रोमियो 4:14 - बिलासपुरी नौआं नियम

¹⁴ जे अब्राहम कने तिसरे वंशा ने ये वायदा कित्या गया था भई तिन्हें व्यवस्था रा पालन कित्या था, तां विश्वास रा कोई मतलब नीं रैई जान्दा कने वायदा बी बेकार हुई जां।

रोमियो 4:14 ပူးပေါင်းရင်းမြစ်များ

रोमियो 3:31

तां क्या अहें व्यवस्था जो अहांरे विश्वासा रे जरिये खत्म करी रायें? कदीं मनी! पर अहें त व्यवस्था जो तिसरी सही कीमत देई राँये।

रोमियो 4:16

इस खातर, विश्वासा रे जरिये परमेशरा रा वायदा औआं, ताकि वायदा परमेशरा रे अनुग्रह रे जरिये अब्राहम रे सारे वंशां रे खातर पक्का हुई सक्को। न सिर्फ तिन्हां खातर सै जे व्यवस्था रा पालन कराँ ये बल्कि तिन्हां सारयां खातर बी सै जे अब्राहमा साई विश्वास रखां ये, सै जे अहां सारयां रा पूर्वज आ,

1 कुरिन्थियों 1:13

क्या मसीह बन्डोई गरा? क्या पौलुस तुहांरे खातर क्रूसा पर चढ़ाईरा था? या तुहांजो पौलुसा रे नौआं पर बपतिस्मा मिलया था?

गलातियां 2:21

हऊँ परमेशरा रे अनुग्रह रा इन्कार नीं करी रां; काँह्भई जे लोक व्यवस्था रा पालन करने रे जरिये धर्मी हुन्दे, तां मसीह रा मरना बेकार हुन्दा।

गलातियां 5:4

तुहां चते जितने बी लोक व्यवस्था रा पालन करने रे जरिये परमेशरा रे सामणे धर्मी हुणे री कोशिश करया राँये, तुहें सारे मसीह ते लग ये कने परमेशरा रे अनुग्रह जो ग्रहण करने ते मना कित्तिरा।

फिलिप्पियां 3:9

कने हऊँ तिस सौगी पूरी तरह ते इक हुई सक्कूं; कने ये इस खातर नींआ भई मैं व्यवस्था रा पालन कित्या तां परमेशर मेरे धर्मी हुणे री घोषणा कराँ, पर ये मसीह च विश्वास करने रिया वजह ते आ, कने सिर्फ मेरे मसीह च विश्वास करने रिया वजह नेई परमेशरे ये घोषणा कित्ती भई हऊँ धर्मी आ।

इब्रानियों 7:19

(काँह्भई मूसा री व्यवस्था किसी गल्ला री सिद्धि नीं करी सक्की) पर हुण अहांले इक उत्तम आशा इ तिसरे जरिये अहें परमेशरा रे सामणे औआं ये।

इब्रानियों 7:28

काँह्भई मूसा री व्यवस्था तिस माहणुये जो महायाजक हुणे खातर नियुक्त कराँ इ सै जे सिद्ध नींआ, पर व्यवस्था ते बाद परमेशरे कसम खाईने अपणे पुत्रा जो नियुक्त कित्या कने तिसरा पुत्र युगां-युगां तक सिद्ध महांयाजक बणीरा।