रोमियो 5:17 - बिलासपुरी नौआं नियम

¹⁷ काँह्भई ताहली जे इक्की माहणुये रे पापा रिया वजह ने सारे लोक मरे, तां हकीकत च सै लोक जे अनुग्रह कने धार्मिकता रे बरदान यीशु मसीह रे जरिये बौहत जादा पायें, सै लोक जिऊंदा रैहणे कने इक माहणु यीशु मसीह रे जरिये राज करगे।

रोमियो 5:17 ပူးပေါင်းရင်းမြစ်များ

मत्ती 25:34

फेरी राजे यनि मांह अपणे सज्जे पासे औल़यां ने बोलणा, मेरे पिता ते आशीष पाईरे लोको औआ! कने सै राज जे तुहांरे खातर संसारा जो बनाणे ते पैहले त्यार कित्तिरा तिसजो ग्रहण करा।

यूहन्ना 10:10

चोर सिर्फ भेड्डां री चोरी करने, कने तिन्हाजो मारने कने तबाह करने खातर औआं; हऊँ इस खातर आया भई सै पूरे तरिके ने जिऊंदा रौ।

रोमियो 5:12

इस खातर, तियां जे इक माहणु यनि आदम रे जरिये पाप संसारा च आया, कने आदम रे पापा रिया वजह ने मौत आई, कने इस तरिके ने मौत सारयां लोकां च फैल्लीगी काँह्भई सारयां पाप कित्तिरा था।

रोमियो 5:15

पर परमेशरा रा मुख्त बरदान आदम रे अपराधा साई नींआ। ये सच्च आ भई बौहत लोक इक्की माहणुये यनि आदमा रे पापा रिया वजह ने मरे। पर परमेशरा रे अनुग्रह कने तिसरे मुख्त बरदान बौहत सारयां लोकां रे खातर महान ए सै जे इक्की माहणुये यनि यीशु मसीह रे अनुग्रह ते औआं।

रोमियो 5:20

व्यवस्था इस खातर दित्ति गई ताकि सारे लोकां जो पता चली जो भई सै कितणे पापी थे। पर तियां जे लोकें जादा ते पाप कित्ते तियां इ परमेशरा रा अनुग्रह तिसते बी कई मान जादा हुया,

रोमियो 6:14

फेरी तुहां पर पापां रा राज नीं हूणा, काँह्भई तुहें व्यवस्था रे सहारे नीं जिऊंदे वल्कि परमेशरा रे अनुग्रह रे सहारे जीआं ए।

रोमियो 6:23

काँह्भई पापा री मजदूरी त मौत इ, पर परमेशरा रा बरदान अहांरे प्रभु मसीह यीशुये च अनन्त जीवन आ।

1 कुरिन्थियों 15:49

कने तियां जे अहें तिसरा रुप धारण कित्या सै जे धरतिया रा था, तियां इ अहां तिसरा रुप धारण करना सै जे स्वर्गा तेआ।

1 कुरिन्थियों 4:8

तुहांजो लगां भई तुहें लोक तृप्त हुई चुक्कीरे, तुहें अमीर हुईगरे, तुहें अहांते बगैर राजे बणी चुक्कीरे; पर अच्छा हुंदा भई तुहें सच्चीजो राजा बणी जान्दे ताकि अहें बी तुहां सौगी राजा बणी जान्दे।

फिलिप्पियां 3:9

कने हऊँ तिस सौगी पूरी तरह ते इक हुई सक्कूं; कने ये इस खातर नींआ भई मैं व्यवस्था रा पालन कित्या तां परमेशर मेरे धर्मी हुणे री घोषणा कराँ, पर ये मसीह च विश्वास करने रिया वजह ते आ, कने सिर्फ मेरे मसीह च विश्वास करने रिया वजह नेई परमेशरे ये घोषणा कित्ती भई हऊँ धर्मी आ।

1 तिमुथियुस 1:14

कने अहांरे प्रभुये रा अनुग्रह तिस विश्वास कने प्यारा सौगी सै जे मसीह यीशु चा, बौहत जादा माह पर हुया।

2 तिमुथियुस 2:12

जे अहें दुख सैयें तां तिस सौगी राज बी करना। जे अहें तिसरा इन्कार करगे, तां तिस बी अहांरा इन्कार करना,

याकूब 2:5

मेरे प्यारे साथी विश्वासियो, ध्याना ने सुणा, क्या परमेशरे तिन्हां लोकां जो नीं चुणीरा, सै जे संसारा रिया नजरां च गरीब ये, ताकि सै विश्वासा च अमीर हुई जो कने तिस राज्जा रे बारस बणो, तिसजो जे परमेशरे अपणयां भगतां जो देणे रा वायदा कित्तीरा?

1 पतरस 2:9

पर तुहें चुणीरे लोक ये कने याजक ये सै जे राजे साई परमेशरा री सेवा कराँ ये, पवित्र प्रजा कने परमेशरा रे लोक ये। तिने तुहांजो अन्धकारा चते अपणी अदभुत ज्योतिया च सद्दीरा ताकि तुहें तिसरे अदभुत कम्मां रा प्रचार करी सक्को।

प्रकाशितवाक्य 1:6

इसा वजह ते अहें याजकां रा वंश बणीगरे सै जे तिसरे पिता परमेशरा री सेवा कराँ ये। इस खातर यीशु मसीह री महिमा कने राज युगां-युगां तक रौ! आमीन।

प्रकाशितवाक्य 20:4

फेरी मैं संघासण देक्खे, कने तिन्हां पर सै जे लोक बैठिरे थे तिन्हांजो न्याय करने रा अधिकार दित्या गया। कने मैं तिन्हांरियां आत्मां जो बी देख्या तिन्हांरे सिर जे यीशुये री गवाही देणे कने परमेशरा रे वचनां रिया वजह ते धड़ा ते लग कित्ते गईरे थे। तिन्हें पशु या मूर्तियां री पूजा नीं कित्ती थी, नांई अपणे मत्थे कने हत्था पर तिसरी छाप लई थी। सै जिऊंदा हुईने मसीह ने सौगी हज़ार साल्लां तक राज करदे रै।

प्रकाशितवाक्य 20:6

आशीषित कने पवित्र सै आ सै जे पैहले मूईरयां ते जिऊंदा हुणे च शामिल ये। येढ़यां लोकां पर दुज्जिया मौती रा किछ बी अधिकार निआं, पर तिन्हां परमेशर कने मसीह रे याजक हूणा कने यीशु मसीह सौगी हज़ार साल्लां तक राज करना।

प्रकाशितवाक्य 22:5

कने फेरी तित्थी रात नीं हूणी, कने तिन्हांजो दिऊए कने सूरजा रे उजाले री जरूरत नीं हूणी, काँह्भई प्रभु परमेशरा तिन्हांजो रोशनी देणी, कने तिन्हां युगां-युगां तक राज करना।

प्रकाशितवाक्य 3:21

सै जे जय पाओ मांह तिस्सो अपणे सौगी अपणे संघासणा पर बठालणा, तियां जे हऊँ बी जय पाईने अपणे पिता सौगी तिसरे संघासणा पर बैठिरा।