रोमियो 3:4 - बिलासपुरी नौआं नियम

⁴ कदीं मनी! जे हर कोई झूट्ठा बी हुई जांगा, तां बी परमेशर सच्चा इ रैहणा, तियां जे पवित्रशास्त्र परमेशरा रे बारे च बोलां, “जिसते तुहें अपणियां गल्लां च सही साबित हुणे कने अपणा मुकद्दमा तुहां जीतणा।”

रोमियो 3:4 ပူးပေါင်းရင်းမြစ်များ

मत्ती 11:19

पर ताहली जे हऊँ यनि माहणुये रा पुत्र आया, सै जे आम लोकां साई खां-पीआं, पर लोक बोलां ये, ‘इस माहणुये जो देक्खा, ये पेटू कने पियक्कड़ आ; ये चुंगी लेणे औल़यां कने पापियां’ रा मित्र आ! पर माहणुये रे कम्मां ये सावित करना भई कुण बुद्धिमान आ।”

लूका 20:16

हऊँ दस्सां, तिस आईने तिन्हां करसाणां जो मारीने खत्म करी देणा, कने अंगूरां रा बगीचा किसी होरी करसाणां ले सम्भाल़ी देणा।” येढ़ा सुणीने तिन्हे गलाया, “परमेशर येढ़ा कदीं नीं करो।”

यूहन्ना 3:33

पर तिने माहणुये जे तिसरे सन्देशा पर विश्वास कित्या, सै इस पर सैहमत हुईग्या भई परमेशर सच्चा।

रोमियो 11:1

इस खातर हऊँ पुच्छां, क्या परमेशरे अपणयां लोकां जो छडित्या? विल्कुल नीं! काँह्भई हऊँ बी इक इस्राएली आ; अब्राहम रे वंशा ते कने बिन्यामीन रे गोत्रा चते आ।

रोमियो 11:11

फेरी हऊँ पुच्छां ताहली जे इस्राएली लोक गिरे, तां क्या तिन्हांरा गिरना तिन्हांरे खातर नाश होणे री वजह बणया? विल्कुल नीं! पर तिन्हारे अविश्वासा रिया वजह ने अन्यजातियां जो छुटकारा मिलया ताकि यहूदियां जो जल़ण हुईजो।

रोमियो 3:31

तां क्या अहें व्यवस्था जो अहांरे विश्वासा रे जरिये खत्म करी रायें? कदीं मनी! पर अहें त व्यवस्था जो तिसरी सही कीमत देई राँये।

रोमियो 6:15

तां अहें क्या करिये? क्या अहें पाप करिये काँह्भई अहें व्यवस्था रे अधीन नींये, वल्कि परमेशरा रे अनुग्रह रे अधीन जीआं ये? कदीं मनी!

रोमियो 6:2

कदी मनी! अहें पापा रे खातर मरी चुक्कीरे इस खातर अहांजो लगातार पाप नीं करना चाहिन्दा।

रोमियो 7:13

तां फेरी इसरा क्या ये मतलब आ, भई सै जे व्यवस्था खरी थी, सैई मेरिया मौती री वजह बणी? बिल्कुल नीं! पर पाप तिस खरे रे जरिये मेरे खातर मौती री इस खातर वजह बणया भई पापा रा सही स्वभाव परगट हुई सक्को, कने हुक्मा रे जरिये पाप हद ते बी जादा दिखणे लगो।

रोमियो 7:7

तां फेरी अहें क्या बोलिये? क्या व्यवस्था पाप आ? कदीं मनी। किछ बी हो, जे व्यवस्था नीं हुन्दी तां हऊँ पछयाणी नीं पान्दा भई पाप क्या। जे व्यवस्था नीं बोलदी, भई लालच नीं कर तां हऊँ लालचा जो नीं जाणी पान्दा।

रोमियो 9:14

इस खातर अहें क्या बोलिये? क्या परमेशर अन्यायी आ? कदीं मनी।

1 कुरिन्थियों 6:15

क्या तुहें नीं जाणदे भई तुहांरा शरीर मसीह रे अंग ये? तां क्या हऊँ मसीह रे अंग लेईने तिन्हांजो वेश्यां रे अंग बणाऊं? कदी मनी।

2 कुरिन्थियों 1:18

तियां जे परमेशर बफादार आ, तियां इ सै किछ जे अहें तुहांजो बोलां ये सै हमेशा सच्चा आ।

गलातियां 2:17

पर ताहली जे अहें यीशु मसीह पर विश्वास करीने धर्मी हूणा चाँये, तां जे अहें खुद इ पापी बणी जाओ, तां क्या इसरा मतलब येआ भई मसीह पापां जो बढ़ावा देआं? कदीं मनी!

गलातियां 2:21

हऊँ परमेशरा रे अनुग्रह रा इन्कार नीं करी रां; काँह्भई जे लोक व्यवस्था रा पालन करने रे जरिये धर्मी हुन्दे, तां मसीह रा मरना बेकार हुन्दा।

गलातियां 6:14

पर येढ़ा नीं हो भई हऊँ सिर्फ अहांरे प्रभु यीशु मसीह रे क्रूसा ते इलावा किसी होरी गल्ला पर घमण्ड करूँ। काँह्भई तिस क्रूसा रिया वजह ने हऊँ संसारा रे खातर कने संसार मेरे खातर मरया।

1 तिमुथियुस 3:16

इसच शक निआं भई अहांरे विश्वासा च महान भेत आ : मसीह सै जे माहणु बणीने आया, पवित्र आत्मे दिखाया भई सै सच्चमुच परमेशरा रा पुत्र था, स्वर्गदूतें तिसजो देख्या, सारी जातियां रे लोकां च तिसरे बारे रा प्रचार हुया, संसारा रे लोकें तिस पर विश्वास कित्या, कने परमेशर तिस्सो स्वर्गा च लेईग्या।

तीतुस 1:2

सच्चे सन्देशा रा ये ज्ञान तिन्हांजो ये आशा देआं भई तिन्हां अनन्त जीवन पाणा तिसजो जे परमेशरे सै जे कदीं झूट्ठ नीं बोलदा संसारा रिया सृष्टिया ते पैहले देणे रा वायदा कित्तिरा।

इब्रानियों 6:18

तां फेरी येत्थी दो गल्लां ईं-परमेशरा रा वायदा कने तिसरी कसम-सै जे कदीं नीं बदली सकदियां कने तिन्हांरे बारे च जे परमेशर कदीं झूट्ठ नीं बोल्ली सकदा। इस खातर अहें सै जे परमेशरा ले सुरक्षा पाणे जो आईरे कने सै आशा जे तिने अहांजो दित्तिरी, तिसाजो थम्मीरे हुये, बौहत जोशा चे।

1 यूहन्ना 5:10

सै जे परमेशरा रे पुत्रा पर विश्वास कराँ, सै अपणे दिला च तिसा गवाहिया जो रक्खां; तिने जे परमेशरा पर विश्वास नीं कित्या, सै परमेशरा जो झूट्ठा बणां; काँह्भई तिने तिसा गवाहिया पर विश्वास नीं कित्या, सै जे परमेशरे अपणे पुत्रा रे बारे च दितिरी,

1 यूहन्ना 5:20

पर अहांजो पता भई परमेशरा रा पुत्र यीशु मसीह संसारा च आईरा कने तिने अहांजो ये समझाईतरा भई अहें तिस सच्चे परमेशरा जो पछयाणी लो; कने अहें तिस चे सै जे सच्चा, यनि तिसरे पुत्र यीशु मसीह च रैं, सैई सच्चा परमेशर कने अनन्त जीवन आ।

प्रकाशितवाक्य 3:7

तिने बी मिन्जो बोल्या, “फिलदिलफिया नगरा रिया कलीसिया रे दूता जो ये सन्देश लिख: हऊँ इ पवित्र कने सच्चा, कने मेरले दाऊद री चाबी, कने सै जे हऊँ खोल्लां तिस्सो कोई बन्द नीं करी सकदा, कने सै जे हऊँ बन्द कराँ तिस्सो कोई खोल्ही नीं सकदा, ये हऊँ बोलां: