रोमियो 3:23 - बिलासपुरी नौआं नियम

²³ इस खातर भई सारयां पाप कित्तिरा कने सारे परमेशरा रिया महिमा ते दूर ये,

रोमियो 3:23 ပူးပေါင်းရင်းမြစ်များ

रोमियो 1:28

कने काँह्भई तिन्हे परमेशरा जो पछयाणने ते मना करित्या, इस खातर परमेशरे तिन्हौं तिन्हांरे मूर्ख बचाराँ पर छड्डीत्या, कने सै येढ़े बुरे काम्म करने लगे सै जे तिन्हौं नीं करने चाहिन्दे थे।

रोमियो 11:32

काभई सारयां लोकें परमेशरा रा हुक्म नीं मन्नया इस खातर सै कैदिये साई बणीगरे। पर परमेशरे ये इस खातर कित्या ताकि सै तिन्हां सब्बीं पर दया करी सक्को।

रोमियो 3:19

हुण अहें ये जाणाँ ये भई व्यवस्था सै जे किछ बोलां इ सै तिन्हांने इ बोलां इ, सै जे व्यवस्था रे मुतावक चलां ये; इस खातर भई हर इक मुँह बन्द कित्या जाओ कने सारे संसारा रे लोक परमेशरा री सजा रे लायक ठैहरो;

रोमियो 3:9

तां फेरी क्या अहें यहूदी अन्यजातियां ते खरे? नां बिल्कुल नीं, काँह्भई अहें दस्सी चुक्कीरे भई चाये कोई यहूदी ओ या अन्यजातियां रे लोक ओ, सारे पापां रे बशा चे।

रोमियो 5:2

अहांरे विश्वासा रिया वजह ते मसीहे अहांजो इस अनुग्रह च लन्दया तित्थी जे हुण अहें पुज्जीरे, अहें इसा गल्ला ते खुश हुआं ए भई अहांजो परमेशरा रिया महिमा च भागी हुणे री आशा इ।

गलातियां 3:22

पर पवित्रशास्त्र घोषणा कराँ भई सै सारे संसारा रे लोक पापा रिया शक्तिया रे अधीन आ, ताकि परमेशरे सै जे वायदा कित्तिरा तिस्सो तिन्हौं देई सक्को सै जे यीशु मसीह पर विश्वास कराँ ये।

1 थिस्सलुनीकियां 2:12

भई तुहांरा चाल-चल़ण परमेशरा रे लायक हो, सै जे तुहांजो अपणे राज्जा कने महिमा च सद्दां।

2 थिस्सलुनीकियां 2:14

तिस खातर जे परमेशरे अहां रिया खुशखबरिया रे खातर तुहांजो सद्दया, ताकि तुहें अहांरे प्रभु यीशु मसीह रिया महिमा च शामिल हुई सक्को।

इब्रानियों 4:1

ताहली जे परमेशरे अहांने वायदा कित्तिरा भई अहें विस्राम रिया जगह प्रवेश करगे, तां अहांजो इस खातर चौकस रैहणा चाहिन्दा ताकि तुहां चते कोई तित्थी जाणे ते बंचित नीं रौ।

1 पतरस 4:13

पर आनन्दित रौआ, काँह्भई जिस तरिके ने मसीहे दुख सैहण कित्या, तियां इ तुहें बी दुख सैया कराँएं, तिसते जे तुहें मसीह यीशुये री महिमा रे प्रगट हुणे पर बौहत आनन्दित हुई सक्को।

1 पतरस 5:1

हऊँ खुद सै जे इक प्राचीन आ, कलीसिया रे तिन्हां प्राचीनां ने विनती कराँ सै जे तुहांरे बिच ये। हऊँ मसीह रे दुखां रा इक गवाह कने प्रगट हुणे औल़ी महिमा च शामिल हूणा। हऊँ तुहांजो विनती कराँ,

1 पतरस 5:10

तुहांजो थोड़िया देरा रे कष्ट सैहणे ते बाद सारे अनुग्रह देणे औल़ा परमेशर तिने जे तुहांजो मसीह च अपणी युगानुयुगा री महिमा रे खातर सद्दीरा, खुद इ तुहांजो सिद्ध, मजबूत, बलवन्त कने स्थिर करी देंगा।