रोमियो 16:17 - बिलासपुरी नौआं नियम

¹⁷ हुण मेरे साथी विश्वासियो, हऊँ तुहांते विनती कराँ, भई तुहें सै जे शिक्षा लेई, तिसरे उलट तुहां च सै जे पंघोल़ पां कने दुज्जेयां रे विश्वासा जो बगाड़ां ये, तिन्हांते खबरदार हुई जावा कने तिन्हांते दूर रौआ।

रोमियो 16:17 ပူးပေါင်းရင်းမြစ်များ

मत्ती 18:17

जे सै तिन्हांरी बी नीं सुणो, तां कलीसिया च दस्सी दो, कने जे सै कलीसिया री बी नीं मन्नो, तां फेरी तू तिसने इयां बर्ताव कर तियां जे सै कोई पापी ओ या कर बसूलणे औल़ा ओ।

मत्ती 18:7

ये किसी रे खातर कितना भयानक हूणा सै जे दुज्यां रे खातर पाप करने री वजह बणां। गल़त करने खातर परख जरूरी, पर ये परख करने औल़े माहणुये रे खातर कितना भयानक हूणा।

मत्ती 7:15

“झूट्ठे भविष्यवक्तयां ते बचीने रौआ! सै तुहांले आमतौर पर भेड्डां रे रुपा च औआं यें, पर हकीकत च सै खूँखार भेड़िये सै जे लोकां पर हमला करां ये।

लूका 17:1

फेरी इक दिन यीशुये अपणे चेलयां जो बोल्या, “ये गल्ल पक्की भई परीक्षां हरेक माहणुये रे सामणे जरूर औणियां सै जे तिसरे पाप करने री वजह बणनी, पर तिस माहणुये खातर कितना भयानक हूणा तिसरिया वजह ते जे ये औणियां।

प्रेरितां 15:24

“अहें सुणीरा भई अहां चते कंईंयें तित्थी आईने तुहांजो अपणियां गल्लां ते घबराई तरा; कने तुहांरे मन पुट्ठे करी तरे, पर अहें तिन्हांजो हुक्म नीं दित्तिरा था।

1 कुरिन्थियों 11:18

काँह्भई पैहले त हऊँ ये सुणां, भई तंजे तुहें कलीसिया च अराधना करने खातर कट्ठे हुआं ये, तां तुहां च फूट इ, कने हऊँ इस पर थोड़ा-थोड़ा विश्वास बी कराँ।

1 कुरिन्थियों 3:3

काँह्भई तुहें हुण बी अपणे पापी स्वभावा रे मुतावक जींआं ये। हऊँ ये जाणाँ काँह्भई तुहां चते बौहत सारे हिरखल़े कने इक दूये ने लड़ां-झगड़ां ये, तां क्या ये साबित नीं करदा भई तुहें अपणे पापी स्वभावा रे मुतावक जी राँये? कने क्या तुहें इस संसारे रे लोकां साई नीं जीआ राँये?

गलातियां 2:4

पर ये तिन्हां झूठयां भाईयां रिया वजह ने समस्या हुई, सै जे अहांरे बिच चोराँ साई आईने घुसीगरे थे, भई तिसा अजादिया रा सै जे यीशु मसीह च अहांजो मिलीरी, तिसारा भेत पाईने अहांजो फेरी भीं यहूदी व्यवस्था रा दास बणाई सक्को।

फिलिप्पियां 3:17

प्यारे साथी विश्वासियो, तुहें सारे मिलीने मेरे साई जीवन जिऊआ, कने तिन्हां लोकां रा बी ध्यान रखा सै जे मेरे व्यवहारा साई व्यवहार कराँ ये कने तिन्हांरा अनुशरण करा।

कुलुस्सियां 2:8

ध्यान रखा, भई कोई तुहांजो अपणे तिस संसारिक ज्ञाना च कने बेमतलब गल्लां च नीं फसाओ सै जे माहणुआं रियां बणाईरी रीतियाँ ते कने संसारा रिया आदी शिक्षा रे मुतावक त हाया, पर मसीह रे मुतावक निआं।

2 थिस्सलुनीकियां 3:6

अरे साथी विश्वासियो, अहें तुहांजो अपणे प्रभु यीशु मसीह रे अधिकारा ते हुक्म देआंये भई तुहें हरेक येढ़े विश्वासिये ते लग रौआ सै जे आलसी आ कने सै जे शिक्षा तिन्हें अहांते पाई तिसरे मुतावक नीं चलदे।

1 तिमुथियुस 1:3

हऊँ चाँह भई तू इफिसुस नगरा च रौ तियां जे मैं मकिदुनिया प्रदेशा जो जान्दे वगत तेरने विनती कित्ती थी, काँह्भई तित्थी किछ लोक झूट्ठी शिक्षां देई रायें कने तू तिन्हां लोकां जो हुक्म दे भई सै झूट्ठी शिक्षां नीं देओ,

2 तिमुथियुस 3:5

तिन्हां भगत हुणे रा नाटक करना, पर परमेशरा रिया सामर्था रा इन्कार करना; येढ़यां लोकां ते दूर रौआ।

तीतुस 3:10

सै माहणु जे कलीसिया च फूट पां तिस्सो इक या दो बार चेतावनी दे, कने इसते बाद तिसते लग रै,

1 यूहन्ना 2:19

सै मसीह रा बरोध करने औल़े अहांरा साथ छड्डी ने चली गरे, पर सै अहांरे अपणे नीं थे। जे सै अहांरे अपणे हुन्दे, तां अहांने सौगी रैहन्दे। पर सै अहांजो छड्डी गरे ताकि परमेशर अहांजो ये दस्सी सक्को भई तिन्हां चते कोई बी अहांरा निआं।

यहूदा 1:19

ये सैई लोक ये सै जे फूट पांये; ये लोक अपणी स्वाभाविक इच्छा रे मुतावक चलां ये कने तिन्हां च पवित्र आत्मा वास नीं करदा।