रोमियो 4:12 - बिलासपुरी नौआं नियम

¹² अब्राहम खतना औल़यां रा बी आत्मिक पिता, पर तिन्हारा बी आ जे सै परमेशरा पर विश्वास करीने अहांरे पूर्वज अब्राहमा साई जीवन बितायें, तियां जे सै खतने ते पैहले जीया था।

रोमियो 4:12 ပူးပေါင်းရင်းမြစ်များ

मत्ती 3:9

इसा गल़तफैहमिया च मत रौआ भई अब्राहम तुहांरा पिता; काँह्भई हऊँ तुहांजो बोलां भई इन्हां पत्थराँ ते परमेशर अब्राहमा रे खातर बच्चा पैदा करी सक्कां।

रोमियो 4:11

तिसरा खतना बाद बिच हुईरा था, कने तिसरा खतना ये दिखाणे रा इक निशाण था भई तिसरे विश्वासा रिया वजह ने परमेशरे तिस्सो धर्मिये रे रुपा च ग्रहण कित्या था जबकि तिसरा खतना नीं हुईरा था। इस खातर परमेशरा पर विश्वास करने औल़े कने तिसरे इ जरिये धर्मिये रे रुपा च ग्रहण कित्तिरे सारयां लोकां रा आत्मिक पिता अब्राहम आ, हलाँकि तिन्हांरा खतना नीं हुईरा।

रोमियो 4:13

ताहली जे परमेशरे ये वायदा अब्राहम कने तिसरे वंशां ने कित्या था भई तिस तिन्हांजो ये संसार देणा। ये वायदा इस खातर नीं कित्या गया था भई अब्राहमे व्यवस्था रा पालन कित्या था, वल्कि परमेशरा पर तिसरे विश्वासा रिया वजह ने सै धर्मी गिणया गया।

2 कुरिन्थियों 12:18

मैं तीतुस ने विनती करीने तिस सौगी तिस विश्वासी भाईये जो तुहांले भेज्या, पर तितुसे तुहांजो कोई धोखा नीं दित्या। पर तीतुस कने मैं इक तरिके ने कने इक मकसदा ने व्यवहार कित्या।

1 पतरस 2:21

परमेशरे तुहें इस खातर सद्दीरे, काँह्भई मसीहे बी तुहांरे खातर दुख सैईरा कने अहांरे खातर इक उदाहरण बणीगरे, ताकि तुहां बी येढ़ा दुख सैहणा तियां जे तिने दुख सैया।