रोमियो 7:5 - बिलासपुरी नौआं नियम

⁵ काँह्भई ताहली जे अहें अपणे पैहलके स्वभावा रे मुतावक जीआं थे, तां पापी इच्छा अहांरे शरीरा च काम्म कराँ थी सै जे व्यवस्था ते जाग्गी थी कने जो किछ अहें येढ़ा कित्या सै मौती री सजा देआं था।

रोमियो 7:5 ပူးပေါင်းရင်းမြစ်များ

मत्ती 15:19

काँह्भई बुरे बिचार, हत्या, परस्त्रीगमन, व्यभिचार, चोरी, झूट्ठी गवाही कने निंध्या करना, ये सारी बुराईयां मना तेई औआं इयां।

यूहन्ना 3:6

माता-पिता अपणे बच्चयां जो जन्म दें, फेरी बी सिर्फ परमेशरा रा आत्मा तुहांजो परमेशरा रिया सन्तान्ना रे रूपा च बदली सक्कां।

रोमियो 1:26

इस खातर परमेशरे तिन्हांजो बुरी इच्छां रे बशा च करित्या; येत्थी तक भई तिन्हां रियें जनानें बी अपणा सिधा-साधा स्वाभाव छड्डिने बासना रा बुरा स्वाभाव अपणाईल्या।

रोमियो 3:20

काँह्भई व्यवस्था रा पालन करने ते कोई बी माहणु परमेशरा रे सामणे धर्मी नीं हूणा, पर व्यवस्था माहणुआं जो ये जाणने च मदद कराँ इ भई तिन्हें पाप कित्तिरा।

रोमियो 4:15

ताहली जे लोक व्यवस्था रा पालन नीं करदे, तां परमेशर गुस्से हुआं, पर तित्थी जे व्यवस्था नीं तित्थी व्यवस्था रा तोड़ना बी निआं।

रोमियो 5:20

व्यवस्था इस खातर दित्ति गई ताकि सारे लोकां जो पता चली जो भई सै कितणे पापी थे। पर तियां जे लोकें जादा ते पाप कित्ते तियां इ परमेशरा रा अनुग्रह तिसते बी कई मान जादा हुया,

रोमियो 6:13

कने अपणे शरीरा रे अंगाँ जो अधर्मा रे कम्मां खातर पापां रे हवाले नीं करा, वल्कि मुड़दयां चते जिऊंदा हुणे साई परमेशरा रे हवाले करा, कने अपणे शरीरा रे अंगाँ जो धार्मिकता रे कम्मां खातर परमेशरा जो सौंपा।

रोमियो 6:19

हऊँ ये उदाहरण इस खातर इस्तेमाल करी रां काँह्भई तुहांरे खातर ये समझणा मुश्किल आ। तियां जे तुहें खुद अप्पूँजो दास्सा साई बुरयां कम्मां रे खातर अपवित्रता कने बुराईया रे खातर सौंपया था, तियां इ हुण तुहें अप्पूँजो परमेशरा रिया सेवा रे खातर सौंपी देआ, ताकि तुहें पूरी तरह तिसरे हुणे।

रोमियो 6:21

तुहांरिया पुराणिया जिन्दगिया ते तुहांजो क्या फायदा हुया? तुहें सिर्फ इसते शर्मिन्दा ये, काँह्भई तिन्हां कम्मां रा नतीजा मौत इ।

रोमियो 6:23

काँह्भई पापा री मजदूरी त मौत इ, पर परमेशरा रा बरदान अहांरे प्रभु मसीह यीशुये च अनन्त जीवन आ।

रोमियो 7:23

पर हऊँ अपणे शरीरा रे अंगाँ च इक दुज्जे इ नियमा जो काम्म करदे देखां, ये मेरे चिन्तन पर राज करने औल़ी व्यवस्था ने लड़ाई कराँ इ कने मिन्जो पापा री व्यवस्था रे बन्धना च पाईं सै जे मेरे अंगाँ ची।

1 कुरिन्थियों 15:56

मौती रा डंग पाप आ; कने पापा री ताकत व्यवस्था इ।

2 कुरिन्थियों 10:3

हलाँकि अहें बी त इसी संसारा च रैं, पर अहें अपणे दुश्मणा ने संसारा रे लोकां साई नीं लड़दे।

गलातियां 3:10

पर सै लोक सै जे व्यवस्था पालन करने पर भरोसा रक्खां ये, सै त शरापा रे बशा चे। पवित्रशास्त्रा च लिखिरा : “येढ़ा हरेक माहणु शापित आ सै जे व्यवस्था रिया कताबा च लिखी रिया हर गल्ला रा हमेशा पालन नीं करदा।”

गलातियां 5:24

सै जे यीशु मसीह रे लोक ये, तिन्हें अपणे पापी स्वभावा रियां इच्छां कने लालसां जो क्रूसा पर चढ़ाईत्या।

इफिसियां 2:11

इस खातर याद करा, भई तुहें लोक सै जे जन्मा ते अन्यजाति ये तिन्हौं यहूदी लोक नफरत करीने बगैर खतने औल़े बोलां ये, पर खतना माहणुआं रे जरिये शरीरा च कित्या जां।

इफिसियां 2:3

इक बगत था ताहली जे अहें सब बी तिन्हां साई जीआं थे कने बासनां कने अपणे पापी स्वाभावा रियां इच्छां जो पूरा कराँ थे। अहें अपणे स्वभावा च दुज्जेयां लोकां साई थे इस खातर परमेशर अहांने गुस्सा था।

कुलुस्सियां 3:5

इस खातर सै किछ जे तुहां च संसारिक आ, तिसजो खत्म करी देआ, यनिके व्यभिचार, अपवित्रता, वासनां, बुरी इच्छां कने लालच सै जे मूर्तियां री पूजा करने रे बराबर आ,

तीतुस 3:3

काँह्भई अहें बी पैहले मूर्ख, परमेशरा जो नीं मनणे औल़े, कने धोखे च पईरे लोक थे, कने हरेक किस्मा री लालसां कने भोग विलासा रे दास थे। अहें अपणी जिन्दगी बुराई, कने जल़ण करने च बिताई, कने दुज्यां लोकें अहाते नफरत कित्ती, कने अहें तिन्हांते नफरत कित्ती।

याकूब 1:15

फेरी बुरियां इच्छां गर्भवति हुईने पापा जो पैदा कराँ इ कने ताहली जे पाप बडा हुई जां, तां सै मौती जो जन्म देआं।

याकूब 4:1

तुहांरे बिच लड़ाईयां कने झगड़यां री वजह क्या इ? क्या ये तुहांरे अन्दर बुरी इच्छां रे संघर्षा रिया वजह ते नीं?

1 यूहन्ना 3:4

सै जे कोई पाप कराँ, सै परमेशरा रिया व्यवस्था जो तोड़ां, काँह्भई व्यवस्था जो तोड़ना इ पाप आ।