रोमियो 7:23 - बिलासपुरी नौआं नियम

²³ पर हऊँ अपणे शरीरा रे अंगाँ च इक दुज्जे इ नियमा जो काम्म करदे देखां, ये मेरे चिन्तन पर राज करने औल़ी व्यवस्था ने लड़ाई कराँ इ कने मिन्जो पापा री व्यवस्था रे बन्धना च पाईं सै जे मेरे अंगाँ ची।

रोमियो 7:23 ပူးပေါင်းရင်းမြစ်များ

रोमियो 6:13

कने अपणे शरीरा रे अंगाँ जो अधर्मा रे कम्मां खातर पापां रे हवाले नीं करा, वल्कि मुड़दयां चते जिऊंदा हुणे साई परमेशरा रे हवाले करा, कने अपणे शरीरा रे अंगाँ जो धार्मिकता रे कम्मां खातर परमेशरा जो सौंपा।

रोमियो 6:19

हऊँ ये उदाहरण इस खातर इस्तेमाल करी रां काँह्भई तुहांरे खातर ये समझणा मुश्किल आ। तियां जे तुहें खुद अप्पूँजो दास्सा साई बुरयां कम्मां रे खातर अपवित्रता कने बुराईया रे खातर सौंपया था, तियां इ हुण तुहें अप्पूँजो परमेशरा रिया सेवा रे खातर सौंपी देआ, ताकि तुहें पूरी तरह तिसरे हुणे।

रोमियो 7:14

काँह्भई अहें जाणाँ ये भई व्यवस्था त आत्मिक इ, पर हऊँ शारीरिक आ कने इक दास्सा साई पापा रे खातर बेच्चया गईरा।

रोमियो 7:21

इस खातर हऊँ अपणे च ये व्यवस्था पां भई हऊँ ताहली जे खरा करना चाँह, तां अप्पूँ च बुराईया जोई पां।

रोमियो 7:25

यीशु मसीह रे जरिये मेरा छुटकारा करने रे खातर हऊँ परमेशरा रा धन्यवाद कराँ। इस खातर हऊँ अपणे मना ते परमेशरा रिया व्यवस्था री सेवा कराँ, हलाँकि हऊँ अपणे पापी स्वभावा च पापा रिया व्यवस्था री सेवा कराँ।

रोमियो 7:5

काँह्भई ताहली जे अहें अपणे पैहलके स्वभावा रे मुतावक जीआं थे, तां पापी इच्छा अहांरे शरीरा च काम्म कराँ थी सै जे व्यवस्था ते जाग्गी थी कने जो किछ अहें येढ़ा कित्या सै मौती री सजा देआं था।

रोमियो 8:2

काँह्भई पवित्र आत्मे अहांजो जीवन देआं सै जे यीशु मसीह ते औआं कने मिन्जो पाप कने मौती ते अजाद करी देआं।

गलातियां 5:17

काँह्भई पापी स्वभावा रियां इच्छां पवित्र आत्मा रे वरोधा ची, कने पवित्र आत्मा पापी स्वभावा रियां इच्छां रे वरोधा चा। इन्हांरा अप्पूँ चियें बैर आ, इस खातर सै जे तुहें करना चाँये सै करी नीं सकदे।

इब्रानियों 12:4

तुहें अप्पूँजो बचाणे रे खातर पापा रे खिलाफ लड़दे हुये हुण तक तिसा सीमा तक नीं सहन करना पैया भई तुहांजो खून बहाणा पया।

याकूब 3:2

अहें सारे बौहत गल़तियां कराँ ये, पर सै माहणु जे अपणिया जुबाना जो बशा च करी सक्कां, सै खरा माहणु आ; कने हरेक हालाता च अप्पूँजो बशा च करी सक्कां।

याकूब 4:1

तुहांरे बिच लड़ाईयां कने झगड़यां री वजह क्या इ? क्या ये तुहांरे अन्दर बुरी इच्छां रे संघर्षा रिया वजह ते नीं?

1 पतरस 2:11

मेरे प्यारे मित्रो, हऊँ तुहांजो विनती कराँ भई तुहें अप्पूँजो परदेशी कने मुसाफर समझीने तिन्हां शरीरा री बुरियां इच्छां ते दूर रौआ सै जे हमेशा तुहांरिया आत्मा रे बरोधा च लड़ाई कराँ इयां।