रोमियो 6:16 - बिलासपुरी नौआं नियम

¹⁶ तुहें जाणाँ ये भई ताहली जे तुहें किसी रा हुक्म मनणे खातर अप्पूँजो सेवका रे रुपा च तिस्सो सौंपी दें, तां तुहें सेबक हुये : फेरी चाये तुहें पापा रे दास बणा, तिसरा जे अन्त मौत इ, कने चाये तुहें हुक्मा रा पालन करा, सै जे तुहांजो धार्मिकता री ओर लेई जान्गा।

रोमियो 6:16 ပူးပေါင်းရင်းမြစ်များ

मत्ती 20:4

तिने मजदूरां जो बोल्या, तुहें बी जाईने मेरे बगीचे च काम्म करा, मांह तुहांजो ठीक मजदूरी देणी, इस खातर सै चलीपे।

मत्ती 6:24

“कोई बी माहणु इक वगता च दुईं स्वामियां री सेवा नीं करी सकदा, काँह्भई जे कोई येढ़ा कराँ तां तिस इक्की ने नफरत करनी कने दुज्जे ने प्यार, या इक्की रे परति बफादार रैहणा कने दुज्जे रा निरादर करना। तुहें धन कने परमेशर दुईं री इक साथ सेवा नीं करी सकदे।

यूहन्ना 8:34

यीशुये तिन्हाजो जबाब दित्या, “हऊँ तुहांजो सच्च बोलां भई सै जे कोई पाप करदा रैयां, सै पापां रा दास आ।

रोमियो 11:2

परमेशरे अपणे सै लोक नीं छड्डे, सै जे तिने पैहले ते चुणीरे थे। क्या तुहें नीं जाणदे भई एलिय्याह भविष्यवक्ते रे बारे च पवित्रशास्त्र क्या बोलां; भई जिसा कहाणिया पर सै इस्राएल रे बिरोधा च परमेशरा ने विनती कराँ?

रोमियो 12:1

इस खातर मेरे साथी विश्वासियो, परमेशरा री महान दया रिया वजह ने हऊँ तुहांजो विनती कराँ, भई अप्पूँजो पवित्र, इक जिऊंदा बलिदान्ना रे रुपा च परमेशरा जो खुश करदे हुये अर्पण करा। परमेशरा री अराधना करने रा येई सही तरीका।

रोमियो 6:17

तुहें पैहले पापा रे दास थे, पर सै उपदेश जे तुहांजो सखाया गईरा था हुण तुहें अपणे पूरे दिला ने तिसरा पालन कित्या, इस खातर हऊँ परमेशरा रा धन्यवाद कराँ।

1 कुरिन्थियों 3:16

क्या तुहें नीं जाणदे भई तुहें परमेशरा रा मन्दर ये, कने परमेशरा रा आत्मा तुहां च वास कराँ।

1 कुरिन्थियों 5:6

तुहांरा घमण्ड करना ठीक निआं; क्या तुहें नीं जाणदे, भई थोड़ा जेआ खमीर पूरे गुन्हीरे आट्टे जो खमीर करी देआं? तियां इ ये पाप खमीरा साई दुज्या लोकां च बी फैल्ली सक्कां।

1 कुरिन्थियों 6:2

क्या तुहें नीं जाणदे भई पवित्र लोकां संसारा रा न्याय करना? इस खातर जे तुहौं संसारा रा न्याय करना, तां क्या तुहें छोट्टे-छोट्टे झगड़यां रा न्याय करने रे लायक बी नींये?

1 कुरिन्थियों 6:3

क्या तुहें नीं जाणदे भई अहां दूतां रा न्याय करना? तां तिसरिया तुलना च जिन्दगिया रे हर रोज के छोट्टे-मोटे झगड़े क्या ये?

1 कुरिन्थियों 6:9

क्या तुहें नीं जाणदे भई अन्यायी लोक परमेशरा रे राज्जा रे वारस नीं हुणे? खुद अप्पूँजो धोखा नीं देआ, नां वैश्यगामी, नां मूर्तीपूजक, नां पराई जनाना ने गल़त करना, नां लुच्चे, नां पुरुषगामी,

1 कुरिन्थियों 9:13

क्या तुहें नीं जाणदे भई सै जे मन्दरा च सेवा कराँ ये, तिसरा खाणा-पीणा मन्दरा तेई हुआं; कने सै जे वेदिया री सेवा कराँ ये, सै वेदिया पर बल़ि कित्ती रियां चीजां च हिस्सेदार हुआं ये?

1 कुरिन्थियों 9:24

क्या तुहें नीं जाणदे भई दौड़ा च त सब दौड़ां ये, पर ईनाम इक्की जोई मिलां? इस खातर तुहें इयां दौड़ा भई ईनाम जित्तो।

2 पतरस 2:19

ये झूट्ठे शिक्षक लोकां जो बोलां ये: अहें तुहांजो वायदा कराँ ये भई तुहें अजाद हुणे, पर सै खुद बुरे बर्तावा रे गुलाम ये तिस जे तिन्हांजो नाश करी देणा; काँह्भई इक माहणु तिसरा इ दास बणी जां तिसते जे सै हारी जां।