रोमियो 3:22 - बिलासपुरी नौआं नियम

²² यनिके सारे विश्वासियां खातर यीशु मसीह पर विश्वास करने ते परमेशरा री धार्मिकता बिणा किसी भेदभावा रे परगट हुई;

रोमियो 3:22 ပူးပေါင်းရင်းမြစ်များ

लूका 15:22

पर तिसरे पिता अपणे नोकराँ जो हुक्म दित्या, छोड़चा ने घरें जाईने सारयां ते बधिया कपड़े लेईने औआ कने इसजो पैहनाओ। इसरे हत्था च गुट्ठी कने पैराँ च जुत्ते पैहनावा।

प्रेरितां 11:12

तां पवित्र आत्मे मिन्जो तिन्हांने बिणा शक कित्ते जाणे जो गलाया, कने छे भाई बी मेरे सौगी-सौगी आये; कने अहें तिस माहणुये रे घरा जो गये।

प्रेरितां 15:9

कने विश्वासा ते तिन्हांरे मन शुद्ध करीने अहां च कने तिन्हां च किछ भेद नीं रखया।

प्रेरितां 3:16

कने तिस विश्वासा ते सै जे यीशु मसीह रिया वजह ने, इस माहणुये जो तिस्सो जे तुहें जाणाँ ये कने तिस्सो जे तुहें इस वगत बी देख्या राँये, सामर्थ दित्ति गैईरी। सै माहणु यीशुये रे नौआं च कने यीशु मसीह च विश्वासा रे जरिये विल्कुल ठीक-ठाक हुईरा तियां जे भई तुहें अप्पूँ खुद देखी सक्कां ये।

रोमियो 1:17

काँह्भई खुशखबरी अहांजो ये दस्सां इ भई परमेशर कियां माहणुये जो अपणिया नज़राँ च धर्मी बणाँ; सै शुरु ते लेईने आखिर तक विश्वासा पर टिकिरा; तियां जे भई पवित्रशास्त्रा च लिखिरा, “धर्मी माहणु विश्वासा ते जिऊंदा रैहणा।”

रोमियो 10:12

ये इस खातर आ भई यहूदियां कने अन्यजातियां च कोई फर्क निआं, काँह्भई सारयां रा प्रभु त इक इ हाया कने सै जे तिसजो पुकाराँ ये तिन्हांजो सै बौहत आशीष देआं।

रोमियो 10:4

काँह्भई मसीह तिस मकसदा जो पूरा करी चुक्कीरा, जिस मकसदा खातर जे व्यवस्था दित्ति गई थी, ताकि सै जे कोई तिस पर विश्वास करो सै परमेशरा रिया नज़राँ च धर्मी हुई सक्को।

रोमियो 2:1

इस खातर ओ दोष मढ़णे औल़े, तू चाये कोई बी कैं नीं ओ, तेरले कोई बहान्ना निआं; काँह्भई तिसा गल्ला खातर जे तू किसी पर दोष लाँ, तिसा गल्ला खातर तूं अप्पूँ बी दोषी बणाँ, इस खातर भई तू सै जे दोष लाँ, अप्पूँ सैई काम्म कराँ।

रोमियो 3:30

काँह्भई इक इ परमेशर आ, सै जे खतना औल़यां जो विश्वासा ने कने बिणा खतना औल़यां जो बी विश्वासा रे जरिये धर्मी बणां।

रोमियो 4:16

इस खातर, विश्वासा रे जरिये परमेशरा रा वायदा औआं, ताकि वायदा परमेशरा रे अनुग्रह रे जरिये अब्राहम रे सारे वंशां रे खातर पक्का हुई सक्को। न सिर्फ तिन्हां खातर सै जे व्यवस्था रा पालन कराँ ये बल्कि तिन्हां सारयां खातर बी सै जे अब्राहमा साई विश्वास रखां ये, सै जे अहां सारयां रा पूर्वज आ,

रोमियो 8:1

इस खातर हुण सै जे मसीह यीशु पर विश्वास कराँ ए, तिन्हां पर सजा रा कोई हुक्म निआं।

रोमियो 9:30

तां फेरी अहें क्या बोलिये? अहें इस नतीजे पर पुज्जे भई अन्यजातियां रे लोक सै जे धार्मिकता रिया खोज्जा च नीं थे, तिन्हे धार्मिकता पाई ली यनिके सै जे विश्वासा रिया वजह ने धर्मी बणाये गये,

1 कुरिन्थियों 12:13

काँह्भई अहें सब्बीं क्या यहूदी, क्या यूनानी, क्या दास, क्या अजाद, इक्की आत्मा रे जरिये इक देह हुणे रे खातर बपतिस्मा लैया, कने अहें सब्बीं इक इ आत्मा पाईरा।

1 कुरिन्थियों 4:7

काँह्भई किसी माहणुये तुहौं दुज्यां ते जादा खास नीं बणाया कने सै किछ जे तेरले आ सै तिज्जो परमेशरे दित्तिरा। कने तंजे तिज्जो मिलीरा, तां अपणे बारे च घमण्ड करना तेरे खातर ठीक नींआ।

गलातियां 2:16

फेरी भीं अहें ये जाणाँ ये भई कोई माहणु व्यवस्था रे कम्मां ते नीं, पर सिर्फ यीशु मसीह पर विश्वास करने रिया बजह ने धर्मी बणां, अहें खुद बी इस खातर यीशु मसीह पर विश्वास कित्या भई अहें व्यवस्था रे कम्मां ते नीं, पर मसीह पर विश्वास करने ते धर्मी बणो; काँह्भई व्यवस्था रे कम्मां ते कोई बी माहणु धर्मी नीं हूणा।

गलातियां 2:20

हऊँ मसीह सौगी क्रूसा पर चढ़ाया गईरा, हुण हऊँ जिऊंदा निआं, पर मसीह माह च जिऊंदा; कने इस शरीरा च हुण हऊँ सै जिन्दगी जे जी कराँ, सै सिर्फ तिस विश्वासा ने जीवित आ सै जे परमेशरा रे पुत्रा पर आ, तिने जे माहने प्यार कित्या कने खुद अप्पूँजो मेरे खातर अर्पण कित्या।

गलातियां 3:22

पर पवित्रशास्त्र घोषणा कराँ भई सै सारे संसारा रे लोक पापा रिया शक्तिया रे अधीन आ, ताकि परमेशरे सै जे वायदा कित्तिरा तिस्सो तिन्हौं देई सक्को सै जे यीशु मसीह पर विश्वास कराँ ये।

गलातियां 3:28

हुण नां कोई यहूदी रैया कने नां यूनानी, नां कोई दास रैया, नां अजाद, नां मर्द नां जनाना, काँह्भई मसीह यीशुये च तुहें सारे इक ये।

इफिसियां 3:12

अहें मसीह च विश्वासा कराँ ये इस खातर अहें पूरे भरोसे ने निडर हुईने परमेशरा रे नेड़े जांये।

फिलिप्पियां 3:9

कने हऊँ तिस सौगी पूरी तरह ते इक हुई सक्कूं; कने ये इस खातर नींआ भई मैं व्यवस्था रा पालन कित्या तां परमेशर मेरे धर्मी हुणे री घोषणा कराँ, पर ये मसीह च विश्वास करने रिया वजह ते आ, कने सिर्फ मेरे मसीह च विश्वास करने रिया वजह नेई परमेशरे ये घोषणा कित्ती भई हऊँ धर्मी आ।

कुलुस्सियां 3:11

तिसच नांत यूनानी रैया, नां यहूदी, नां खतना, नां खतने ते बगैर, नां विदेशी कने नां असभ्य, नां दास कने इक अजाद माहणुये च कोई फर्क आ: सिर्फ मसीह सब किछ आ कने सारे विश्वासियां च तिसरा इ वास आ।

याकूब 2:23

इस खातर तियां जे पवित्रशास्त्रा च लिखिरा, तियां इ हुया, “अब्राहमे परमेशरा पर विश्वास कित्या, कने तिसरे विश्वासा रिया वजह ने परमेशरे अब्राहम जो धर्मिये रे रुपा च ग्रहण कित्या, कने सै परमेशरा रा मित्र कहलाया।