रोमियो 16:4 - बिलासपुरी नौआं नियम

⁴ तिन्हें मेरा प्राण बचाणे खातर अपणी जिन्दगी बी दावा पर लगाईती थी; कने सिर्फ हऊँ इ नीं, पर अन्यजातियां री सारी कलीसियां बी तिन्हांरा धन्यवाद कराँ इयां।

रोमियो 16:4 ပူးပေါင်းရင်းမြစ်များ

यूहन्ना 15:13

बडे ते बडा प्यार येआ भई कोई माहणु अपणे दोस्तां खातर अपणी जान बी दई दो, येढ़ा प्यार करना किसी बी माहणुये रे बशा रा काम्म निआं।

प्रेरितां 15:26

ये येढ़े माहणु ये तिन्हें जे अपणे प्राण अहांरे प्रभु यीशु मसीह रे खातर मुश्कला च पाईरे।”

प्रेरितां 15:41

कने सै सीरिया कने किलिकिया प्रदेशा ते हुन्दे हुये कलीसिया रे लोकां जो मजबूत करदा गया।

प्रेरितां 16:5

इयां कलीसिया रे लोक विश्वासा च पक्की हुन्दी गई कने तादाता च हर दिन बधदी गई।

प्रेरितां 9:31

इयां सारे यहूदिया, गलील, कने सामरिया प्रदेशा री कलीसिया जो चैन मिलीग्या कने तिन्हांरी तरक्की हुईगी; कने सै प्रभु यीशुये रे डरा कने पवित्र आत्मा रे शान्तिया च चलदी कने बधदी गई।

रोमियो 16:3

प्रिस्का कने अक्विला जो मेरी नमस्ते। सै यीशु मसीह च मेरे सहकर्मी ये।

रोमियो 16:5

तिसा कलीसिया जो बी मेरा नमस्कार सै जे तिन्हारे घरें कट्ठा हुआं इ। मेरे प्यारे मित्र इपनितुस जो मेरा नमस्कार सै जे आसिया प्रदेशा च मसीह जो अपनाणे औल़ा पैहला था।

रोमियो 5:7

किसी धर्मी माहणुये रे खातर कोई अपणी जान देई दो, येत बड़ा मुश्कल आ; पर हुई सक्कां किसी खरे माहणुये रे खातर अपणी जान देणे री कोई बी हिम्मत करी सक्कां।

1 कुरिन्थियों 16:1

हुण पवित्र लोकां रिया मददा खातर चन्दे रे बारे च: तेढ़ी आज्ञा जे मैं गलातिया रिया कलीसियां जो दित्ति, तियां इ तुहें बी करा।

1 कुरिन्थियों 7:17

फेरी बी हर इक माहणु तिसा दशा च जे सद्दया गईरा तिसच बणीरा रौ कने तिस्सो प्रभुये ते जो बरदान मिलीरा तिसरे मुतावक जीवन जीओ। हऊँ सारी कलीसियां रे खातर ये नियम तैह कराँ।

फिलिप्पियां 2:30

तिने मसीह रे कम्मां खातर मौती रा सामणा कित्या कने अपणिया जिन्दगिया जो खतरे च पाईत्या ताकि सै सहायता जे तुहें खुद मिन्जो नीं देई सक्के, तिस्सो इपफ्रदीतुस पूरा करी सक्को।

1 थिस्सलुनीकियां 2:14

इस खातर तुहें, हे भाईयो, परमेशरा रे तिन्हां विश्वासियां री चाल चलने लगे सै जे यहूदिया प्रदेशा च मसीह यीशुये चे, काँह्भई तुहें बी अपणे लोकां ते तेढ़ा इ दुख पाया तेढ़ा जे तिन्हें यहूदियां ते पाया था,

1 यूहन्ना 3:16

यीशु मसीह अहांरे खातर अपणिया जिन्दगिया रा त्याग करित्या; इसते अहें जाणाँ ये भई प्यार क्या; इस खातर अहांजो बी अपणे साथी विश्वासियां रे खातर अपणे प्राणां रा त्याग करना चाहिन्दा।

प्रकाशितवाक्य 1:4

हऊँ यूहन्ना, ये आसिया प्रदेशा री सात्त कलीसियां जो लिख्या राँ: तिस परमेशरा रिया तरफा ते सै जे हाया, सै जे था, सै जे औणे औल़ा; कने तिन्हां सत्तां आत्मां रिया तरफा ते, सै जे तिसरे संघासणा रे सामणे इयां,