रोमियो 5:5 - बिलासपुरी नौआं नियम

⁵ कने ये आशा अहांजो निराश नीं हुणे देन्दी, काँह्भई पवित्र आत्मा सै जे परमेशरे अहांजो दित्तिरा, तिसरे जरिये परमेशरा रा प्यार अहांरे दिलां च भरी तरा।

रोमियो 5:5 ပူးပေါင်းရင်းမြစ်များ

प्रेरितां 10:45

कने जितने यहूदी विश्वासी पतरसा ने सौगी आईरे थे, सै सब हैरान हुये भई अन्यजातियां परा बी पवित्र आत्मा रा दान मिलया राँ।

प्रेरितां 2:17

“ ‘परमेशर बोलां, भई आखिरी दिना च येढ़ा हूणा भई मांह अपणा आत्मा सब माहणुआं पर भेजणा, कने तुहांरे मुण्डुआं कने कुड़ियां भविष्यवाणियां करनियां, कने तुहांरे जवानां दर्शण देखणे कने तुहांरे पुरनिये सुखने देखणे।

प्रेरितां 2:33

इयां इ परमेशरा रे सज्जे हत्था ते सब्बींते ऊच्ची जगह पाईने, कने पिता ते सै पवित्र आत्मा पाईने तिसरी प्रतिज्ञा जे कित्तिरी थी, तिने ये भेज्जी दित्तिरा सै जे तुहें देख्या कने सुणया रायें।

रोमियो 1:7

हऊँ ये चिट्ठी रोम नगरा च रैहणे औल़े तुहां सारयां जो लिखिराँ तिन्हौं जे परमेशर प्यार कराँ कने अपणे पवित्र लोक हुणे खातर चुणीरा। अहांरे पिता परमेशर कने प्रभु यीशु मसीह रिया तरफा ते तुहांजो अनुग्रह कने शान्ति मिलदी रौ।

रोमियो 8:28

अहें जाणाँ ये भई परमेशर तिन्हां सारयां लोकां रे खातर अच्छी चीजां ल्यौआं सै जे तिस्सो प्यार कराँ ये; यनिके तिन्हांरे खातर सै जे तिसरिया मर्जिया रे मुतावक तिस्सो जे तिने चुणीरा।

रोमियो 9:33

तियां जे पवित्रशास्त्रा च लिखिरा, “ध्याना ने सुणा, हऊँ यरूशलेम च इक पत्थर रखां तिसते जे लोकां जो ठोकर लगणी कने सै गिरने, पर सै जे कोई तिस पर विश्वास कराँ सै कदीं शर्मिन्दा नीं हूणा।”

1 कुरिन्थियों 8:3

पर जे कोई परमेशरा ने प्यार रखां, तां परमेशर तिस माहणुये जो जाणाँ।

2 कुरिन्थियों 13:14

प्रभु यीशु मसीह रा अनुग्रह, परमेशरा रा प्यार कने पवित्र आत्मा री सहभागिता तुहां सब्बी ने सौगी बणीरी रौ।

2 कुरिन्थियों 3:18

पर ताहली जे अहें सब अपणे खुल्हे चेहरे ने प्रभुये री महिमा रा ध्यान कराँ ये, तां परमेशर अहौं हौल़यां-हौल़यां अपणे स्वरूपा च बधदी हुई महिमा सौगी बदल़ां, ये महिमा प्रभु तेई मिलां इ, सै जे पवित्र आत्मा।

2 कुरिन्थियों 4:6

काँह्भई पवित्रशास्त्र बोलां, “परमेशरे जोतिया जो अन्धकारा च चमकणे रा हुक्म दित्या।” हुण परमेशर अहांरे दिलां च चमकीरा, ताकि परमेशरा री महिमा यीशु मसीह च दिखीरी, ये अहें तुहौं दस्सी सक्को।

गलातियां 4:6

काँह्भई तुहें परमेशरा रे बच्चे हो, इस खातर परमेशरे अहांरे दिलां च अपणे पुत्रा री आत्मा भेज्जी, सैई आत्मा परमेशरा जो “हे अब्बा, हे पिता, बोलीने पुकाराँ।”

गलातियां 5:22

पर पवित्र आत्मा रा फल़ प्यार, खुशी, शान्ति, धीरज, दया, भलाई, विश्वास,

इफिसियां 1:13

परमेशरे तुहौं बी अपणे लोक बणाया ताहली जे तुहें सच्चाईया रा सन्देश यनि तुहांरे छुटकारे री खुशखबरी सुणी। तां तुहें तिस पर विश्वास कित्या कने मसीह च परमेशरे तुहां पर छाप लाई सै छाप जे वायदा कित्तिरा पवित्र आत्मा।

इफिसियां 4:30

परमेशरा रे पवित्र आत्मा जो दुखी मत करा काँह्भई परमेशरे अपणे पवित्र आत्मा ने तुहां पर मोहर लगाईरी भई इक दिन परमेशर तुहांजो पूरे तरिके ने छुड़वांगा।

फिलिप्पियां 1:20

मेरी ये बड्डी इच्छा कने आशा इ भई मांह किसी बी गल्ला च शर्मिन्दा नीं हूणा पर हुण पूरे हौंसले ने तियां जे मेरे सारयां कम्मां कने गल्लां ते मसीह री महिमा हमेशा हुन्दी रैई, तियां इ अग्गे बी हुन्दी रैहणी; चाये हऊँ जीऊं या मरी जाऊँ।

1 थिस्सलुनीकियां 4:8

इस वजह ते सै जे इसा शिक्षा जो बेकार जाणाँ, सै माहणुये जो नीं पर परमेशरा जो बेकार जाणाँ, सै जे अपणा पवित्र आत्मा तुहांजो देआं।

2 थिस्सलुनीकियां 2:16

खुद अहांरे प्रभु यीशु मसीह, कने अहांरे पिता परमेशर तिने जे अहांने प्यार कित्या, कने अपणे अनुग्रह ते अनन्त प्रोत्साहन कने उत्तम आशा दित्तिरी,

2 तिमुथियुस 1:12

कने इसा वजह ने हऊँ इन्हां गल्लां रा दुख सैया राँ, फेरी बी हऊँ शर्मान्दा निआं, काँह्भई तिस पर जे मैं विश्वास कित्तिरा, हऊँ तिस्सो जाणाँ कने मिन्जो ये निश्चा भई तिने मिन्जो जो किछ दित्तिरा, सै तिसरिया रक्षा करने च तिस दिना तक समर्थी आ।

1 यूहन्ना 4:19

अहें इस खातर परमेशरा जो कने इक्की दूये जो प्यार कराँ ये काँह्भई पैहले परमेशरे अहांने प्यार कित्या।