रोमियो 2:27 - बिलासपुरी नौआं नियम

²⁷ कने सै माहणु तिसरा जे शरीरा ते खतना नीं हुईरा, कने जे सै व्यवस्था रा पालन करो, तां क्या तिस माहणुये तिज्जो दोषी नीं मन्नणा, हलाँकि तेरले लिखिरी व्यवस्था इ कने खतना हुणे ते बाद बी व्यवस्था रा पालन नीं करदा?

रोमियो 2:27 ပူးပေါင်းရင်းမြစ်များ

मत्ती 3:15

यीशुये तिस्सो ये जबाब दित्या, “हुण तू येढ़ा इ हुणे दे, काँह्भई सै जे परमेशर चाँह तिस्सो पूरा करने खातर अहांजो येई करना ठीक आ।” फेरी यूहन्ने तिसरी गल्ल मन्नी ली।

प्रेरितां 13:22

फेरी परमेशरे शाऊला जो राज गद्दिया ते हटाईने तिसरिया जगह पर दाऊद जो तिन्हांरा राजा बणाया; तिसरे बारे च तिने गवाही दित्ति, ‘मिन्जो इक माहणु, यिशै रा पुत्र दाऊद, मेरिया मर्जिया रे मुतावक मिलीगरा; तिस इ मेरी सारी इच्छा पूरी करनी।’

रोमियो 13:10

प्यार अपणे पड़ेसिये रा बुरा कदीं नीं करदा, इस खातर सै जे प्यार कराँ सै व्यवस्था जो पूरा कराँ।

रोमियो 2:15

सै व्यवस्था रियां गल्लां जो अपणे-अपणे मनां च लिखी रियां दस्सां ये कने तिन्हांरी अन्तरात्मा (विवेक) बी इसा गल्ला री गवाही देईं, कने तिन्हारा सोच-बचार अप्पूँ बाटियें तिन्हांजो दोष लगां; या तिन्हांजो निर्दोष बणां।

रोमियो 2:20

कने नासमझां जो सखाणे औल़ा, कने बालकां रा उपदेशक आ; तू निश्चिंत आ भई तू सारा किछ पूरे तरिके ने जाणाँ कने तू जो किछ बोलां सै सच्च आ काँह्भई तेरले व्यवस्था इ।

रोमियो 2:25

जे तू व्यवस्था रा पालन कराँ, तां खतने रा फायदा त हाया, पर जे तू व्यवस्था जो तोड़ां, तां तेरा खतना बिणा खतना हुईरे माहणुये साई आ।

रोमियो 2:26

इस खातर जे बिणा खतने ते माहणु व्यवस्था रे नियमां जो मन्नां, तां क्या तिसरी बगैर खतने री ये दशा खतने रे बराबर नीं गिणी जाणी?

रोमियो 2:29

पर सच्चा यहूदी सैई हाया तिसरा दिल जे परमेशरा रिया नज़राँ च ठीक आ; कने सच्चा खतना पवित्र आत्मा रे जरिये दिला च हुआं, नां भई लिखी रिया व्यवस्था रे जरिये: येढ़े माहणुये री तारीफ माहणु नीं, बल्कि परमेशर कराँ।

रोमियो 3:30

काँह्भई इक इ परमेशर आ, सै जे खतना औल़यां जो विश्वासा ने कने बिणा खतना औल़यां जो बी विश्वासा रे जरिये धर्मी बणां।

रोमियो 8:4

परमेशरे ये इस खातर कित्या ताकि अहांरे पापी स्वभावा रे मुतावक नीं, पर पवित्र आत्मा रे मुतावक चलीने व्यवस्था सै हुक्म जे अहांजो देईं तिसरा अहें पालन करी सक्को।

1 कुरिन्थियों 7:19

नांत खतना कराणे औल़े रा कोई महत्व हाया कने नांई बगैर खतने औल़े रा, पर परमेशरा रे हुक्मा रा पालन करना इ सब किछ आ।

2 कुरिन्थियों 3:6

तिने इ अहांजो नई वाचा रा सेवक हुणे रे काविल बी बणाया, ये कोई लिखिरी मूसा री व्यवस्था निआं बल्कि आत्मा री वाचा इ, काँह्भई ये व्यवस्था मौत ल्यौईं, पर परमेशरा रा आत्मा जीवन देआं।

गलातियां 5:14

काँह्भई सारी व्यवस्था इसा इक्की हुक्मा च पूरा हुई जाईं, “तू अपणे पड़ेसिये ने तियां प्यार कर, तियां जे तूं खुद अप्पूँ ने प्यार कराँ।”

इफिसियां 2:11

इस खातर याद करा, भई तुहें लोक सै जे जन्मा ते अन्यजाति ये तिन्हौं यहूदी लोक नफरत करीने बगैर खतने औल़े बोलां ये, पर खतना माहणुआं रे जरिये शरीरा च कित्या जां।

2 तिमुथियुस 3:15

कने तू बचपना तेई पवित्रशास्त्रा जो जाणाँ, सै जे मसीह यीशुये पर विश्वास करने कने छुटकारा पाणे खातर तिज्जो बुद्धि देई सक्कां।

इब्रानियों 11:3

विश्वासा तेई अहें जाणाँ यें भई संसारा री सृष्टि परमेशरा रे वचनां रे जरिये हुई थी। इस खातर अहें जो बी देक्खां ये सै तिन्हां चीजां ते बणीरा तिस्सो जे अहें देक्खी नीं सकदे।