रोमियो 6:11 - बिलासपुरी नौआं नियम

¹¹ इयां इ तुहें अपणे बारे च बी सोच्चा भई तुहें पापा रे खातर मरी चुक्कीरे, पर मसीह यीशुये तुहांजो जीवन दित्या कने तुहें परमेशरा रे खातर जिऊंदा ये।

रोमियो 6:11 ပူးပေါင်းရင်းမြစ်များ

यूहन्ना 20:31

पर ये सै जे लिखे गईरे, इस खातर भई तुहें विश्वास करो भई यीशु इ मसीह आ, सैई परमेशरा रा पुत्र आ। कने तिस पर विश्वास करीने अनन्त जीवन पाओ।

रोमियो 16:27

तिस इकलौते ज्ञानवान परमेशरा री महिमा यीशु मसीह रे जरिये युगां-युगां तक हुन्दी रौ। आमीन।

रोमियो 5:1

इस खातर अहें विश्वासा ते धर्मी बणे, कांभई सै जे प्रभु यीशु मसीहे अहांरे खातर कित्या, तिसरे जरिए अहें परमेशरा सौगी शान्तिया ने रौ,

रोमियो 6:10

ताहली जे मसीह मरया, सै इक इ बार सब्बीं रे पापा रे खातर मरया। पर हुण सै जिऊंदा, कने सिर्फ परमेशरा रे खातर जिऊंदा।

रोमियो 6:13

कने अपणे शरीरा रे अंगाँ जो अधर्मा रे कम्मां खातर पापां रे हवाले नीं करा, वल्कि मुड़दयां चते जिऊंदा हुणे साई परमेशरा रे हवाले करा, कने अपणे शरीरा रे अंगाँ जो धार्मिकता रे कम्मां खातर परमेशरा जो सौंपा।

रोमियो 6:2

कदी मनी! अहें पापा रे खातर मरी चुक्कीरे इस खातर अहांजो लगातार पाप नीं करना चाहिन्दा।

रोमियो 6:23

काँह्भई पापा री मजदूरी त मौत इ, पर परमेशरा रा बरदान अहांरे प्रभु मसीह यीशुये च अनन्त जीवन आ।

रोमियो 7:4

तियां इ मेरे साथी विश्वासियो, तुहें बी मसीह रिया देहा रे जरिये व्यवस्था खातर मरी चुक्कीरे, इस खातर हुण तुहें बी किसी दुज्जे ने नाता जोड़ी सक्कां ये, सै जे मूईरयां चते जिऊंदा हुईग्या: ताकि अहें परमेशरा री सेवा करी सक्को।

रोमियो 7:6

पर व्यवस्था अहांरे ऊपर राज नीं करदी, अहें मूईरे लोकां साई ये कने ये अहांरे ऊपर कोई हक नीं जताई सकदी। हुण अहें लिखिरी पुराणी व्यवस्था रा पालन करीने नीं वल्कि आत्मा सौगी नये तरिके ने परमेशरा री सेवा करी सक्कां ये।

रोमियो 8:18

मिन्जो ये यकीन आ भई सै महिमा जे अहां पर परगट हुणे औल़ी तिसारे सामणे अहांरे ये दुख सै जे अहें हुण सही राँये किछ बी नींये।

1 कुरिन्थियों 6:20

काँह्भई तुहांजो दाम देईने खरीदया गईरा, इस खातर अपणे शरीरा रे जरिये परमेशरा री महिमा करा।

इफिसियां 2:7

तिने मसीह यीशुये रे जरिये इस तरिके ने अपणी दया अहां पर दिखाई ताकि औणे औल़े वगता च संसारा रे लोकां देखणा भई तिसरा अनुग्रह कितना महान आ। ये अनुग्रह सब्बीं ते महान आ।

फिलिप्पियां 1:11

तियां जे इक पेड़ फल़ देआं तियां इ तुहें यीशु मसीह रिया सामर्था रे जरिये भलयां कम्मां जो करगे, इसच बधदे रौआ तिसते जे परमेशरा री महिमा कने स्तुति हुन्दी रौ।

फिलिप्पियां 4:7

तां परमेशरा तुहांजो शान्ति देणी सै जे माहणुआं रिया समझा ते बाहर इ, सै जे तुहांरे मना जो कने तुहांरे विचाराँ जो मसीह यीशुये च सुरक्षित रखगी।

कुलुस्सियां 2:20

काँह्भई तुहें मसीह सौगी मरी चुक्कीरे कने तुहांजो संसारिक आदी शिक्षां ते छुटकारा मिली चुक्कीरा, तां फेरी काँह तुहें संसारा रे नियमां रा लगातार पालन करी राँये? तियां जे भई

कुलुस्सियां 3:17

वचना च या कम्मां च जो किछ बी करो सब प्रभु यीशुये रे नौआं ते करा, कने तिसरे इ जरिये हर बगत पिता परमेशरा जो धन्यवाद देन्दे रौआ।

1 पतरस 2:24

सै खुद अहांरे पापां जो अपणे शरीरा पर लेईने क्रूसा पर चढ़ीग्या, ताकि अहें पापां रे खातर मरी सक्को कने धार्मिकता रे खातर जी सक्को; तिसरे जख्मां रे जरिये तुहें चंगे हुईरे।

1 पतरस 2:5

तुहें बी जीवित पत्थराँ साई आओ कने आत्मिक घर बनाणे च अप्पूँजो इस्तेमाल करा, तित्थी जे तुहां आत्मिक बलिदान चढ़ाणे खातर पवित्र याजकां साई सेवा करनी, सै जे यीशु मसीह रे जरिये परमेशरा रिया नज़राँ च ग्रहण करने लायक हो।

1 पतरस 4:11

तिस्सो जे प्रचार करने रा बरदान मिलीरा तिसजो परमेशरा रा सन्देश प्रचार करना चाहिन्दा। जे तुहांजो दुज्यां री सेवा करने रा बरदान मिलीरा, तां परमेशरा ते पाई रिया सारिया शक्तिया ने ये करा। ताकि सारियां गल्लां च यीशु मसीह रे जरिये परमेशरा री महिमा हो। सारी महिमा कने सामर्थ जुगां-जुगां तक तिसरी इ हाई। आमीन।