रोमियो 7:7 - बिलासपुरी नौआं नियम

⁷ तां फेरी अहें क्या बोलिये? क्या व्यवस्था पाप आ? कदीं मनी। किछ बी हो, जे व्यवस्था नीं हुन्दी तां हऊँ पछयाणी नीं पान्दा भई पाप क्या। जे व्यवस्था नीं बोलदी, भई लालच नीं कर तां हऊँ लालचा जो नीं जाणी पान्दा।

रोमियो 7:7 ပူးပေါင်းရင်းမြစ်များ

मत्ती 5:28

पर हऊँ तुहांजो बोलां, भई जे कोई माह्णु किसी जनाना जो बासना रिया बुरी नजरा ने देक्खां, तां परमेशरा रिया नजरा च सै तिसाने पाप करी चुक्कया।

लूका 12:15

फेरी तिन्हें गलाया, “चत्तन होआ! तुहांले सै जे निआं, तिसरा लालच नीं करा। काँह्भई जादा धन-दौलत किसी रिया जिन्दगिया जो नीं बचाई सकदी।”

लूका 20:16

हऊँ दस्सां, तिस आईने तिन्हां करसाणां जो मारीने खत्म करी देणा, कने अंगूरां रा बगीचा किसी होरी करसाणां ले सम्भाल़ी देणा।” येढ़ा सुणीने तिन्हे गलाया, “परमेशर येढ़ा कदीं नीं करो।”

प्रेरितां 20:33

“मैं किसी जो चाँदी, सोने या कपड़े रा लालच नीं कित्या।

रोमियो 13:9

काँह्भई मूसा री व्यवस्था च बौहत सारे हुक्म ये तियां जे, “व्यभिचार मत कर, खून मत कर, चोरी मत कर, लालच मत रख।” कने इन्हांजो छड्डिने होर कोई बी हुक्म ओ, तां सब्बीं रा निचोड़ इसा गल्ला च पाया जां, “अपणे पड़ेसिये ने अप्पूँ साई प्यार कर।”

रोमियो 3:20

काँह्भई व्यवस्था रा पालन करने ते कोई बी माहणु परमेशरा रे सामणे धर्मी नीं हूणा, पर व्यवस्था माहणुआं जो ये जाणने च मदद कराँ इ भई तिन्हें पाप कित्तिरा।

रोमियो 3:5

इस खातर जे अहांरे बुरे काम्म ये परगट करो भई परमेशर सही आ, तां अहें क्या बोल्ली सक्कां ये? क्या ये परमेशरा रे खातर गल़त आ भई सै गुस्सा करो कने अहौं सजा देओ? (हऊँ अपणी ये गल्ल माहणुये रे स्वभावा पर बोलीराँ)।

रोमियो 4:1

हुण अहें यहूदी हुणे रे नाते अपणे पूर्वज अब्राहम रे बारे च क्या बोलिए? कने तिसरा तजुरबा क्या था?

रोमियो 4:15

ताहली जे लोक व्यवस्था रा पालन नीं करदे, तां परमेशर गुस्से हुआं, पर तित्थी जे व्यवस्था नीं तित्थी व्यवस्था रा तोड़ना बी निआं।

रोमियो 5:20

व्यवस्था इस खातर दित्ति गई ताकि सारे लोकां जो पता चली जो भई सै कितणे पापी थे। पर तियां जे लोकें जादा ते पाप कित्ते तियां इ परमेशरा रा अनुग्रह तिसते बी कई मान जादा हुया,

रोमियो 6:15

तां अहें क्या करिये? क्या अहें पाप करिये काँह्भई अहें व्यवस्था रे अधीन नींये, वल्कि परमेशरा रे अनुग्रह रे अधीन जीआं ये? कदीं मनी!

रोमियो 7:11

काँह्भई पापा जो मौका मिलीग्या कने तिने तिस इ व्यवस्था रे हुक्मा रे जरिये मिन्जो भरमाया, कने तिसरे इ जरिये हऊँ मारी बी दित्या।

रोमियो 7:13

तां फेरी इसरा क्या ये मतलब आ, भई सै जे व्यवस्था खरी थी, सैई मेरिया मौती री वजह बणी? बिल्कुल नीं! पर पाप तिस खरे रे जरिये मेरे खातर मौती री इस खातर वजह बणया भई पापा रा सही स्वभाव परगट हुई सक्को, कने हुक्मा रे जरिये पाप हद ते बी जादा दिखणे लगो।

रोमियो 7:5

काँह्भई ताहली जे अहें अपणे पैहलके स्वभावा रे मुतावक जीआं थे, तां पापी इच्छा अहांरे शरीरा च काम्म कराँ थी सै जे व्यवस्था ते जाग्गी थी कने जो किछ अहें येढ़ा कित्या सै मौती री सजा देआं था।

रोमियो 7:8

पर पापे मौका मिलदे इ व्यवस्था रा फायदा लेन्दे हुये मांह च हर तरह रा लालच पैदा कित्या, काँह्भई बगैर व्यवस्था ते पाप त मुड़दा।

1 कुरिन्थियों 15:56

मौती रा डंग पाप आ; कने पापा री ताकत व्यवस्था इ।

इफिसियां 5:3

तुहांरे बिच व्यभिचार कने हर तरह रे अपवित्र कम्मां यनि लालचा री चर्चा तक नीं हूणी चाहिन्दी; काँह्भई पवित्र लोकां रे खातर ये ठीक निआं।

कुलुस्सियां 3:5

इस खातर सै किछ जे तुहां च संसारिक आ, तिसजो खत्म करी देआ, यनिके व्यभिचार, अपवित्रता, वासनां, बुरी इच्छां कने लालच सै जे मूर्तियां री पूजा करने रे बराबर आ,

1 थिस्सलुनीकियां 4:5

कने तुहांजो ये काम्म अन्यजातियां साई बासना रिया इच्छा ते नीं करना चाहिन्दा, सै जे परमेशरा जो नीं जाणदे,

इब्रानियों 7:19

(काँह्भई मूसा री व्यवस्था किसी गल्ला री सिद्धि नीं करी सक्की) पर हुण अहांले इक उत्तम आशा इ तिसरे जरिये अहें परमेशरा रे सामणे औआं ये।