रोमियो 15:24 - बिलासपुरी नौआं नियम

²⁴ इस खातर ताहली जे हऊँ स्पेन देशा जो जांगा, तां मेरी ये आशा इ भई हऊँ तुहांजो जरूर मिलगा कने तुहां सौगी किछ दिन रुकणे रा नन्द लेणे ते बाद हऊँ चाँह भई तुहें सपेन जाणे च मेरी मदद करी सक्को।

रोमियो 15:24 ပူးပေါင်းရင်းမြစ်များ

प्रेरितां 15:3

कलीसिया रे लोकें रोटी कने पैसा देईने तिन्हांरी यात्रा च जाणे जो मदद कित्ती; कने सै फीनीके कने सामरिया प्रदेशा चियें हुंदे हुये किस तरिके ने अन्यजातियां रे लोक खुशखबरी सुणीने यीशु मसीह पर विश्वास करी राँये ये खबर सुणान्दे रै, कने ये सुणीने सब विश्वासी बौहत खुश हुये।

प्रेरितां 19:21

ताहली जे ये गल्लां हुई चुक्कियां तां पवित्र आत्मे पौलुसा जो मकिदुनिया कने अखाया प्रदेशा चियें हुईने यरूशलेम जो अगवाई कित्ती, कने गलाया, “तित्थी जाणे ते बाद मेरा रोम नगरा जो जाणा बी जरूरी आ।”

प्रेरितां 21:5

ताहली जे सै दिन पूरे हुईगे, तां अहें तित्थी ते चलीपे; कने जनानां कने बालकां समेत तिन्हें अहांजो नगरा ते बाहरा तका पहुँचाया; कने अहें कनारे पर गोडे टेक्कीने प्राथना किति,

रोमियो 1:12

यनि मेरा मतलब येआ भई ताहली जे हऊँ तुहांले होऊं, तां अहें तिस विश्वासा रे जरिये सै जे माह च कने तुहां चा, इक्की दुज्जे ते प्रेरणा पाओ।

रोमियो 15:28

इस खातर हऊँ पैहले यरूशलेम जाईने ये सारा काम्म निपटांगा सै जे तिन्हांरे खातर कट्ठा कित्तिरा ये चन्दा सम्भाल़ी ने तिन्हांरे हत्था च देई औआं, फेरी हऊँ तुहांरे नगरा चियें औन्दा हुआ स्पेन जो चली जान्गा।

2 कुरिन्थियों 1:16

हऊँ सोच्चां था भई मकिदुनिया प्रदेश जान्दे हुये तुहांजो मिलूँ कने ताहली जे मकिदुनिया ते वापस हटूँ तां फेरी तुहांले आऊं; ताकि हऊँ तुहांते यहूदिया प्रदेशा रिया यात्रा खातर मदद पाऊँ।

3 यूहन्ना 1:6

सै प्यार जे तैं तिन्हां पर दस्या, तिन्हें येत्थी रिया कलीसिया रे विश्वासियां रे सामणे तिसरी गवाही दित्तिरी। तिज्जो तिन्हां लोकां री लगातार मदद करनी चाहिन्दी ताहली सै तिज्जो छड्डिने दुज्जिया जगह यात्रा करने री इच्छा कराँ ये, ये तिज्जो करना चाहिन्दा, काँह्भई येई परमेशरा जो खुश कराँ।