रोमियो 14:6 - बिलासपुरी नौआं नियम

⁶ सै जे किसी खास दिना जो मन्नां सै तिस्सो प्रभुये जो आदर देणे खातर इ मन्नां। कने सै जे सब किछ खां, सै बी प्रभुये जो आदर देणे खातर इ खां, काँह्भई सै तिस खाणे रे खातर प्रभुये रा धन्यवाद कराँ। कने सै जे नीं खान्दा, सै बी येढ़ा इस खातर कराँ, काँह्भई सै बी प्रभुये जोई आदर देणा चाँह, काँह्भई सै बी परमेशरा जोई धन्यवाद देआं।

रोमियो 14:6 ပူးပေါင်းရင်းမြစ်များ

मत्ती 14:19

तिने लोकां जो गलाया भई तुहें घा पर बैठी जावा, फेरी तिने सै पांज्ज रोटियां कने दो मच्छियां लेईने स्वर्गा खौ देख्या कने रोटिया खातर परमेशरा रा धन्यवाद कित्या फेरी रोटिया रे दो-दो टुकड़े करीने सै अपणे चेलयां ले लोकां जो बंडणे जो दित्ते।

मत्ती 15:36

कने तिन्हां सात्त रोटियां कने मच्छीआं जो लेईने तिने परमेशरा रा धन्यवाद कित्या, कने रोटियां तोड़ीने अपणे चेलयां जो देणे लगया, कने चेले लोकां जो देणे लगे।

यूहन्ना 6:28

लोकें तिसते पुच्छया, “तिन्हां कम्मां जे परमेशर चाँह, तिन्हाजो करने खातर अहें क्या करिये?”

गलातियां 4:10

अन्यजाति लोको तुहें परमेशरा जो खुश करने खातर यहूदियां रे खास दिनां, महीनयां, ऋतुआं कने बर्षां जो मन्नां ये।