रोमियो 6:21 - बिलासपुरी नौआं नियम

²¹ तुहांरिया पुराणिया जिन्दगिया ते तुहांजो क्या फायदा हुया? तुहें सिर्फ इसते शर्मिन्दा ये, काँह्भई तिन्हां कम्मां रा नतीजा मौत इ।

रोमियो 6:21 ပူးပေါင်းရင်းမြစ်များ

रोमियो 1:32

इयां त सै परमेशरा री विधि जाणाँ ये भई येढ़ि जिन्दगी जीणे औल़े मौती रिया सजा रे हकदार ये, तां बी न सिर्फ सै अप्पूँ इस तरिके रे काम्म कराँ ये, पर येढ़े काम्म करने औल़यां ते सै बड़े खुश हुआं ये।

रोमियो 5:12

इस खातर, तियां जे इक माहणु यनि आदम रे जरिये पाप संसारा च आया, कने आदम रे पापा रिया वजह ने मौत आई, कने इस तरिके ने मौत सारयां लोकां च फैल्लीगी काँह्भई सारयां पाप कित्तिरा था।

रोमियो 6:16

तुहें जाणाँ ये भई ताहली जे तुहें किसी रा हुक्म मनणे खातर अप्पूँजो सेवका रे रुपा च तिस्सो सौंपी दें, तां तुहें सेबक हुये : फेरी चाये तुहें पापा रे दास बणा, तिसरा जे अन्त मौत इ, कने चाये तुहें हुक्मा रा पालन करा, सै जे तुहांजो धार्मिकता री ओर लेई जान्गा।

रोमियो 6:23

काँह्भई पापा री मजदूरी त मौत इ, पर परमेशरा रा बरदान अहांरे प्रभु मसीह यीशुये च अनन्त जीवन आ।

रोमियो 7:5

काँह्भई ताहली जे अहें अपणे पैहलके स्वभावा रे मुतावक जीआं थे, तां पापी इच्छा अहांरे शरीरा च काम्म कराँ थी सै जे व्यवस्था ते जाग्गी थी कने जो किछ अहें येढ़ा कित्या सै मौती री सजा देआं था।

रोमियो 8:13

काँह्भई जे तुहें अपणे पापी स्वभावा रे मुतावक जींगे तां मरगे, पर जे तुहें पवित्र आत्मा रे मुतावक अपणे पापी स्वभावा रे कम्मां जो मारगे तां तुहां जिऊंदा रैहणा।

रोमियो 8:6

जे अहांरा मन अहांरे पापी स्वभावा रे जरिये चलां तां अहां मरना, पर जे अहांरा मन आत्मा रे जरिये चलां तां अहांले जीवन कने शान्ति हूणी।

2 कुरिन्थियों 4:2

पर अहें त शर्मनाक काम्म करने छड्डी तरे, अहें छल-कपट नीं करदे कने नांई परमेशरा रे बचनां च मिलावट कराँ ये। परमेशर अहांरा गवाह भई अहें सच्चाई बोलां ये, कने सै जे कोई ईमानदार आ तिन्हांजो ये पता।

2 कुरिन्थियों 7:11

देक्खा, सै दुख जे परमेशरा रिया तरफा तेआ तिने तुहांरे जीवना च क्या-क्या बदलाव कित्तिरा, तियां जे भई कितना उत्साह, अप्पूँजो बचाणे री चिन्ता, गुस्सा, डर, मेरने मिलणे री बेचैनी, सेवा रे प्रति तुहांरा जोश, कने पापा रे प्रति न्याय चुकाणे री भावना। तुहें हर गल्ला च ये साबित कित्या भई इस बारे च तुहें पूरी तरह निर्दोष थे।

फिलिप्पियां 3:19

अन्त च परमेशरा तिन्हांरा नाश करना, सै लोक सिर्फ अपणी शारीरिक इच्छां जो पूरा करने रे खातर जीआं ये, कने सै अपणी बेशर्म गल्लां पर घमण्ड कराँ ये कने संसारा रिया चीजां पर मन लाई रखां ये।

इब्रानियों 10:29

तां सोच्चा भई इक्की माहणुये जो कितणी भयानक सजा मिलणी, सै जे परमेशरा रे पुत्रा ने नफरत कराँ, कने परमेशरा रिया वाचा रा लहू तिसरे जरिये जे सै पवित्र बणाया गया तिस्सो अपवित्र मन्नां, कने सै तिस आत्मा री बेज्जति कराँ तिसते जे तिने अनुग्रह पाईरा।

इब्रानियों 6:8

पर लोक सै जे अपणे विश्वासा जो छडी दें सै तिसा धरतिया साई ये जिस पर झाड़ियां कने कण्डे उगां ये कने सै जे निकम्मी जमीन इ। परमेशर तिसा धरतिया जो शरापित करने औल़ा कने अन्त बिच अग्गी तिसारा नाश करना।

याकूब 1:15

फेरी बुरियां इच्छां गर्भवति हुईने पापा जो पैदा कराँ इ कने ताहली जे पाप बडा हुई जां, तां सै मौती जो जन्म देआं।

याकूब 5:20

तां सै जाणी लो भई सै जे किसी पापिये जो पापा रे रस्ते ते वापस ली औआं सै तिस पापिये रिया आत्मा जो अनन्त काल रिया मौती ते बचां कने परमेशर तिसरे कई पापां जो माफ कराँ।

1 पतरस 4:17

काँह्भई सै बगत आई चुक्कीरा भई पैहले परमेशरा रे लोकां रा न्याय कित्या जाओ; कने जे न्याय री शुरुआत अहां तेई हुआं इ, तां तिन्हां लोकां रा अन्त क्या हूणा सै जे परमेशरा रिया खुशखबरिया पर विश्वास नीं करदे?

1 यूहन्ना 2:28

इस खातर प्यारे बच्चो, मसीह च बणीरे रौआ, भई ताहली जे सै वापस आओ, तां अहांरा आत्म-विश्वास बणीरा रौ, कने अहांजो तिसरे औणे रे बगत शर्मिन्दा नीं हुणे पौ।

प्रकाशितवाक्य 16:6

काँह्भई तिन्हें परमेशरा रे लोकां रा, कने भविष्यवक्तयां रा खून बहाया था, कने तैं तिन्हांजो खून प्याया; काँह्भई सै इस इ लायक ये।”

प्रकाशितवाक्य 20:14

मौत कने अधोलोक बी अग्गी रिया नदिया च पाई दित्ते गये। ये अग्गी री झील दुज्जी मौत इ;