रोमियो 3:19 - बिलासपुरी नौआं नियम

¹⁹ हुण अहें ये जाणाँ ये भई व्यवस्था सै जे किछ बोलां इ सै तिन्हांने इ बोलां इ, सै जे व्यवस्था रे मुतावक चलां ये; इस खातर भई हर इक मुँह बन्द कित्या जाओ कने सारे संसारा रे लोक परमेशरा री सजा रे लायक ठैहरो;

रोमियो 3:19 ပူးပေါင်းရင်းမြစ်များ

यूहन्ना 15:25

पर ये इस खातर हुआ भई सै वचन पूरा ओ सै जे तिन्हां रिया व्यवस्था च लिखिरा, ‘तिन्हें बगैर किसी कारणा ते मेरने बैर रखया।’

यूहन्ना 8:9

ताहली जे लोकें येढ़ा सुणया तां तित्थी ते बड्डयां ते लेईने छोटयां तक, हौल़यां-हौल़यां इक-इक करीने खिसकणे लगे, कने यीशु कल्हा रैहीग्या, कने सै जनाना बी ऊत्थी बिच खढ़ी रैई।

रोमियो 1:20

काँह्भई परमेशरा री अनन्त सामर्थ कने स्वाभाव कोई बी देक्खी नीं सकदा। पर संसारा रिया सृष्टिया रे बगता तेई परमेशरे अपणे कम्मां रे जरिये ये साफ-साफ दस्सीरा। इस खातर लोकां ले कोई बहान्ना निआं।

रोमियो 3:2

हाँ, इसरी बौहत बड्डी कीमत इ। काँह्भई पैहले हत्थे परमेशरा रा बचन यहूदी लोकां जोई सौंपीरा।

रोमियो 3:23

इस खातर भई सारयां पाप कित्तिरा कने सारे परमेशरा रिया महिमा ते दूर ये,

रोमियो 3:4

कदीं मनी! जे हर कोई झूट्ठा बी हुई जांगा, तां बी परमेशर सच्चा इ रैहणा, तियां जे पवित्रशास्त्र परमेशरा रे बारे च बोलां, “जिसते तुहें अपणियां गल्लां च सही साबित हुणे कने अपणा मुकद्दमा तुहां जीतणा।”

रोमियो 3:9

तां फेरी क्या अहें यहूदी अन्यजातियां ते खरे? नां बिल्कुल नीं, काँह्भई अहें दस्सी चुक्कीरे भई चाये कोई यहूदी ओ या अन्यजातियां रे लोक ओ, सारे पापां रे बशा चे।

1 कुरिन्थियों 1:29

परमेशरे ये कित्या ताकि कोई बी माहणु परमेशरा रे सामणे घमण्ड नीं करी सक्को।

गलातियां 3:10

पर सै लोक सै जे व्यवस्था पालन करने पर भरोसा रक्खां ये, सै त शरापा रे बशा चे। पवित्रशास्त्रा च लिखिरा : “येढ़ा हरेक माहणु शापित आ सै जे व्यवस्था रिया कताबा च लिखी रिया हर गल्ला रा हमेशा पालन नीं करदा।”

गलातियां 4:21

व्यवस्था रे अधीन रैहणे औल़यां ते हऊँ पुछणा चाँह; क्या तुहें नीं सुणदे भई व्यवस्था क्या बोलां इ?

गलातियां 4:5

ताकि सै व्यवस्था रे अधीन जीणे औल़े माहणुआं जो छडवाई सक्को, तिसते जे अहें परमेशरा रे गोद लेईरे बच्चे बणी सक्को।

गलातियां 5:18

पर जे तुहें पवित्र आत्मा रे मुतावक चलां ये, तां फेरी व्यवस्था रे अधीन नीं रैहन्दे।