रोमियो 14:9 - बिलासपुरी नौआं नियम

⁹ काँह्भई इस मकसदा रिया वजह ने मसीह मरया कने जिऊंदा बी हुया ताकि सै मूईरयां कने जिऊंदयां दुईं रा प्रभु हुई सक्को।

रोमियो 14:9 ပူးပေါင်းရင်းမြစ်များ

मत्ती 28:18

यीशुये तिन्हांले आईने बोल्या, “स्वर्ग कने धरतिया रा सारा अधिकार मिन्जो देई दित्तिरा।

लूका 24:26

क्या मसीह रे खातर ये जरूरी नीं था भई इसते पैहले सै इन्हां पीड़ां जो भुगते फेरी स्वर्गा च जाईने अपणे अधिकारा रिया गद्दिया पर बैट्ठो?”

यूहन्ना 12:24

हऊँ तुहांजो सच-सच बोलां भई तदुआं तकौ जे कणका रा दाणा मिट्टिया च मिलीने मरी नीं जान्दा, तदुआं तकौ सै कल्हा इ रई जां; पर तंजे मरी जां, तां मता फल़ ल्यावां।

प्रेरितां 10:36

सै जे वचन तिने इस्राएलियां ला भेज्या, ताहली जे तिने यीशु मसीह रे जरिये सै जे सब्बीं रा प्रभु आ शान्तिया री खुशखबरी सुणाई,

प्रेरितां 10:42

कने तिने अहांजो हुक्म दित्या भई सारयां लोकां च प्रचार करा कने गवाही देआ भई ये सैई आ तिस्सो जे परमेशरे जिऊंदेयां रा कने मूईरयां रा न्यायी बणाईरा।

रोमियो 10:9

जे तू अपणे मुँआं ते स्वीकार करो, भई यीशु मसीह प्रभु आ, कने तू अपणे दिला ते ये विश्वास करो, भई परमेशरे तिस्सो मूईरयां चते जिऊंदा कित्या, तां तिज्जो परमेशरा छुटकारा देणा।

2 कुरिन्थियों 5:14

काँह्भई मसीह रा प्यार अहांजो मजबूर करी देआं; काँह्भई अहें ये समझां ये भई मसीह सारयां लोकां रे खातर मरया इसी खातर अहें सारे मरीगे।

1 थिस्सलुनीकियां 4:14

काँह्भई जे अहें विश्वास कराँ ये भई यीशु मरया कने जी बी उट्ठया, तां तियां इ परमेशर तिन्हौं बी सै जे यीशुये च मरी चुक्कीरे, यीशुये सौगी स्वर्गा च नेणे।

1 थिस्सलुनीकियां 5:10

यीशु मसीह अहां खातर इस वजह ते मरया भई अहें चाये जिऊंदा ओ या मूईरे ओ, अहें सदा तिसने सौगी जी सको।

2 तिमुथियुस 4:1

परमेशर कने मसीह यीशुये रिया हजूरिया च तिस जे जिऊंदेयां कने मूईरयां रा न्याय करना, तिसरे दोवारा औणे कने तिसरे राज्जा रे बारे च ध्यान रखदे हुये हऊँ तिज्जो ये हुक्म देआं

इब्रानियों 12:2

सै जे अहांजो विश्वासा रिया तरफा लेई जां कने अहांरे विश्वासा जो सिद्ध करने औल़े यीशुये रिया तरफा देखदे रैं। तिने जे तिसा खुशिया खातर सै जे औणे औल़े दिनां च मिलणे औल़ी थी, बेज्जतिया री परवाह नीं करीने क्रूसा री मौत सही ली, कने परमेशरा रे संघासणा रे सज्जे पासे आदरा रिया जगह जाई बैट्ठया।

1 पतरस 1:21

तिसरे जरिये तुहें परमेशरा पर विश्वास करदे रै तिने जे तिस्सो मूईरेयां चते जिऊंदा कित्या कने तिस्सो महिमा दित्ति, इस खातर तुहांरी आस कने तुहांरा विश्वास परमेशरा पर हुण मजबूत आ।

1 पतरस 4:5

पर तिन्हांजो अपणयां कम्मां रा लेखा परमेशरा जो देणे पौणा सै जे जिऊंदा कने मूईरयां लोकां रा न्याय करने जो त्यार आ।

प्रकाशितवाक्य 1:18

हऊँ जिन्दगिया रा सोता; हऊँ मरी चुक्कीरा था, पर हुण हऊँ हमेशा खातर जीवित आ। मौत कने अधोलोका रियां चाबियाँ मेरले इयां।

प्रकाशितवाक्य 2:8

तिने बी मिन्जो बोल्या, “स्मुरना नगरा रिया कलीसिया रे दूता जो ये सन्देश लिख: हऊँ पैहला कने आखरी आ; हऊँ मरीग्या था कने हुण जिऊंदा हुईगरा, हऊँ ये बोलां: