रोमियो 3:5 - बिलासपुरी नौआं नियम

⁵ इस खातर जे अहांरे बुरे काम्म ये परगट करो भई परमेशर सही आ, तां अहें क्या बोल्ली सक्कां ये? क्या ये परमेशरा रे खातर गल़त आ भई सै गुस्सा करो कने अहौं सजा देओ? (हऊँ अपणी ये गल्ल माहणुये रे स्वभावा पर बोलीराँ)।

रोमियो 3:5 ပူးပေါင်းရင်းမြစ်များ

रोमियो 12:19

मेरे मित्रो, किसी ने खुद अप्पूँ बदला नीं लेणा, पर इस्सो परमेशरा रे गुस्से पर छड्डी देआ काँह्भई पवित्रशास्त्रा च लिखिरा : प्रभुये गलाया, “बदला लेणा मेरा काम्म आ, माह इ बदला देणा।”

रोमियो 2:5

पर तुहें पत्थर दिल कने पापी स्वभावा जो छडणा नीं चाहन्दे, येढ़ा करीने तुहें अपणिया सजा जो बधाया राँये कने ताहली जे परमेशरा रा सच्चा न्याय करने रा दिन औणा, तिस दिन परमेशरा तुहांजो बौहत भयानक सजा देणी।

रोमियो 3:19

हुण अहें ये जाणाँ ये भई व्यवस्था सै जे किछ बोलां इ सै तिन्हांने इ बोलां इ, सै जे व्यवस्था रे मुतावक चलां ये; इस खातर भई हर इक मुँह बन्द कित्या जाओ कने सारे संसारा रे लोक परमेशरा री सजा रे लायक ठैहरो;

रोमियो 3:7

पर कोई ये स्वाल करी सक्कां, जे मेरे झूट्ठा रिया वजह ने परमेशरा री सच्चाई तिसरिया महिमा रे खातर जादा करीने परगट हुई, तां फेरी कांह् मिन्जो पापिये साई सजा रे लैक समझया जां?

रोमियो 4:1

हुण अहें यहूदी हुणे रे नाते अपणे पूर्वज अब्राहम रे बारे च क्या बोलिए? कने तिसरा तजुरबा क्या था?

रोमियो 5:8

पर परमेशर अहां पर अपणे महान प्यारा जो इस तरिके ने परगट कराँ भई ताहली जे अहें पापी थे ताहली मसीह अहांरे खातर मरया।

रोमियो 6:1

तां फेरी अहांजो क्या बोलणा चाहिन्दा? तां क्या अहें लगातार पाप करदे रौ, ताकि परमेशरा रा अनुग्रह बधो?

रोमियो 6:19

हऊँ ये उदाहरण इस खातर इस्तेमाल करी रां काँह्भई तुहांरे खातर ये समझणा मुश्किल आ। तियां जे तुहें खुद अप्पूँजो दास्सा साई बुरयां कम्मां रे खातर अपवित्रता कने बुराईया रे खातर सौंपया था, तियां इ हुण तुहें अप्पूँजो परमेशरा रिया सेवा रे खातर सौंपी देआ, ताकि तुहें पूरी तरह तिसरे हुणे।

रोमियो 7:7

तां फेरी अहें क्या बोलिये? क्या व्यवस्था पाप आ? कदीं मनी। किछ बी हो, जे व्यवस्था नीं हुन्दी तां हऊँ पछयाणी नीं पान्दा भई पाप क्या। जे व्यवस्था नीं बोलदी, भई लालच नीं कर तां हऊँ लालचा जो नीं जाणी पान्दा।

रोमियो 8:31

इन्हां सारयां जो ध्याना च रखदे हुये, अहें ये बोल्ली सक्कां ये भई जे परमेशर अहां सौगी आ, तां कोई अहांजो हराई नीं सकदा।

रोमियो 9:30

तां फेरी अहें क्या बोलिये? अहें इस नतीजे पर पुज्जे भई अन्यजातियां रे लोक सै जे धार्मिकता रिया खोज्जा च नीं थे, तिन्हे धार्मिकता पाई ली यनिके सै जे विश्वासा रिया वजह ने धर्मी बणाये गये,

1 कुरिन्थियों 15:32

जे हऊँ सिर्फ माहणुये रिया आशा रिया वजह ने इफिसुस च अपणे बरोधियां ने जंगली जानबराँ साई लड़या, तां मिन्जो क्या फायदा हुया? जे मुड़दे जिऊंदा नीं कित्ते जांगे, तियां जे लोक कई बार बोलां ये “तां औआ, खाईये-पीये, काँह्भई काल्ल त मरी जाणा।”

1 कुरिन्थियों 9:8

ये गल्ल हऊँ आम जीवना रे उदाहरणां पर इ नीं बोल्या राँ बल्कि मूसा री व्यवस्था बी येई गल्ल बोलां इ।

2 कुरिन्थियों 6:4

पर हरेक गल्ला च अहें ये दस्सां ये भई अहें परमेशरा रे सच्चे सेबक ये। अहें धीरजा सौगी पीड़ा सैहणे च, गरीबिया च, कष्टां च,

2 कुरिन्थियों 7:11

देक्खा, सै दुख जे परमेशरा रिया तरफा तेआ तिने तुहांरे जीवना च क्या-क्या बदलाव कित्तिरा, तियां जे भई कितना उत्साह, अप्पूँजो बचाणे री चिन्ता, गुस्सा, डर, मेरने मिलणे री बेचैनी, सेवा रे प्रति तुहांरा जोश, कने पापा रे प्रति न्याय चुकाणे री भावना। तुहें हर गल्ला च ये साबित कित्या भई इस बारे च तुहें पूरी तरह निर्दोष थे।

गलातियां 2:18

काँह्भई सै किछ जे मैं गिराईतरा जे भीं तिस्सो बणां, तां हऊँ खुद अपणे अप्पूँजो अपराधी साबित कराँ।

गलातियां 3:15

मेरे साथी विश्वासियो, हुण हऊँ तुहांजो हर रोज के जीवना ते इक उदाहरण देई कराँ, देक्खा, ताहली जे दो माहणु इक बसीयत बणां यें कने सै तिस्सो पक्का कराँ ये, तां कोई बी माहणु तिसजो बदली नीं सकदा कने किछ जोड़ी बी नीं सकदा। परमेशरा रा ये वायदा बी येढ़ा इ हाया।

प्रकाशितवाक्य 15:3

कने सै परमेशर रे दास मूसा रा गीत, कने मेमने रा गीत गां थे, “हे सर्वशक्तिमान प्रभु परमेशर, तेरे काम्म महान कने अदभुत ये; हे युग-युग रे राजा, तेरी चाल ठीक कने सच्ची।”

प्रकाशितवाक्य 18:20

हे स्वर्ग, कने हे परमेशरा रे लोको, कने प्रेरितो, कने भविष्यवक्तयो, तिस पर आनन्द करा, काँह्भई परमेशरे न्याय करीने तिसाते बदला लेईरा!”