रोमियो 2:2 - बिलासपुरी नौआं नियम

² कने हुण अहें जाणाँ ये भई परमेशर ठीक आ ताहली जे सै इस तरिके रे काम्म करने औल़यां जो सजा देआं।

रोमियो 2:2 ပူးပေါင်းရင်းမြစ်များ

प्रेरितां 17:31

काँह्भई तिने इक दिन रखीरा, तिसच जे तिस माहणुये रे जरिये संसारा रा न्याय करना, तिस्सो जे तिने रखीरा, कने तिस्सो मूईरेयां चते ज्यूंदा करीने इसा गल्लां रा सबूत सारयां लोकां जो देईतरा।”

रोमियो 2:1

इस खातर ओ दोष मढ़णे औल़े, तू चाये कोई बी कैं नीं ओ, तेरले कोई बहान्ना निआं; काँह्भई तिसा गल्ला खातर जे तू किसी पर दोष लाँ, तिसा गल्ला खातर तूं अप्पूँ बी दोषी बणाँ, इस खातर भई तू सै जे दोष लाँ, अप्पूँ सैई काम्म कराँ।

रोमियो 2:3

कने तुहें सै जे येढ़ा सोच्चां ये भई तिन्हां कम्मां खातर जे तुहें दुज्जेयां जो दोषी मन्नां ये कने अप्पूँ खुद सैई काम्म कराँ ये; तां क्या तुहें ये समझां ये भई तुहां परमेशरा रिया सजा ते बची जाणा?

रोमियो 2:5

पर तुहें पत्थर दिल कने पापी स्वभावा जो छडणा नीं चाहन्दे, येढ़ा करीने तुहें अपणिया सजा जो बधाया राँये कने ताहली जे परमेशरा रा सच्चा न्याय करने रा दिन औणा, तिस दिन परमेशरा तुहांजो बौहत भयानक सजा देणी।

रोमियो 9:14

इस खातर अहें क्या बोलिये? क्या परमेशर अन्यायी आ? कदीं मनी।

प्रकाशितवाक्य 16:5

फेरी मैं पाणिये रे अधिकारी स्वर्गदूता जो परमेशरा ते ये बोलदे हुये सुणया, “हे पवित्र, सै जे हया कने सै जे था, तू न्यायी आ कने तैं ये न्याय कित्तिरा।

प्रकाशितवाक्य 19:2

काँह्भई तिसरे न्याय सच्चे कने ठीक ये, इस खातर भई तिने तिसा बड्डिया वेश्या रा न्याय कित्या, सै जे सारिया धरतिया जो अपणे व्यभिचारा ने गुमराह कराँ थी, कने तिसाते अपणे दास्सां रे खून्ना रा बदला लित्या।”