रोमियो 3:9 - बिलासपुरी नौआं नियम

⁹ तां फेरी क्या अहें यहूदी अन्यजातियां ते खरे? नां बिल्कुल नीं, काँह्भई अहें दस्सी चुक्कीरे भई चाये कोई यहूदी ओ या अन्यजातियां रे लोक ओ, सारे पापां रे बशा चे।

रोमियो 3:9 ပူးပေါင်းရင်းမြစ်များ

लूका 7:39

येढ़ा देखीने सै फरीसी तिने जे यीशुये जो नियून्दा देईने सद्दीरा था, अपणे मना च सोचणे लगया, “इसते त येढ़ा साबित हुआं भई ये यीशु कोई भविष्यवक्ता निआं। काँह्भई जे सच्ची जो सै परमेशरा री तरफा ते भेजीरा हुन्दा, तां येढ़ा जाणी लेन्दा भई ये केढ़ी जनाना इ सै जे इसने छोइराँ इ कने सै कितणी बड्डी पापिन इ।”

रोमियो 1:18

परमेशरा रा गुस्सा स्वर्गा ते तिन्हां सारे अविश्वासी कने पापी लोकां रे ऊपर भड़कां सै जे सच्चाईया जो अपणिया बुराईया ने दबाई रखां ये।

रोमियो 11:32

काभई सारयां लोकें परमेशरा रा हुक्म नीं मन्नया इस खातर सै कैदिये साई बणीगरे। पर परमेशरे ये इस खातर कित्या ताकि सै तिन्हां सब्बीं पर दया करी सक्को।

रोमियो 11:7

इस खातर नतीजा क्या हुया? ये भई इस्राएल रे लोक तिस्सो जे टोल़ीराँ थे, सै तिन्हांजो नीं मिलया; पर चुणी रेआं जो सै मिलया, कने बचीरे लोकां रे मन कठोर बणाईते।

रोमियो 2:1

इस खातर ओ दोष मढ़णे औल़े, तू चाये कोई बी कैं नीं ओ, तेरले कोई बहान्ना निआं; काँह्भई तिसा गल्ला खातर जे तू किसी पर दोष लाँ, तिसा गल्ला खातर तूं अप्पूँ बी दोषी बणाँ, इस खातर भई तू सै जे दोष लाँ, अप्पूँ सैई काम्म कराँ।

रोमियो 3:1

तां यहूदी हुणे रा क्या फायदा या खतने री क्या कीमत इ?

रोमियो 3:19

हुण अहें ये जाणाँ ये भई व्यवस्था सै जे किछ बोलां इ सै तिन्हांने इ बोलां इ, सै जे व्यवस्था रे मुतावक चलां ये; इस खातर भई हर इक मुँह बन्द कित्या जाओ कने सारे संसारा रे लोक परमेशरा री सजा रे लायक ठैहरो;

रोमियो 3:5

इस खातर जे अहांरे बुरे काम्म ये परगट करो भई परमेशर सही आ, तां अहें क्या बोल्ली सक्कां ये? क्या ये परमेशरा रे खातर गल़त आ भई सै गुस्सा करो कने अहौं सजा देओ? (हऊँ अपणी ये गल्ल माहणुये रे स्वभावा पर बोलीराँ)।

रोमियो 6:15

तां अहें क्या करिये? क्या अहें पाप करिये काँह्भई अहें व्यवस्था रे अधीन नींये, वल्कि परमेशरा रे अनुग्रह रे अधीन जीआं ये? कदीं मनी!

रोमियो 7:14

काँह्भई अहें जाणाँ ये भई व्यवस्था त आत्मिक इ, पर हऊँ शारीरिक आ कने इक दास्सा साई पापा रे खातर बेच्चया गईरा।

1 कुरिन्थियों 10:19

फेरी हऊँ क्या बोलां? क्या येढ़ा भई मूर्तिया पर चढ़ीरा बलिदान किछ हया या मूर्ति किछ इ?

1 कुरिन्थियों 14:15

इस खातर, हऊँ क्या करगा? हऊँ आत्मा ते बी प्राथना करगा, कने बुद्धिया ने बी प्राथना करगा; माह आत्मा ते बी गाणा, कने बुद्धिया ने बी गाणा।

1 कुरिन्थियों 4:7

काँह्भई किसी माहणुये तुहौं दुज्यां ते जादा खास नीं बणाया कने सै किछ जे तेरले आ सै तिज्जो परमेशरे दित्तिरा। कने तंजे तिज्जो मिलीरा, तां अपणे बारे च घमण्ड करना तेरे खातर ठीक नींआ।

गलातियां 3:10

पर सै लोक सै जे व्यवस्था पालन करने पर भरोसा रक्खां ये, सै त शरापा रे बशा चे। पवित्रशास्त्रा च लिखिरा : “येढ़ा हरेक माहणु शापित आ सै जे व्यवस्था रिया कताबा च लिखी रिया हर गल्ला रा हमेशा पालन नीं करदा।”

गलातियां 3:22

पर पवित्रशास्त्र घोषणा कराँ भई सै सारे संसारा रे लोक पापा रिया शक्तिया रे अधीन आ, ताकि परमेशरे सै जे वायदा कित्तिरा तिस्सो तिन्हौं देई सक्को सै जे यीशु मसीह पर विश्वास कराँ ये।

फिलिप्पियां 1:18

पर इसते कोई फर्क नीं पौन्दा, जरूरी त येआ भई इक्की ढंगा ने या दुज्जे ढंगा ने, चाये बुरा मकसद हो, चाये भला प्रचार त मसीह राई हुआं कने इसते मिन्जो खुशी मिलांई कने खुशी मिलदी इ रैहणी।