रोमियो 15:31 - बिलासपुरी नौआं नियम

³¹ प्राथना करा भई परमेशर मिन्जो यहूदिया प्रदेशा च अविश्वासियां ते बचाओ, कने यरूशलेम च रैहणे औल़े परमेशरा रे लोक तिसा सहायता जो पाणे खातर खुश हुणे सै जे हऊँ तिन्हांरे खातर लेईने जाया राँ;

रोमियो 15:31 ပူးပေါင်းရင်းမြစ်များ

प्रेरितां 22:24

तां पलटना रे सरदारे गलाया, “इस्सो गढ़ा च लई जाओ, कने कोड़े मारीने पता लाओ, भई हऊँ जांणूं भई लोक किस वजह ते इसरे विद्रोहा च येढ़े रड़ाया रायें।”

प्रेरितां 25:2

तां मुखियायाजकें कने यहूदी अगुवेयां, तिसरे सामणे पौलुसा पर इल्जाम लगाये भई तैं जो किछ कित्या सै गल़त आ;

प्रेरितां 25:24

फेस्तुसे गलाया, “राजा अग्रिप्पा, कने मौजूद सब सज्जन लोको, तुहें इस माहणुये जो देख्या रायें, तिसरे बारे च जे कई यहूदी अगुवेयां यरूशलेम च कने येत्थी बी रड़ाई-रड़ाईने मेरने विनती किति, भई इसरा ज्यूंदा रैहणा ठीक निआं।

प्रेरितां 9:13

हनन्याह ये जवाब दित्या, “हे प्रभु, मैं इस माहणुये रे बारे च बौहतीं ते सुणीरा भई इने यरूशलेम च तेरे पवित्र लोकां ने सौगी बौहत-बौहत बुराईयां किति रियां;

प्रेरितां 9:15

पर प्रभु यीशुये हनन्याह ने गलाया, “तू चली जा; काँह्भई सै त अन्यजातियां कने राजयां कने इस्राएलियां रे सामणे मेरे बारे च प्रचार करने रे खातर मैं तिसजो चुणीरा।

रोमियो 15:25

पर हुण त हऊँ परमेशरा रे पवित्र लोकां री सेवा करने खातर यरूशलेम जाई कराँ।

1 कुरिन्थियों 16:15

साथी विश्वासियो तुहें स्तिफनुस रे घराने जो जाणाँ ये, भई सै अखाया प्रदेशा रे पैहले विश्वासी ये, कने पवित्र लोकां री सेवा रे खातर त्‍यार रैं।

2 कुरिन्थियों 1:10

तिने परमेशरे इ अहांजो मौती रे इतणे बड्डे संकटा ते बचाया, कने औणे औल़ियां मुशीवतां ते बी सैई अहांजो बचांगा; अहांरी आशा तिस पर इ टिकिरी कने अग्गे बी तिस इ अहौं बचान्दे रैहणा,

2 कुरिन्थियों 8:4

सै बड़िया नम्रता सौगी यहूदिया प्रदेशा च रैहणे औल़े परमेशरा रे पवित्र लोकां री मदद करने च शामिल होणे रे मौके खातर अहांने बिनती करदे रै।

2 कुरिन्थियों 9:1

हुण यरूशलेम च विश्वासियां जो मदद करने री सेवा रे बारे च मिन्जो तुहांजो लिखणे री जरूत नीं।

2 कुरिन्थियों 9:13

तुहांरिया इस सेवा जो सबूत मनदे हुये तिन्हां परमेशरा री महिमा करनी, काँह्भई तुहें मसीह रिया खुशखबरिया जो मन्नीने तिसरे अधीन रैं, कने गरीब विश्वासियां री कने सब्बीं री मदद करने च उदारता दसदे रैं।

1 थिस्सलुनीकियां 2:15

तिन्हें जे प्रभु यीशुये जो मारया कने भविष्यवक्तयां जो बाहर खदेड़ीत्या, कने अहांजो सताया, सै परमेशरा जो नीं खुश करदे, कने सै सारे माहणुआं रा वरोध कराँ ये।

2 थिस्सलुनीकियां 3:2

कने प्राथना करा भई अहें टेढे कने दुष्ट माहणुआं ते बचीरे रौ काँह्भई सारे लोक विश्वास नीं करदे।

2 तिमुथियुस 3:11

कने मेरे सताव, मेरे दुखा रे बगता तैं मेरा साथ दित्तिरा। तू त जाणाँ भई अन्ताकिया, इकुनियुम कने लुस्त्रा नगराँ च मिन्जो किस तरिके री यातना दित्ति थी तिन्हौं जे मैं सहील्या, पर प्रभुये मिन्जो तिन्हां सब्बीं ते बचाईल्या।

2 तिमुथियुस 4:17

पर प्रभुये मेरा साथ दित्या कने मिन्जो सामर्थ दित्ति, ताकि मेरे जरिये साफ तौर पर खुशखबरिया रा प्रचार हुई सक्को कने सब अन्यजातियां रे लोक सुणी सक्को; कने प्रभुये मिन्जो मौती ते बचाया।