रोमियो 7:21 - बिलासपुरी नौआं नियम

²¹ इस खातर हऊँ अपणे च ये व्यवस्था पां भई हऊँ ताहली जे खरा करना चाँह, तां अप्पूँ च बुराईया जोई पां।

रोमियो 7:21 ပူးပေါင်းရင်းမြစ်များ

लूका 4:1

फेरी यीशु पवित्र आत्मा रिया अगुवाईया च, यरदन ते वापस आया; कने चाल़ियां दिनां तक आत्मा रे सखाणे ते सुनसान जगह च फिरदा रैया।

यूहन्ना 8:34

यीशुये तिन्हाजो जबाब दित्या, “हऊँ तुहांजो सच्च बोलां भई सै जे कोई पाप करदा रैयां, सै पापां रा दास आ।

रोमियो 6:12

इस खातर तुहांरे नाशवान शरीराँ पर पाप राज नीं करो, ताकि तुहें पापां रियां इच्छां रे मुतावक नीं चलो;

रोमियो 6:14

फेरी तुहां पर पापां रा राज नीं हूणा, काँह्भई तुहें व्यवस्था रे सहारे नीं जिऊंदे वल्कि परमेशरा रे अनुग्रह रे सहारे जीआं ए।

रोमियो 7:23

पर हऊँ अपणे शरीरा रे अंगाँ च इक दुज्जे इ नियमा जो काम्म करदे देखां, ये मेरे चिन्तन पर राज करने औल़ी व्यवस्था ने लड़ाई कराँ इ कने मिन्जो पापा री व्यवस्था रे बन्धना च पाईं सै जे मेरे अंगाँ ची।

रोमियो 7:25

यीशु मसीह रे जरिये मेरा छुटकारा करने रे खातर हऊँ परमेशरा रा धन्यवाद कराँ। इस खातर हऊँ अपणे मना ते परमेशरा रिया व्यवस्था री सेवा कराँ, हलाँकि हऊँ अपणे पापी स्वभावा च पापा रिया व्यवस्था री सेवा कराँ।

रोमियो 8:2

काँह्भई पवित्र आत्मे अहांजो जीवन देआं सै जे यीशु मसीह ते औआं कने मिन्जो पाप कने मौती ते अजाद करी देआं।

इब्रानियों 2:17

इस वजह ते मसीह यीशुये जो सब्बीं गल्लां च माणुआं साई बणना जरूरी था; ताकि सारयां रे पापां खातर सै प्रायश्चित बल़ि हुणे रे खातर परमेशरा रे सामणे दयालु कने विश्वास लायक महायाजक बणो।

इब्रानियों 4:15

काँह्भई यीशु मसीह सै जे अहांरा महायाजक आ सै अहां री हरेक कमजोरिया जो समझां; काँह्भई सै सब्बीं गल्लां च अहां साई शैतान्ना रे जरिये परखया गया, पर तिने कोई पाप नीं कित्या।

2 पतरस 2:19

ये झूट्ठे शिक्षक लोकां जो बोलां ये: अहें तुहांजो वायदा कराँ ये भई तुहें अजाद हुणे, पर सै खुद बुरे बर्तावा रे गुलाम ये तिस जे तिन्हांजो नाश करी देणा; काँह्भई इक माहणु तिसरा इ दास बणी जां तिसते जे सै हारी जां।