रोमियो 6:14 - बिलासपुरी नौआं नियम

¹⁴ फेरी तुहां पर पापां रा राज नीं हूणा, काँह्भई तुहें व्यवस्था रे सहारे नीं जिऊंदे वल्कि परमेशरा रे अनुग्रह रे सहारे जीआं ए।

रोमियो 6:14 ပူးပေါင်းရင်းမြစ်များ

मत्ती 1:21

तिसा इक पुत्र जणना तू तिसरा नौं यीशु रखयां, काँह्भई तिस अपणे लोकां जो तिन्हारे पापां ते छुटकारा दिलाणा।”

यूहन्ना 1:14

कने वचन शरीरा रा रुप लेईने आया; तिने अनुग्रह कने सच्चाईया ने भरी ने अहांरे बिच बास कित्या, कने अहें तिसरी येढ़ि महिमा देक्खी, तेढ़ी जे पिता रे इकलौते पुत्रा री महिमा हुआं इ।

यूहन्ना 1:17

अहांजो व्यवस्था देणे औल़ा मूसा था, पर अनुग्रह कने सच्चाई परमेशरे अहांजो यीशु मसीह रे जरिये दस्से।

यूहन्ना 8:36

इस खातर जे पुत्र तुहांजो अजाद करो, तां सचमुच तुहां अजाद हूणा।

रोमियो 11:6

कने जे सै परमेशरा रे अनुग्रह ने हुया, तां लोक सै जे कर्म कराँ ये, ये तिन्हां कर्मां रा नतीजा निआं; नैत परमेशरा रा अनुग्रह फेरी अनुग्रह नीं रैया।

रोमियो 4:16

इस खातर, विश्वासा रे जरिये परमेशरा रा वायदा औआं, ताकि वायदा परमेशरा रे अनुग्रह रे जरिये अब्राहम रे सारे वंशां रे खातर पक्का हुई सक्को। न सिर्फ तिन्हां खातर सै जे व्यवस्था रा पालन कराँ ये बल्कि तिन्हां सारयां खातर बी सै जे अब्राहमा साई विश्वास रखां ये, सै जे अहां सारयां रा पूर्वज आ,

रोमियो 5:17

काँह्भई ताहली जे इक्की माहणुये रे पापा रिया वजह ने सारे लोक मरे, तां हकीकत च सै लोक जे अनुग्रह कने धार्मिकता रे बरदान यीशु मसीह रे जरिये बौहत जादा पायें, सै लोक जिऊंदा रैहणे कने इक माहणु यीशु मसीह रे जरिये राज करगे।

रोमियो 5:18

इस खातर तियां जे इक माहणुये रा पाप सारयां लोकां रे खातर सजा लेईने आया, तियां इ मसीह रे धर्मा रा काम्म बी सारयां लोकां रे खातर धर्मी बणने री बजह बणया सै जे जीवन देआं।

रोमियो 6:12

इस खातर तुहांरे नाशवान शरीराँ पर पाप राज नीं करो, ताकि तुहें पापां रियां इच्छां रे मुतावक नीं चलो;

रोमियो 6:15

तां अहें क्या करिये? क्या अहें पाप करिये काँह्भई अहें व्यवस्था रे अधीन नींये, वल्कि परमेशरा रे अनुग्रह रे अधीन जीआं ये? कदीं मनी!

रोमियो 8:12

इस खातर मेरे साथी विश्वासियो, अहांजो इयां जीणा चाहिन्दा तियां जे परमेशरा रा आत्मा अहांने बोलां, पर अपणे पापी स्वभाव रे मुतावक नीं,

रोमियो 8:2

काँह्भई पवित्र आत्मे अहांजो जीवन देआं सै जे यीशु मसीह ते औआं कने मिन्जो पाप कने मौती ते अजाद करी देआं।

गलातियां 3:23

मसीह रे औणे ते पैहले, अहां यहूदियां जो बन्दी बणाया गया था कने व्यवस्था अहांरी रखवाल़ी करया राँ थी। परमेशरे मसीह जो अहां पर परगट करने तक व्यवस्थे अहौं बन्दियां साई बणाईने रखया

गलातियां 4:21

व्यवस्था रे अधीन रैहणे औल़यां ते हऊँ पुछणा चाँह; क्या तुहें नीं सुणदे भई व्यवस्था क्या बोलां इ?

गलातियां 5:18

पर जे तुहें पवित्र आत्मा रे मुतावक चलां ये, तां फेरी व्यवस्था रे अधीन नीं रैहन्दे।

तीतुस 2:14

तिने अप्पूँजो अहांरे खातर बलिदान करित्या ताकि अहांजो हरेक पापा ते छडवाई लो कने शुद्ध करीने अपणे खास लोक बणाई लो, सै जे भले काम्म करने च पूरे समर्पित ये।

इब्रानियों 8:10

फेरी प्रभु बोलां, भई ये वाचा मांह औणे औल़े दिनां च इस्राएली लोकां ने बन्हणी, भई मांह अपणी व्यवस्था तिन्हांरे मना च पाणी, कने तिन्हां व्यवस्था अपणे दिलां च रखणी, कने मांह तिन्हांरा परमेशर हूणा कने सै मेरे लोक हुणे।