रोमियो 14:8 - बिलासपुरी नौआं नियम

⁸ जे अहें जिऊंदा ये, तां प्रभुये खातर जिऊंदा ये; कने जे मराँ ए, तां बी प्रभुरे खातर मराँ ए; इस खातर चाए जिऊए या मरें पर अहें हाये त प्रभुरे इ।

रोमियो 14:8 ပူးပေါင်းရင်းမြစ်များ

लूका 20:38

परमेशर त मुड़दयां राँ नीं पर ज्यून्दया रा परमेशर आ: काँह्भई तिसरिया नज़राँ च सारे ज्यून्दे इ हाये।”

यूहन्ना 21:19

यीशुये ये दसणे खातर गलाया, भई पतरसा कियां मरना कने तिसरे मरने ते परमेशरा री महिमा कियां हूणी। येढ़ा गलाई ने यीशुये तिस्सो बोल्या, औ मेरा चेला बण।

प्रेरितां 13:36

“काँह्भई दाऊद त परमेशरा री इच्छा रे मुतावक अपणे बगता च सेवा करीने मरीग्या, कने अपणे पूर्वजां च मिलीग्या, कने सड़ी बी गया।

प्रेरितां 20:24

पर हऊँ अपणे प्राणां जो बी किछ नीं समझदा भई तिस्सो प्यारा जाणुं, पर येढ़ा भई हऊँ अपणी दौड़ा जो कने तिसा सेवा जो पूरी करूँ, सै जे परमेशरा रे अनुग्रह ते खुशखबरिया री गवाही देणे खातर प्रभु यीशुये ते पाईरी।

प्रेरितां 21:13

पर पौलुसे जवाब दित्या, “तुहें रोई-रोई ने मेरा दिल काँह तोड़या रायें? हऊँ बी त यीशुये रे नौआं खातर यरूशलेम च नां सिर्फ बंधोणे, पर मरने खातर बी त्यार आ।”

1 कुरिन्थियों 15:23

पर हरेक अपणिया-अपणिया बारिया ते: जिऊंदा हुणे औल़यां च पैहले मसीह; फेरी तिसरे औणे पर तिसरे लोक।

फिलिप्पियां 1:20

मेरी ये बड्डी इच्छा कने आशा इ भई मांह किसी बी गल्ला च शर्मिन्दा नीं हूणा पर हुण पूरे हौंसले ने तियां जे मेरे सारयां कम्मां कने गल्लां ते मसीह री महिमा हमेशा हुन्दी रैई, तियां इ अग्गे बी हुन्दी रैहणी; चाये हऊँ जीऊं या मरी जाऊँ।

फिलिप्पियां 2:17

जे मिन्जो तुहांरे विश्वास रुपी बलिदान्ना कने सेवा सौगी अपणा खून बी बहाणे पौ तां बी मिन्जो खुशी हूणी, कने तुहां सब्बीं सौगी मौज कराँ।

फिलिप्पियां 2:30

तिने मसीह रे कम्मां खातर मौती रा सामणा कित्या कने अपणिया जिन्दगिया जो खतरे च पाईत्या ताकि सै सहायता जे तुहें खुद मिन्जो नीं देई सक्के, तिस्सो इपफ्रदीतुस पूरा करी सक्को।

1 थिस्सलुनीकियां 5:10

यीशु मसीह अहां खातर इस वजह ते मरया भई अहें चाये जिऊंदा ओ या मूईरे ओ, अहें सदा तिसने सौगी जी सको।

प्रकाशितवाक्य 14:13

फेरी मैं स्वर्गा ते ये अवाज़ सुणी, “लिख: सै मृतक जे प्रभुये च मराँ ये, सै हुण आशीषित ये।” पवित्र आत्मा बोलां, “हाँ, काँह्भई तिन्हां अपणिया मेहणता ते आराम पाणा, कने तिन्हांरे भले काम्म तिन्हां सौगी ये।”