रोमियो 5:8 - बिलासपुरी नौआं नियम

⁸ पर परमेशर अहां पर अपणे महान प्यारा जो इस तरिके ने परगट कराँ भई ताहली जे अहें पापी थे ताहली मसीह अहांरे खातर मरया।

रोमियो 5:8 ပူးပေါင်းရင်းမြစ်များ

यूहन्ना 15:13

बडे ते बडा प्यार येआ भई कोई माहणु अपणे दोस्तां खातर अपणी जान बी दई दो, येढ़ा प्यार करना किसी बी माहणुये रे बशा रा काम्म निआं।

यूहन्ना 3:16

“काँह्भई परमेशरे संसारा रे लोकां ने इतणा प्यार कित्या भई तिने अपणे इकलौते पुत्रा जो तिन्हांरे खातर बलिदान करित्या, ताकि हर इक माहणु सै जे तिस पर विश्वास करो, सै नाश नीं हो, पर अनन्त जीवन पाओ।

रोमियो 3:5

इस खातर जे अहांरे बुरे काम्म ये परगट करो भई परमेशर सही आ, तां अहें क्या बोल्ली सक्कां ये? क्या ये परमेशरा रे खातर गल़त आ भई सै गुस्सा करो कने अहौं सजा देओ? (हऊँ अपणी ये गल्ल माहणुये रे स्वभावा पर बोलीराँ)।

रोमियो 4:25

यीशु मसीह तिस्सो जे अहांरे पापां रे खातर मारने जो सौंपया गया था, कने भीं ते परमेशरे तिस्सो जिऊंदा कित्या, ताकि परमेशर अहांजो धर्मिये रे रुपा च ग्रहण करी सक्को।

रोमियो 5:20

व्यवस्था इस खातर दित्ति गई ताकि सारे लोकां जो पता चली जो भई सै कितणे पापी थे। पर तियां जे लोकें जादा ते पाप कित्ते तियां इ परमेशरा रा अनुग्रह तिसते बी कई मान जादा हुया,

रोमियो 5:6

काँह्भई ताहली जे अहें अप्पूँजो बचाणे खातर असहाय थे, तां मसीह अहां पापी लोकां रे खातर तिस वगत मरया, जिस वगता जो जे परमेशरे चुणीरा था।

रोमियो 5:7

किसी धर्मी माहणुये रे खातर कोई अपणी जान देई दो, येत बड़ा मुश्कल आ; पर हुई सक्कां किसी खरे माहणुये रे खातर अपणी जान देणे री कोई बी हिम्मत करी सक्कां।

रोमियो 8:32

परमेशरे अपणे पुत्रा जो बी नीं बचाया, पर तिस्सो अहां सारयां रे खातर अपणे दुश्मणा रे हवाले करित्या, तिस अहांजो अपणे पुत्रा सौगी सै सब किछ देणा तिस्सो देणे रा जे तिने अहांने वायदा कित्तिरा था।

गलातियां 2:20

हऊँ मसीह सौगी क्रूसा पर चढ़ाया गईरा, हुण हऊँ जिऊंदा निआं, पर मसीह माह च जिऊंदा; कने इस शरीरा च हुण हऊँ सै जिन्दगी जे जी कराँ, सै सिर्फ तिस विश्वासा ने जीवित आ सै जे परमेशरा रे पुत्रा पर आ, तिने जे माहने प्यार कित्या कने खुद अप्पूँजो मेरे खातर अर्पण कित्या।

इफिसियां 2:7

तिने मसीह यीशुये रे जरिये इस तरिके ने अपणी दया अहां पर दिखाई ताकि औणे औल़े वगता च संसारा रे लोकां देखणा भई तिसरा अनुग्रह कितना महान आ। ये अनुग्रह सब्बीं ते महान आ।

इफिसियां 5:2

जिस तरिके ने मसीहे अहांने प्यार कित्या कने खुद अप्पूँजो खुशबुदार तेला साई परमेशरा खातर इक भेन्ट कने बलिदान्ना रे रुपा च चढ़ाईत्या, तियां इ प्यार रा जीवन जीओ।

1 तिमुथियुस 1:16

पर माह पर इस खातर दया हुई भई मुझ सब ते बड़े पापिये च यीशु मसीह अपणी पूरी सहनशीलता दस्सो, भई सै जे लोक तिस पर अनन्त जीवना खातर विश्वास करगे तिन्हां खातर हऊँ इक आर्दश बणुँ।

इब्रानियों 8:3

काँह्भई हरेक महायाजक पापां रिया माफिया खातर भेंट कने बलिदान चढ़ाणे जो नियुक्त कित्या जां, इस वजह ते जरूरी आ, भई अहांरे महांयाजक (यीशुये) ले बी चढ़ाणे रे खातर किछ हो।

1 पतरस 3:18

हऊँ इस खातर सै बोलां भई, मसीहे बी दुख सैहण कित्या कने अहांरे पापां रे खातर इक इ बार मरया। सै धर्मी माहणु था सै जे पापी लोकां रे खातर मरया, ताकि सै तुहांजो परमेशरा रे नजदीक ल्याई सक्को। तिसरी शारीरिक मौत त हुईगी, पर सै परमेशरा रिया आत्मा रे जरिये जिऊंदा कित्या गया।

1 यूहन्ना 3:16

यीशु मसीह अहांरे खातर अपणिया जिन्दगिया रा त्याग करित्या; इसते अहें जाणाँ ये भई प्यार क्या; इस खातर अहांजो बी अपणे साथी विश्वासियां रे खातर अपणे प्राणां रा त्याग करना चाहिन्दा।