रोमियो 3:28 - बिलासपुरी नौआं नियम

²⁸ इस खातर अहें जाणाँ ये भई माहणु व्यवस्था रा पालन करने ते नीं, पर विश्वासा रे जरिये इ परमेशरा रिया नज़राँ च धर्मी बणी सक्कां।

रोमियो 3:28 ပူးပေါင်းရင်းမြစ်များ

यूहन्ना 5:24

हऊँ तुहांजो सच्च बोलां, सै जे मेरा बचन सुणीने मेरे भेजणे औल़े पर विश्वास कराँ, सै अनन्त काल रा जीवन पां; कने तिस पर सजा रा हुक्म नीं हुन्दा, पर सै अनन्त काल रिया मौती ते बचीने पैहले तेई नईया जिन्दगिया च दाखल हुई चुक्कीरा।

यूहन्ना 6:40

काँह्भई मेरे पिता री इच्छा येई, भई तिस जे पुत्रा जो देखीने तिस पर विश्वास करना तिस अनन्त जीवन पाणा; कने माह सै न्याय रे दिन भीं ते जिऊंदा करी देणा।”

रोमियो 4:5

माहणुये रे किसी कम्मा रिया वजह ते परमेशर तिसजो धर्मिये रे रुपा च ग्रहण नीं करदा, पर सै जे पापी लोकां जो धर्मी बनाणे औल़े परमेशरा पर विश्वास करां, तिसरा विश्वास तिसरे खातर धार्मिकता गिणया गया।

रोमियो 5:1

इस खातर अहें विश्वासा ते धर्मी बणे, कांभई सै जे प्रभु यीशु मसीहे अहांरे खातर कित्या, तिसरे जरिए अहें परमेशरा सौगी शान्तिया ने रौ,

रोमियो 8:3

काँह्भई सै काम्म जे मूसा री व्यवस्था हमारे पापी स्वभावा रिया वजह ने कमजोर हुईने नीं करी सक्की, तिसजो परमेशरे कित्या, यनिके अपणे इ पुत्रा जो अहां पापियां साई हुणे रे खातर कने अहांरे पापा रा बलिदान हुणे रे खातर भेज्जीने, मसीह रे शरीरा रे जरिये परमेशरे पापा रिया सामर्था जो तोड़या।

1 कुरिन्थियों 6:11

कने तुहां चते किछ लोक येढ़े इ थे, पर तुहें प्रभु यीशुये रे नौआं ते कने अहांरे परमेशरा रे आत्मा रे जरिये पापां ते धोये गैईरे कने पवित्र कित्ते गये कने धर्मी घोषित कित्ते गये।

गलातियां 2:16

फेरी भीं अहें ये जाणाँ ये भई कोई माहणु व्यवस्था रे कम्मां ते नीं, पर सिर्फ यीशु मसीह पर विश्वास करने रिया बजह ने धर्मी बणां, अहें खुद बी इस खातर यीशु मसीह पर विश्वास कित्या भई अहें व्यवस्था रे कम्मां ते नीं, पर मसीह पर विश्वास करने ते धर्मी बणो; काँह्भई व्यवस्था रे कम्मां ते कोई बी माहणु धर्मी नीं हूणा।

गलातियां 3:24

इस खातर मसीह रे औणे तक अहांरा मार्गदर्शक कने अहांरी मदद करने खातर व्यवस्था अहांजो दित्ति गईरी थी, ताकि विश्वासा रे जरिये अहें परमेशरा रे सामणे धर्मी बणी सक्को।

गलातियां 3:8

परमेशरे पवित्रशास्त्रा च पैहले तेई दस्सी तरा था, भई परमेशरा अन्यजातियां जो बी तिन्हांरे विश्वासा रे जरिये धर्मी बनाणा, इस खातर ये गल्लां हुणे ते पैहले परमेशरे पैहले तेई अब्राहमा जो ये खुशखबरी सुणाईती थी “सारी जातियां तेरे जरिये आशीष पाणी।”

इफिसियां 2:9

कने ये अहांरे कित्तिरे कर्मां रा फल़ निआं तिसरा जे कोई घमण्ड करी सक्को।

फिलिप्पियां 3:9

कने हऊँ तिस सौगी पूरी तरह ते इक हुई सक्कूं; कने ये इस खातर नींआ भई मैं व्यवस्था रा पालन कित्या तां परमेशर मेरे धर्मी हुणे री घोषणा कराँ, पर ये मसीह च विश्वास करने रिया वजह ते आ, कने सिर्फ मेरे मसीह च विश्वास करने रिया वजह नेई परमेशरे ये घोषणा कित्ती भई हऊँ धर्मी आ।

तीतुस 3:7

ताकि अहें तिसरे अनुग्रह रे जरिये परमेशरा रिया नज़राँ च धर्मी बणी सक्को, कने अनन्त जीवन पाणे रे खातर आशा करी सक्को, सै जे परमेशरे अहांजो देणे रा वायदा कित्तिरा।

याकूब 2:18

पर कोई बोल्ली सक्कां, “तेरले विश्वास आ पर हऊँ खरयां कम्मां जो मन्नां।” तुहें बिणा कम्मां ते अपणा विश्वास दस्सा कने हऊँ अपणे कम्मां ते अपणा विश्वास दसगा।

याकूब 2:20

पर ओ! निकम्मे माहणुआ, तू ये कदीं सोचणा भई सै विश्वास बेकार आ, तिस सौगी जे अच्छे काम्म नींये?

याकूब 2:24

तुहें देखील्या भई सिर्फ विश्वासा तेई नीं, पर अपणे कम्मां ते माहणु धर्मी बणां।