयां लोकां जो ये परगट करने रा फैसला कित्या भई तिसरी योजना होरीं जातियां रे लोकां खातर सही माईने च कितणी अदभुत इ, कने मसीह तुहां च वास कराँ ताकि तुहें भरोसे सौगी स्वर्गा च परमेशरा री महिमा च भागीदार हुई सक्को।

1 थिस्सलुनीकियां 4:16

काँह्भई प्रभु यीशुये अप्पूँ इ स्वर्गा ते उतरना; तिस बगत ललकार, कने प्रधान दूतां री अवाज़ सुणाई देणी, कने परमेशरा रिया तुरहियां बजणियां; कने सै जे मसीह च मरीरे, तिन्हां पैहले जिऊंदेयां हूणा।

इब्रानियों 12:23

कने तुहें परमेशरा रे पैहलौठे बच्चे रिया कलीसिया च आईगरे, तिन्हारे नौं जे स्वर्गा च लिखे गईरे। ये धर्मी लोकां री आत्मा इ सै जे हल्तिये स्वर्गा चे, कने तिन्हांजो सिद्ध कित्या गया कने तुहें खुद परमेशरा ले आईगरे सै जे सारियां गल्लां रा न्याय करने औल़ा।

इब्रानियों 9:27

तियां जे माहणुये रे खातर इक बार मरना कने तिसते बाद न्याय रा सामना करना तैह आ,

प्रकाशितवाक्य 14:13

फेरी मैं स्वर्गा ते ये अवाज़ सुणी, “लिख: सै मृतक जे प्रभुये च मराँ ये, सै हुण आशीषित ये।” पवित्र आत्मा बोलां, “हाँ, काँह्भई तिन्हां अपणिया मेहणता ते आराम पाणा, कने तिन्हांरे भले काम्म तिन्हां सौगी ये।”