रोमियो 15:26 - बिलासपुरी नौआं नियम

²⁶ काँह्भई मकिदुनिया कने अखाया प्रदेशा री कलीसिया रे लोकें यरूशलेम च, परमेशरा रे पवित्र लोकां च सै जे गरीब ये, तिन्हांरे खातर किछ चन्दा देणे रा निश्चा कित्या।

रोमियो 15:26 ပူးပေါင်းရင်းမြစ်များ

मत्ती 25:40

फेरी राजे यनि मांह तिन्हाजो जबाब देणा, हऊँ तुहांजो सच्च बोलीराँ ताहली जे कदीं तुहें मांह पर विश्वास करने औल़े तिन्हांजो जे लोक खास नीं समझदे तिन्हां किसी इक्की खातर बी किछ कित्या हुंगा तां सै तुहें मेरे खातर बी कित्या।

मत्ती 26:11

काँह्भई दीन-दुखियां त सदा जो तुहां सौगी रैहणा, पर मांह सदा जो तुहां सौगी नीं रैहणा।

लूका 14:13

तां जे तूं धाम करगा तां तू गरीबां, लंगड़यां, टुण्डयां कने अन्हेयां जो सदयां।

लूका 6:20

तिने अपणे चेलयां खौ देखीने बोल्या, “परमेशर तिन्हां लोकां ने बड़ा खुश आ, सै जे गरीब ये, काँह्भई परमेशर तिन्हां पर राज कराँ।

प्रेरितां 16:12

ऊत्थीते अहें फिलिप्पी नगरा च पुज्जे, सै जे मकिदुनिया प्रदेशा रा खास नगर आ तित्थी जे कई रोमी नागरिक रैं, कने अहें तिस नगरा च किछ दिन तका रहे।

प्रेरितां 16:9

तित्थी पौलुसे राति जो इक दर्शण देख्या भई इक मकिदुनी प्रदेशा रा इक माहणु खढ़िरा कने तिसने विनती करीने गलाया राँ, “समुद्रा रे पार जाईने मकिदुनिया प्रदेशा च औआ, कने अहांरी मदद करा।”

प्रेरितां 18:12

तां जे गल्लियो अखाया प्रदेशा रा राजपाल था, तां यहूदी लोक येक्का करीने पौलुसा परा लड़ने आईगे। कने तिस्सो न्याय आसणा रे सामणे ल्याईने बोलणे लगे;

प्रेरितां 19:21

ताहली जे ये गल्लां हुई चुक्कियां तां पवित्र आत्मे पौलुसा जो मकिदुनिया कने अखाया प्रदेशा चियें हुईने यरूशलेम जो अगवाई कित्ती, कने गलाया, “तित्थी जाणे ते बाद मेरा रोम नगरा जो जाणा बी जरूरी आ।”

प्रेरितां 9:13

हनन्याह ये जवाब दित्या, “हे प्रभु, मैं इस माहणुये रे बारे च बौहतीं ते सुणीरा भई इने यरूशलेम च तेरे पवित्र लोकां ने सौगी बौहत-बौहत बुराईयां किति रियां;

1 कुरिन्थियों 16:15

साथी विश्वासियो तुहें स्तिफनुस रे घराने जो जाणाँ ये, भई सै अखाया प्रदेशा रे पैहले विश्वासी ये, कने पवित्र लोकां री सेवा रे खातर त्‍यार रैं।

1 कुरिन्थियों 16:5

कने मांह मकिदुनिया प्रदेश हुईने तुहांले औणा, काँह्भई मिन्जो मकिदुनिया हुईने जाणा जरूरी आ।

2 कुरिन्थियों 1:16

हऊँ सोच्चां था भई मकिदुनिया प्रदेश जान्दे हुये तुहांजो मिलूँ कने ताहली जे मकिदुनिया ते वापस हटूँ तां फेरी तुहांले आऊं; ताकि हऊँ तुहांते यहूदिया प्रदेशा रिया यात्रा खातर मदद पाऊँ।

2 कुरिन्थियों 11:9

कने ताहली जे हऊँ तुहां सौगी था, तां बी पैसयां री जरूरत पौणे पर मैं किसी रे ऊपर कोई बोझ नीं पाया, काँह्भई मकिदुनिया प्रदेशा ते आईरे विश्वासी भाईयें मेरी पैसे री जरूरतां पूरी कित्तियां थी। मैं हर गल्ला पर खुद अप्पूँजो तुहां पर बोझ नीं बणने दित्या कने नांई कदीं बणने देणा।

2 कुरिन्थियों 2:13

मेरे सौगी काम्म करने औल़े तीतुस जो तित्थी नीं पाईने हऊँ बड़ा दुखी था; इस खातर हऊँ त्रोआस नगरा जो छड्डिने वापस मकिदुनिया प्रदेशा च आईग्या।

2 कुरिन्थियों 7:5

ताहली जे अहें मकिदुनिया प्रदेशा च पुज्जे तां बी अहांजो आराम नीं मिलया था, पर अहांजो हरेक जगह परेशानियां सैहणी पैई थी; बाहर लड़ाईयां थी कने मना च डर था।

2 कुरिन्थियों 9:12

काँह्भई दान देणे रिया सेवा जो पूरा करने ते नां सिर्फ परमेशरा रे लोकां री जरूरत पूरी हुआं इ, पर सै लोक खुशिया ने परमेशरा रा बौहत धन्यवाद कराँ ये।

2 कुरिन्थियों 9:2

काँह्भई हऊँ मदद रे खातर तुहांरिया इच्छा जो जाणाँ, जिस रिया वजह ने हऊँ तुहांरे बारे च मकिदुनिया प्रदेशा रे रैहणे औल़े विश्वासियां रे सामणे ये बोलदे हुये गर्व करी रां, भई तुहें अखाया प्रदेशा रे लोक त पिछले साल्ला तेई मदद करने जो त्यार थे कने तुहांरिया इसा इच्छा ते तिन्हां चते मतयां जो मदद करने रे खातर प्रेरणा मिली।

2 कुरिन्थियों 9:4

येढ़ा नीं ओ, भई जे मकिदुनिया प्रदेशा ते किछ विश्वासी मेरे सौगी आओ कने तुहांजो दान देणे जो त्यार नीं पाओ, तां हुई सक्कां भई इस भरोसे रिया वजह ने अहें शर्मिन्दा ओ कने तुहें बौहत जादा शर्मिन्दा ओ।

फिलिप्पियां 4:15

हे फिलिप्पी रे लोको, तुहें त जाणाँ यें खुशखबरिया रे प्रचारा रे तिन्हां शुरु रे दिनां च ताहली जे मैं मकिदुनिया प्रदेश छड्डया था, तां लेणे-देणे रे बारे च सिर्फ तुहांरिया कलीसिया जो छड्डिने किसी होर कलीसिये मेरी सहायता नीं कित्ती थी।

1 थिस्सलुनीकियां 1:7

कने इस खातर मकिदुनिया कने अखाया प्रदेशा रे सारे विश्वासियां रे खातर तुहें इक आदर्श बणिगे,

1 थिस्सलुनीकियां 1:8

काँह्भई तुहांरे येत्थीते न सिर्फ मकिदुनिया कने अखाया प्रदेशा च प्रभुरा वचन सुणाया गया, पर तुहांरे विश्वासा री, सै जे परमेशरा पर आ, हर जगह येढ़ि चर्चा फैलीगी इस खातर, अहांजो तुहांरे बारे च किसी जो किछ बी गलाणे री जरूरत नीं।

1 थिस्सलुनीकियां 4:10

कने मकिदुनिया प्रदेशा रे सरयां विश्वासी भाई-भैणां रे खातर तुहें प्रेम दस्सी चुक्कीरे। पर भाईयो, अहें तुहांजो विनती कराँ भई इसच होर बी बधदे जाओ,

1 तिमुथियुस 1:3

हऊँ चाँह भई तू इफिसुस नगरा च रौ तियां जे मैं मकिदुनिया प्रदेशा जो जान्दे वगत तेरने विनती कित्ती थी, काँह्भई तित्थी किछ लोक झूट्ठी शिक्षां देई रायें कने तू तिन्हां लोकां जो हुक्म दे भई सै झूट्ठी शिक्षां नीं देओ,

फिलेमोन 1:5

काँह्भई हऊँ प्रभु यीशुये च तेरा विश्वास कने परमेशरा रे लोकां ते तेरे प्यारा रे बारे च सुणां।