रोमियो 16:20 - बिलासपुरी नौआं नियम

²⁰ शान्तिया रे परमेशरा बौहत जल़द शैतान्ना जो तुहांरे पैराँ हेठ कुचल़ी देणा। अहांरे प्रभु यीशु मसीह रा अनुग्रह तुहां सौगी रौ।

रोमियो 16:20 ပူးပေါင်းရင်းမြစ်များ

मत्ती 4:10

फेरी यीशुये तिसजो गलाया, “शैतान दूर हुई जा, काँह्भई पवित्रशास्त्रा च लिखिरा: ‘तू प्रभु अपणे परमेशरा री अराधना कर, कने सिर्फ तिसरी इ सेवा टैहल कर।’ ”

लूका 10:19

देक्खा, मैं तुहांजो सर्पां कने बिच्छुआं पर चलीने बी सुरक्षित रैहणे रा, कने दुश्मणां जो हराणे रा अधिकार देई दित्या; कने तुहांजो किसी बी चीज़ा ते कोई बी नुक्शान नीं हुई सकदा।

रोमियो 15:33

शान्ति देणे औल़ा परमेशर तुहां सौगी रौ। आमीन।

रोमियो 16:23

मेरा कने सारी कलीसियां रा आदर सत्कार करने औल़े गयुस रा तुहांजो नमस्कार। इरास्तुस सै जे नगरा रा खजान्ची आ कने अहांरे साथी विश्वासी क्वारतुस रा बी तुहांजो नमस्कार।

रोमियो 16:24

अहांरे प्रभु यीशु मसीह रा अनुग्रह तुहां सौगी बणीरा रौ।

रोमियो 8:37

फेरी भीं तिसरे जरिये तिने जे अहांने प्यार कित्या, इन्हां सब बुरियां गल्लां च अहांरी पूरी जीत इ।

1 कुरिन्थियों 16:23

प्रभु यीशुये रा अनुग्रह तुहां पर हुन्दा रौ।

2 कुरिन्थियों 13:14

प्रभु यीशु मसीह रा अनुग्रह, परमेशरा रा प्यार कने पवित्र आत्मा री सहभागिता तुहां सब्बी ने सौगी बणीरी रौ।

गलातियां 6:18

मेरे साथी विश्वासियो, अहांरे प्रभु यीशु मसीह रा अनुग्रह तुहां सब्बीं सौगी रौ। आमीन।

फिलिप्पियां 4:23

प्रभु यीशु मसीह रा अनुग्रह तुहां सब्बीं ने बणीरा रौ।

1 थिस्सलुनीकियां 5:28

अहांरे प्रभु यीशु मसीह रा अनुग्रह तुहां सौगी बणी रौ।

2 थिस्सलुनीकियां 3:18

अहांरे प्रभु यीशु मसीह रा अनुग्रह तुहां सब्बीं पर हुन्दा रौ।

2 तिमुथियुस 4:22

हऊँ प्राथना कराँ भई प्रभु तेरे सौगी रौ कने परमेशरा रा अनुग्रह तुहां सब्बीं पर बणीरा रौ।

फिलेमोन 1:25

हऊँ प्राथना कराँ भई मसीह यीशुये रा अनुग्रह तुहां सौगी रौ। आमीन।

1 यूहन्ना 3:8

सै माहणु जे पाप कराँ, सै शैतान्ना रिया तरफा ते आ, काँह्भई शैतान शुरु तेई पाप करदा आया; इस खातर परमेशरा रा पुत्र प्रगट हुया, भई सै शैतान्ना रे कम्मां जो नाश करो।

प्रकाशितवाक्य 12:10

फेरी मैं स्वर्गा च ऊच्चिया अवाज़ा च किसी जो ये बोलदे सुणया, “हुण अहांरे परमेशर रा छुटकारा, सामर्थ, राज कने तिसरे मसीह रा अधिकार प्रगट हुईरा; काँह्भई अहांरे साथी विश्वासियां पर दोष लगाणे औल़ा, सै जे अहांरे परमेशरा रे सामणे रात-दिन तिन्हां परा दोष लगान्दा रैआं था, थल्ले सट्टीत्या गईरा।

प्रकाशितवाक्य 22:21

प्रभु यीशुये रा अनुग्रह परमेशरा रे लोकां सौगी रौ। आमीन।