रोमियो 2:23 - बिलासपुरी नौआं नियम

²³ तू त व्यवस्था रे बारे च घमण्ड कराँ, क्या व्यवस्था जो तोड़ीने परमेशरा रा नरादर कराँ?

रोमियो 2:23 ပူးပေါင်းရင်းမြစ်များ

लूका 18:11

फरीसी कल्हा खड़ा हुईने अपणे मना च इयां प्राथना करने लगया, भई परमेशर, हऊँ तेरा धन्यवाद कराँ, काँह्भई हऊँ दुज्जेयां लोकां साई अन्धेर करने औल़ा चोर, ठग कने पापी, निआं, खास कर इस चुंगी लेणे औल़े साई, सै जे ऊत्थी खढ़िरा! मैं कदीं किसी जो धोखा नीं दित्या, हऊँ पाप नीं करदा, कने नां हऊँ ब्याभिचार कराँ,

यूहन्ना 5:45

ये नीं सोच्चा भई माह पिता रे सामणे तुहां पर दोष लगाणा; तुहां पर दोष लगाणे औल़ा त मूसा, तिस पर जे तुहें भरोसा रखीरा।

रोमियो 2:17

पर जे तू खुद अप्पूँजो यहूदी बोलां, व्यवस्था पर भरोसा रक्खां, कने अप्पूँजो परमेशरा रा खास माहणु समझीने घमण्ड कराँ,

रोमियो 3:2

हाँ, इसरी बौहत बड्डी कीमत इ। काँह्भई पैहले हत्थे परमेशरा रा बचन यहूदी लोकां जोई सौंपीरा।

रोमियो 3:27

तां फेरी येढ़ि कोई गल्ल इ तिसरे बारे च जे अहें घमण्ड करी सक्कां ये? किछ बी नींआ! कने इसरी वजह क्या इ? क्या ये इसरी वजह इ भई अहें व्यवस्था रा पालन कराँ ये? नां, पर ये यीशु मसीह पर विश्वास करने रिया बजह नेआ।

रोमियो 9:4

सै इस्राएली लोक ये, तिन्हांजो जे परमेशरे गोद लेईरा कने पुत्र हुणे रा अधिकार दित्तिरा, सै जे परमेशरा रिया महिमा रा दर्शण करी बैठिरे, सै जे परमेशरा रे करारा रे भागीदार ये, तिन्हांजो जे मूसा री व्यवस्था दित्ति गईरी कने सच्ची अराधना कने परमेशरा रे वायदे तिन्हांरे इ हाये।