रोमियो 13:8 - बिलासपुरी नौआं नियम

⁸ इक्की दुज्जे रे प्यारा ते इलावा किसी गल्ला च किसी रे कर्जदार नीं हुआ; काँह्भई सै जे अपणे साथियां ने प्यार कराँ, सै येढ़ा करीने व्यवस्था जोई पूरा कराँ।

रोमियो 13:8 ပူးပေါင်းရင်းမြစ်များ

मत्ती 7:12

इस खातर हरेक माहौल्ला च लोकां ने तुहांरा बर्ताव ठीक तियां इ हो जिस तरिके रे बर्तावा री आशा जे तुहें अपणे खातर करां ये, काँह्भई व्यवस्था कने भविष्यवक्तयां री शिक्षा बी येई हाई।

यूहन्ना 13:34

“हऊँ तुहांजो इक नया हुक्म देआं भई तुहें इक्की दुज्जे ने प्यार करा; तियां जे मैं तुहांजो प्यार कित्या तियां इ तुहें इक्की दुज्जे ने बी प्यार करा।

रोमियो 13:10

प्यार अपणे पड़ेसिये रा बुरा कदीं नीं करदा, इस खातर सै जे प्यार कराँ सै व्यवस्था जो पूरा कराँ।

रोमियो 13:7

जिस किसी माहणुये री देणदारी जे तिज्जो देणे जोई, तिसजो तू चुकता कर; सै टैक्स जे तिज्जो देणे जोआ, तिस्सो दे। तिसरी चुंगी जे तूह पर निकल़ां इ, तिसजो चुंगी दे; तू सब अधिकारियां रे प्रति आदर दास्स।

गलातियां 5:14

काँह्भई सारी व्यवस्था इसा इक्की हुक्मा च पूरा हुई जाईं, “तू अपणे पड़ेसिये ने तियां प्यार कर, तियां जे तूं खुद अप्पूँ ने प्यार कराँ।”

कुलुस्सियां 3:14

इन्हां गल्लां ते बधीने प्यार इ सब्बीं ते खास आ, सै जे सब्बीं जो पूरे तरिके ने जोड़ां।

1 तिमुथियुस 1:5

तिज्जो ये हुक्म देणे रा मेरा मकसद येआ भई तू इक्की दूये जो साफ दिला ते कने शुद्ध अन्तरात्मा ने कने बिणा कपटा औल़े विश्वासा ते प्रेम करगा।

याकूब 2:8

तां बी जे तुहें पवित्रशास्त्रा ते मिलणे औल़े वचना रा सच्चमुच पालन कराँ ये, भई “अपणे पड़ेसिये ने अप्पूँ साई प्यार करा” तां तुहें ठीक कराँ ये।

1 यूहन्ना 3:10

इसते अहें जाणाँ ये भई कुण परमेशरा री सन्तान इ कने कुण शैतान्ना री सन्तान इ; सै माहणु जे धर्मा रे काम्म नीं करदा सै परमेशरा रा निआं, कने नांई सै अपणे साथी विश्वासिये ने कोई प्यार रखदा।