रोमियो 5:16 - बिलासपुरी नौआं नियम

¹⁶ सै बरदान जे परमेशरे अहांजो दित्या सै आदमा रे पापा साई नींआ, काँह्भई इक माहणुये रा पाप सजा लेईने आया। पर हलाँकि अहें बौहत सारे पाप कित्तिरे फेरी भीं परमेशरे अहांजो इक येढ़ा बरदान दित्तिरा सै जे अहांजो परमेशरा रिया नज़राँ च धर्मी बणां।

रोमियो 5:16 ပူးပေါင်းရင်းမြစ်များ

मत्ती 6:14

“इस खातर जे तुहें लोकां रे पाप माफ करगे, तां तुहांरा पिता सै जे स्वर्गा चा तुहांरयां पापां जो बी माफ करगा।

रोमियो 8:1

इस खातर हुण सै जे मसीह यीशु पर विश्वास कराँ ए, तिन्हां पर सजा रा कोई हुक्म निआं।

1 कुरिन्थियों 11:32

पर प्रभु अहांजो सजा देईने अहांरी ताड़ना कराँ, इस खातर भई अहें संसारा सौगी सजा रे भागी नीं हो।

गलातियां 3:10

पर सै लोक सै जे व्यवस्था पालन करने पर भरोसा रक्खां ये, सै त शरापा रे बशा चे। पवित्रशास्त्रा च लिखिरा : “येढ़ा हरेक माहणु शापित आ सै जे व्यवस्था रिया कताबा च लिखी रिया हर गल्ला रा हमेशा पालन नीं करदा।”

याकूब 2:10

काँह्भई सै जे कोई इक्की हुक्मा जो छड्डिने सारिया व्यवस्था रा पालन कराँ, तिस माहणुये साई आ तिने जे सारिया व्यवस्था जो नीं मन्नया।