रोमियो 4:21 - बिलासपुरी नौआं नियम

²¹ तिस्सो पूरा विश्वास था भई परमेशरे सै वायदा जे तिसने कित्या था, तिस्सो पूरा करने च सै पूरी तरह सामर्थी आ।

रोमियो 4:21 ပူးပေါင်းရင်းမြစ်များ

मत्ती 19:26

यीशुये तिन्हां खौ देखीने गलाया, “माहणुआं रे खातर त ये मुश्कल आ, पर परमेशरा रे खातर किछ बी मुश्कल निआं।”

लूका 1:1

आदरणीय थियूफिलुस जी! मतयां लोकें तिन्हां गल्लां रा ब्योरा लिखणे री कोशिश किति सै जे अहांरे बिच हुईयां।

लूका 1:37

काँह्भई तू हैरान मत हुन्दी, परमेशर सब किछ करी सक्कां!”

लूका 1:45

तिज्जो परमेशरे आशीषित कित्या, काँह्भई तैं विश्वास कित्या भई जो किछ प्रभुये तिज्जो गलाया, सै पूरा हूणा।”

रोमियो 14:4

तू किसी दुज्जे घरा रे सेवका पर इल्जाम लाणे औल़ा कुण हुआं? ये सिर्फ तिसरा इ स्वामी तैह कराँ भई तिने खरा कित्या या खरा नीं कित्या। पर सै सफल हूणा, काँह्भई प्रभुये तिस्सो खड़ा हुणे रे लायक बनाणा।

रोमियो 14:5

तिस इ तरिके ने, कोई त इक्की दिना जो दुज्जे दिना ते बधीने मन्नां, कने दुज्जा तिस्सो सारयां दिनां रे बराबर मन्नां। तां हरेक माहणुये जो यकीन करना चाहिन्दा भई जो किछ सै सोच्चां सै ठीक आ।

रोमियो 8:38

काँह्भई हऊँ निश्चित आ भई परमेशरा रा प्यार सै जे अहांरे प्रभु यीशु मसीह चे तिसते किछ बी अहांजो लग नीं करी सकदा; इसते कोई फर्क नीं पौन्दा भई अहें मरी जायें या जिऊंदा रैं; स्वर्गदूत, राजा, उपरा रियां या थल्ले रियां शक्तियां अहांजो परमेशरा रे प्यारा ते लग करने च सामर्थी नींआ, हुण क्या हुया राँ कने भविष्य च क्या हूणा कने नां कोई सृष्टि अहांजो तिसरे प्यारा ते लग करी पांगे।

2 कुरिन्थियों 9:8

कने परमेशर तुहांजो जरूरता ते जादा देणे च सामर्थी आ, ताकि तुहांले दुज्यां जो देणे खातर जादा ते जादा हूणा।

2 तिमुथियुस 1:12

कने इसा वजह ने हऊँ इन्हां गल्लां रा दुख सैया राँ, फेरी बी हऊँ शर्मान्दा निआं, काँह्भई तिस पर जे मैं विश्वास कित्तिरा, हऊँ तिस्सो जाणाँ कने मिन्जो ये निश्चा भई तिने मिन्जो जो किछ दित्तिरा, सै तिसरिया रक्षा करने च तिस दिना तक समर्थी आ।

इब्रानियों 11:13

ये सारे लोक तिन्हेंजे परमेशरा पर विश्वासा कित्या कने परमेशरा रे जरिये वायदा कित्ती रियां चीजां जो बगैर पाये मरीगे। पर सै दूरा तेई देखीने खुश हुये कने ये बी समझीगे भई अहें धरतिया पर परदेशी कने अंजाण ये।

इब्रानियों 11:19

काँह्भई अब्राहम ये समझी चुक्कया था भई परमेशरा च मूईरयां जो जिऊंदा करने री सामर्थ इ; इक तरिके ने तिने इसहाक जो मूईरयां चते जिऊंदा पाया।