रोमियो 16:2 - बिलासपुरी नौआं नियम

² भई तुहें, तिसारा स्वागत करा काँह्भई सै प्रभुये री, इस तरिके ने स्वागत करा तियां जे परमेशरा रे लोक इक्की दूये रा स्वागत कराँ ये। कने जो किछ मदद तिसाजो तुहांते चाहिन्दी तिसाजो देआ, काँह्भई तिसे मेरे बी कने बौहत लोकां री बी मदद कित्तिरी।

रोमियो 16:2 ပူးပေါင်းရင်းမြစ်များ

मत्ती 25:40

फेरी राजे यनि मांह तिन्हाजो जबाब देणा, हऊँ तुहांजो सच्च बोलीराँ ताहली जे कदीं तुहें मांह पर विश्वास करने औल़े तिन्हांजो जे लोक खास नीं समझदे तिन्हां किसी इक्की खातर बी किछ कित्या हुंगा तां सै तुहें मेरे खातर बी कित्या।

प्रेरितां 9:13

हनन्याह ये जवाब दित्या, “हे प्रभु, मैं इस माहणुये रे बारे च बौहतीं ते सुणीरा भई इने यरूशलेम च तेरे पवित्र लोकां ने सौगी बौहत-बौहत बुराईयां किति रियां;

प्रेरितां 9:15

पर प्रभु यीशुये हनन्याह ने गलाया, “तू चली जा; काँह्भई सै त अन्यजातियां कने राजयां कने इस्राएलियां रे सामणे मेरे बारे च प्रचार करने रे खातर मैं तिसजो चुणीरा।

प्रेरितां 9:36

याफा नगरा च तबीता नामक विश्वासी थी। यूनानी भाषा च तिसारा नौं दोरकास था। सै बौहत सारे भले-भले काम्म कने मदद कराँ थी।

प्रेरितां 9:39

तां पतरस उट्ठीने तिन्हां सौगी चली गया, कने तां जे तित्थी पुज्जया तां सै तिस्सो तित्थी लईगे। सब विधवें रोन्दियां-रोन्दियां तिसले खढ़ी ने, सै कुरते कने कपड़े जे दोरकास तिन्हांने सौगी रैंहदे बणाईरे थे, दसणे लगियां।

प्रेरितां 9:41

तिने हत्था रे सहारे ने तिसाजो ठुआलया, कने पवित्र लोकें कने विधवां जो सद्दीने तिसाजो ज्यूंदा दस्सीत्या।

रोमियो 15:7

इस खातर परमेशरा री महिमा खातर तुहें बी तियां इ इक्की दुज्जे जो ग्रहण करा, तियां जे मसीह तुहांजो ग्रहण कित्तिरा।

रोमियो 16:15

फिलुलुगुस, यूलिया, नेर्युस कने तिसरी बैहण उलुम्पास कने तिन्हां रिया सौगी रे सारे साथी पवित्र लोकां जो नमस्कार।

रोमियो 16:23

मेरा कने सारी कलीसियां रा आदर सत्कार करने औल़े गयुस रा तुहांजो नमस्कार। इरास्तुस सै जे नगरा रा खजान्ची आ कने अहांरे साथी विश्वासी क्वारतुस रा बी तुहांजो नमस्कार।

रोमियो 16:6

मरियम जो बी मेरी नमस्ते, तिसे जे तुहांरे खातर खूब मेहणत कित्तिरी।

रोमियो 16:9

उरबानुस जो मेरा नमस्कार सै जे मसीह च अहांरे सहकर्मी ये, कने मेरे प्यारे मित्र इस्तुखुस जो बी नमस्कार।

इफिसियां 5:3

तुहांरे बिच व्यभिचार कने हर तरह रे अपवित्र कम्मां यनि लालचा री चर्चा तक नीं हूणी चाहिन्दी; काँह्भई पवित्र लोकां रे खातर ये ठीक निआं।

फिलिप्पियां 1:27

सिर्फ इतणा करा भई तुहांरा चाल-चल़ण मसीह रिया खुशखबरिया रे लायक हो। भई चाये हऊँ आईने तुहांजो देखूँ, या नीं बी आऊँ, पर तुहांरे बारे च ये सुणुं भई तुहें इक्की मना च अटल कने इक जुट हुईने खुशखबरिया रे विश्वासा खातर खूब मेहणत करया राँये।

फिलिप्पियां 2:29

इस खातर तुहें प्रभु च तिसरा बड़िया खुशिया ने स्वागत करा कने येढ़े लोकां रा आदर करदे रैहणा चाहिन्दा।

कुलुस्सियां 4:10

अरिस्तर्खुस, सै जे मेरे सौगी कैदी आ, कने बरनबास रे रिश्तेदार मरकुस रा तुहांजो नमस्कार, (तिसरे बारे च तुहें आज्ञा पाई थी भई जे सै तुहांले आओ, तां तिसने ठीक ढंगा ने बर्ताव करयां।)

1 तिमुथियुस 2:10

पर भलयां कम्मां ते, काँह्भई परमेशरा री भगती करने औलियां औरतां जो येई शोभा देआं।

2 तिमुथियुस 1:18

प्रभु न्याय रे दिन तिस पर अपणी दया करो, तू ठीक-ढंगा ने जाणाँ भई तिने इफिसुस नगरा च मेरी लग-लग तरिके ने सेवा कित्तिरी।

तीतुस 2:3

इस तरिके ने बजुर्ग औरतां जो जीणे खातर सखां तिसते जे परमेशरा रा आदर हुआं; सै दोष लाणे औल़ियां कने पियक्कड़ नीं, पर खरियां गल्लां सखाणे औल़ियां हो

फिलेमोन 1:12

हलाँकि हऊँ उनेसिमुस जो बौहत प्यार कराँ, फेरी बी हऊँ तिस्सो तेरले वापस भेज्या राँ।

फिलेमोन 1:17

इस खातर जे तू मिन्जो काम्म करने औल़ा अपणा साथी समझां, तां ताहली जे सै तेरले वापस औआं तिस्सो इयां ग्रहण कर तियां जे तू मिन्जो ग्रहण कराँ।

2 यूहन्ना 1:10

जे कोई तुहांले आईने इस शिक्षा जो नीं देआं, तां नांत तुहें तिस्सो अपणे घरें लेई जायां कने नां तिस्सो नमस्कार करयां।