रोमियो 16:5 - बिलासपुरी नौआं नियम

⁵ तिसा कलीसिया जो बी मेरा नमस्कार सै जे तिन्हारे घरें कट्ठा हुआं इ। मेरे प्यारे मित्र इपनितुस जो मेरा नमस्कार सै जे आसिया प्रदेशा च मसीह जो अपनाणे औल़ा पैहला था।

रोमियो 16:5 ပူးပေါင်းရင်းမြစ်များ

मत्ती 18:20

काँह्भई तित्थी जे दो या तिन्न जणे मेरे नौआं पर परमेशरा ते सहायता खातर प्राथना करने जो कट्ठे हुआं ये, तित्थी हऊँ तिन्हारी सहायता करने खातर तिन्हारे बिच मौजूद आ।”

प्रेरितां 16:6

सै फ्रूगिया कने गलातिया प्रदेशा चते हुईने गये, काँह्भई पवित्र आत्मे तिन्हांजो आसिया प्रदेशा च वचन सुनाणे ते मना कित्या।

प्रेरितां 18:12

तां जे गल्लियो अखाया प्रदेशा रा राजपाल था, तां यहूदी लोक येक्का करीने पौलुसा परा लड़ने आईगे। कने तिस्सो न्याय आसणा रे सामणे ल्याईने बोलणे लगे;

प्रेरितां 18:27

कने ताहली जे तिने अखाया प्रदेशा जो जाणा चाया तां विश्वासियें तिसरी हिम्मत बधाई कने उत्थीरे चेलयां जो तिसरा स्वागत करने जो लिखीने भेज्या। कने ताहली जे सै ऊत्थी पुज्या तां तिन्हां लोकां रे खातर बौहत मद्‌दगार साबित हुया तिन्हें जे अनुग्रह ने विश्वास ग्रहण करील्या था।

प्रेरितां 2:9

अहें सै जे पारथी कने मेदी कने एलामी कने मेसोपोटामिया कने यहूदिया कने कप्पदूकिया कने पुन्तुस कने आसिया,

रोमियो 11:16

काँह्भई अब्राहम कने होर पूर्वज बी पवित्र थे तां तिन्हांरे वंश बी पवित्र हुणे, तियां जे परमेशरा जो दित्या गया भेन्टा रा पैहला पेड़ा पवित्र आ, तां गुन्हिँरा पूरा आट्टा बी पवित्र हुया; जे डाल़ा री जड़ पवित्र इ, तां तिसरियां डाल़ियां बी पवित्र हुईयां।

रोमियो 15:26

काँह्भई मकिदुनिया कने अखाया प्रदेशा री कलीसिया रे लोकें यरूशलेम च, परमेशरा रे पवित्र लोकां च सै जे गरीब ये, तिन्हांरे खातर किछ चन्दा देणे रा निश्चा कित्या।

रोमियो 16:12

त्रुफेना कने तिसारी बैहण त्रफोसा जो बी नमस्कार! सै जे दोन्नों जनानां प्रभु रिया सेवा च मेहणती सेबिकां इयां, तिन्हांजो बी मेरा नमस्कार। मेरी प्यारी भैण परसिस जो बी मेरा नमस्कार, तिसे जे प्रभु च खूब मेहणत कित्ती।

रोमियो 16:4

तिन्हें मेरा प्राण बचाणे खातर अपणी जिन्दगी बी दावा पर लगाईती थी; कने सिर्फ हऊँ इ नीं, पर अन्यजातियां री सारी कलीसियां बी तिन्हांरा धन्यवाद कराँ इयां।

रोमियो 16:6

मरियम जो बी मेरी नमस्ते, तिसे जे तुहांरे खातर खूब मेहणत कित्तिरी।

रोमियो 16:8

अम्पलियातुस जो बी मेरा नमस्कार, सै जे प्रभु च मेरा प्यारा मित्र आ।

1 कुरिन्थियों 16:15

साथी विश्वासियो तुहें स्तिफनुस रे घराने जो जाणाँ ये, भई सै अखाया प्रदेशा रे पैहले विश्वासी ये, कने पवित्र लोकां री सेवा रे खातर त्‍यार रैं।

1 कुरिन्थियों 16:19

आसिया प्रदेशा री कलीसियां रिया तरफा ते तुहांजो नमस्कार; अक्विला कने तिसरी जनाना प्रिस्का रा कने तिन्हांरे घरा रिया कलीसिया रा बी तुहौं प्रभुये च बौहत-बौहत नमस्कार!

2 कुरिन्थियों 1:1

हऊँ पौलुस, परमेशरा रिया इच्छा ते मसीह यीशुये रा प्रेरित आ कने अहांरे साथी विश्वासी तिमुथियुस रिया तरफा ते। ये चिट्ठी हऊँ कुरिन्थुस नगरा च परमेशरा री कलीसिया कने अखाया प्रदेशा च रैहणे औल़े सारे पवित्र लोकां जो लिखिराँ।

2 कुरिन्थियों 9:2

काँह्भई हऊँ मदद रे खातर तुहांरिया इच्छा जो जाणाँ, जिस रिया वजह ने हऊँ तुहांरे बारे च मकिदुनिया प्रदेशा रे रैहणे औल़े विश्वासियां रे सामणे ये बोलदे हुये गर्व करी रां, भई तुहें अखाया प्रदेशा रे लोक त पिछले साल्ला तेई मदद करने जो त्यार थे कने तुहांरिया इसा इच्छा ते तिन्हां चते मतयां जो मदद करने रे खातर प्रेरणा मिली।

कुलुस्सियां 4:15

लौदीकिया नगरा रे साथी विश्वासियां जो, कने नुमफास कने तिन्हांरे घरा री कलीसिया जो नमस्कार बोलणा।

फिलेमोन 1:2

कने हऊँ अहांरी विश्वासी बैहण अफफिया कने अरखिप्पुस जो, सै जे इक सिपाहिये साई प्रभुये री सेवा कराँ, तियां जे अहें कराँ ये कने तेरे घरा च कट्ठा हुणे औल़ी कलीसिया जो बी नमस्कार।

याकूब 1:18

तिने अपणिया इ इच्छा ते अहांजो सच्चे वचना रे जरिये नया जीवन दित्या, ताकि अहें तिसरी बणाई रियां सारियां चिज़ां च पैहले फल़ा साई ओ।

3 यूहन्ना 1:1

हऊँ यूहन्ना कलीसिया रा अगवा, ये चिट्ठी प्यारे मित्र गयुस तिज्जो लिखिराँ, तिसने जे असल च हऊँ प्यार कराँ।

प्रकाशितवाक्य 14:4

ये सै लोक ये, सै जे कदीं औरतां सौगी अशुद्ध नीं हुये, पर कुवारे रै; ये सैई हाये, भई तित्थी जे कित्ती मेमना जां, सै तिसरे पिच्छे हुई लेआं ये; येत परमेशर कने मेमने रे खातर पैहले फल़ा साई माहणुआं चते खरीदी लरे।