रोमियो 15:13 - बिलासपुरी नौआं नियम

¹³ सारियां आशां रा देणे औल़ा परमेशर तुहांजो बड़े आनन्द कने शान्तिया ने भरी दो, तियां जे भई तिसच तुहांरा विश्वास आ, ताकि पवित्र आत्मा रिया सामर्था ते तुहें आशा ने भरी जाओ।

रोमियो 15:13 ပူးပေါင်းရင်းမြစ်များ

यूहन्ना 14:1

“तुहांरे दिल दुखी नीं हो, परमेशरा पर विश्वास रखा कने मेरे पर बी विश्वास रखा।

यूहन्ना 14:27

हऊँ तुहांजो शान्ति देआं, तेढ़ी नीं, तिस तरिके री जे संसार देआं; पर हऊँ तुहांजो अपणी शान्ति देआं तिसते जे तुहांरा मन नांत घबराओ कने न डरो।

रोमियो 12:12

अपणिया आशा च खुश रौआ; परेशानियां च धैर्य रखा; कने हमेशा प्राथना करदे रौआ।

रोमियो 14:17

काँह्भई परमेशरा रे राज्जा च खाणा पीणा मायना नीं रखदा, पर परमेशरा ने ठीक रैहणा, शान्ति कने पवित्र आत्मा ने आनन्द बौहत मायना रखा।

रोमियो 15:19

कने चिन्हां चमत्काराँ रे जरिये, नोखे कम्मां रे सामर्था रे जरिये कने पवित्र आत्मा रिया सामर्था ने कित्तिरा। येत्थी तक भई यरूशलेम ते लेईने इल्लुरिकुम प्रदेशा तक मैं मसीह री खुशखबरिया रा प्रचार सारियां जगहां च कित्तिरा।

रोमियो 15:5

धीरज कने हौंसला देणे औल़ा परमेशर तुहांजो ये बरदान देओ, ताकि तुहें अप्पूँ चियें इक मन हुईने रौ, तियां जे मसीह यीशुये रा तुहें अनुशरण करी राँये।

1 कुरिन्थियों 2:4

मेरी शिक्षा, कने मेरे प्रचारा च माहणुये रे ज्ञाना री चलाकिया रियां गल्लां नीं थिआं, पर पवित्र आत्मे तुहां पर सामर्थी तरिके ने दस्या,

2 कुरिन्थियों 9:8

कने परमेशर तुहांजो जरूरता ते जादा देणे च सामर्थी आ, ताकि तुहांले दुज्यां जो देणे खातर जादा ते जादा हूणा।

गलातियां 5:22

पर पवित्र आत्मा रा फल़ प्यार, खुशी, शान्ति, धीरज, दया, भलाई, विश्वास,

इफिसियां 1:2

तुहांजो अहांरे पिता परमेशर कने यीशु मसीह रिया तरफा ते अनुग्रह कने शान्ति मिलदी रौ।

1 थिस्सलुनीकियां 1:5

काँह्भई ताहली जे अहें यीशु मसीह री खुशखबरी तुहांजो दस्सी तां तुहांले सिर्फ शब्दां ची नीं पुज्जी, बल्कि पवित्र आत्मे बी सामर्था ने काम्म कित्या; कने तुहें बौहत गैहराईया ने विश्वास कित्या। ये तुहें जाणाँ ये भई ताहली जे अहें तुहां सौगी थे, तां तुहांरी मदद करने खातर अहें किस तरिके रा व्यवहार कित्या।

1 तिमुथियुस 1:1

हऊँ पौलुस, यीशु मसीह रा प्रेरित आ तिसजो जे अहांरे छुटकारा करने औल़े परमेशरे कने मसीह यीशु तिस पर जे अहें भरोसा कराँ ये अधिकार दित्तिरा,

इब्रानियों 6:11

अहांरी ये बौहत इच्छा इ भई तुहें तदुआं तक जे जिऊंदा ये अच्छा व्यवहार करदे रौआ, ये पक्का करने रे खातर भई तुहांरी आशा सच्च हूणी।

1 पतरस 1:8

हलाँकि तुहें कदी यीशु मसीह जो नीं देख्या फेरी बी तुहें तिसने प्यार कराँ ये; कने हुण तुहें तिस्सो नीं देखदे, फेरी बी तुहें तिस पर विश्वास कराँ ये कने येढ़े आनन्दित कने मगन हुआं ये सै जे बखान करने ते बाहर कने महिमा ने भरीरा,