रोमियो 14:13 - बिलासपुरी नौआं नियम

¹³ इस खातर अहांजो अप्पूँ चियें दोष लगाणा बन्द करी देणा चाहिन्दा, कने तुहें ये मथी लो भई तुहांरे किसी कम्मा रिया वजह ने तुहांरा साथी विश्वासी कोई पाप नीं करो।

रोमियो 14:13 ပူးပေါင်းရင်းမြစ်များ

मत्ती 16:23

यीशु तिसरी तरफ मुड़या कने गलाया, “पतरस, मेरे रस्ते ते हटि जा! अरे शैतान! तू मेरे खातर इक अड़चन ई: काँह्भई तू परमेशरा साई नीं, पर माहणुआं साई सोच्चां।”

मत्ती 18:7

ये किसी रे खातर कितना भयानक हूणा सै जे दुज्यां रे खातर पाप करने री वजह बणां। गल़त करने खातर परख जरूरी, पर ये परख करने औल़े माहणुये रे खातर कितना भयानक हूणा।

मत्ती 7:1

“किसी पर इल्जाम नीं लगावा, नईतां तुहां पर बी इल्जाम लगणा।

लूका 12:57

“तुहें अप्पूँ इ इसा गल्ला रा फैसला काँह नीं करी लेंदे भई क्या करना ठीक आ?

लूका 17:2

सै जे कोई माह पर विश्वास करने औल़यां चते इक्की जो बी पाप करने पर मजबूर करो, तां तिसरे खातर ये बौहत सजा हुई सक्कां इ भई इक घराटा रा बाट्ट तिसरे गल़े ने बन्हीने समुद्रा च सट्टि दो पर परमेशरा तिसजो इसते बी बौहत भयानक सजा देणी।

रोमियो 11:9

कने राजा दाऊद बोलां, “हऊँ परमेशरा ने प्राथना कराँ भई सै तिन्हांजो तिन्हांरे त्योहारा पर पकड़ी सक्को कने तिन्हांजो फसाई सक्को, कने परमेशर तिन्हांजो झुकाओ कने तिन्हांजो सजा देई सक्को।

रोमियो 14:10

तू अपणे विश्वासी भाईये पर कजो दोष लगां? या तू अपणे विश्वासी भाईये जो घटिया कजो मन्नां? काँह्भई अहां सारयां जो परमेशरा रे न्याय रे संघासणा रे अग्गे खड़ने पौणा।

रोमियो 14:3

कने सै जे हर किस्मा रा खाणा खां, तिस्सो सै माहणु घटिया नीं समझणा चाहिन्दा सै जे किछ चिज़ां नीं खान्दा, तिस्सो सिर्फ साग शब्जी खाणे औल़ा बी सब किछ खाणे औल़े जो बुरा नीं बोल्लो; काँह्भई परमेशरे दुईं जो ग्रहण कित्तिरा।

रोमियो 14:4

तू किसी दुज्जे घरा रे सेवका पर इल्जाम लाणे औल़ा कुण हुआं? ये सिर्फ तिसरा इ स्वामी तैह कराँ भई तिने खरा कित्या या खरा नीं कित्या। पर सै सफल हूणा, काँह्भई प्रभुये तिस्सो खड़ा हुणे रे लायक बनाणा।

रोमियो 16:17

हुण मेरे साथी विश्वासियो, हऊँ तुहांते विनती कराँ, भई तुहें सै जे शिक्षा लेई, तिसरे उलट तुहां च सै जे पंघोल़ पां कने दुज्जेयां रे विश्वासा जो बगाड़ां ये, तिन्हांते खबरदार हुई जावा कने तिन्हांते दूर रौआ।

1 कुरिन्थियों 10:32

तुहें नां तां यहूदियां, नां यूनानियां, नां परमेशरा री कलीसिया रे खातर परेशानिया री वजह बणो।

1 कुरिन्थियों 11:13

तुहें खुद बचार करा: क्या जनाना जो बिणा सिर ढक्के परमेशरा ते प्राथना करना ठीक आ?

2 कुरिन्थियों 5:14

काँह्भई मसीह रा प्यार अहांजो मजबूर करी देआं; काँह्भई अहें ये समझां ये भई मसीह सारयां लोकां रे खातर मरया इसी खातर अहें सारे मरीगे।

2 कुरिन्थियों 6:3

अहांरा स्वाभाव किसी बी तरिके ने किसी रे खातर अड़चन नीं बणदा, ताकि अहांरी सेवकाईया पर कोई दोष नीं लाओ।

फिलिप्पियां 1:10

ताकि तुहें उत्तम ते उत्तम गल्लां जो प्रिय जाणो, कने तुहें मसीह रे औणे रे दिना तक पवित्र, कने निर्दोष बणीने रौआ।

1 तिमुथियुस 5:14

इस खातर हऊँ ये चांह भई जवान विधवां ब्याह करो, कने बच्चे जणो, कने घर-बार सम्भालो, कने किसी दुश्मणा जो बदनाम करने रा मौका नीं देओ।

याकूब 2:4

तां क्या इसते साफ-साफ भेद-भाव नीं दिखदा भई तुहांरे विचार कितणे खराब ये?

याकूब 4:11

मेरे साथी विश्वासियो, इक्की दुज्जे री बुराई मत करा। सै जे अपणे साथी विश्वासियां री बदनामी कराँ या तिन्हां पर इल्जाम लगां, सै व्यवस्था री बदनामी कराँ; कने जे तू येढ़ा कराँ, तां तू व्यवस्था रा पालन करने औल़ा निआं, पर तिसरा न्याय करने औल़ा बणी जां।

1 यूहन्ना 2:10

सै जे कोई अपणे साथी विश्वासिये ने प्यार रखां, सै परमेशरा रिया ज्योतिया रे मुतावक जी राँ। कने सै किसी होरी रे खातर पापां री वजह नीं बणदा।

प्रकाशितवाक्य 2:14

पर मेरले तेरे खलाफ किछ शकैतां इ : तेरे बिच किछ येढ़े लोक ये सै जे बिलाम भविष्यवक्ते रिया शिक्षा जो मन्नां ये; तिने जे राजा बालाक जो इस्राएलियां जो बेहकाणे खातर सखाया भई सै मूरतां पर चढ़ाईरा प्रसाद खाणे ते कने व्यभिचार करने ते पाप करो।