रोमियो 12:19 - बिलासपुरी नौआं नियम

¹⁹ मेरे मित्रो, किसी ने खुद अप्पूँ बदला नीं लेणा, पर इस्सो परमेशरा रे गुस्से पर छड्डी देआ काँह्भई पवित्रशास्त्रा च लिखिरा : प्रभुये गलाया, “बदला लेणा मेरा काम्म आ, माह इ बदला देणा।”

रोमियो 12:19 ပူးပေါင်းရင်းမြစ်များ

मत्ती 5:39

पर हऊँ तुहांजो बोलां भई किसी बुरे माहणुये रे कम्मां रा बदला देखां लेन्दा; पर जे कोई तेरिया सज्जिया खाखा पर चपैड़ मारीने तेरी बेज्जति करो, तां तिस खौ दुज्जी खाख बी फेरी दे।

रोमियो 12:14

अपणे सताणे औल़यां जो आशीष देआ; तिन्हांजो श्राप नीं देआ।

रोमियो 12:17

बुराईया रा बदला किसी जो बुराईया ने मता देन्दे; सारयां लोकां रिया नज़राँ च सै जे ठीक आ तिसजो इ करने री सोच्चा।

रोमियो 13:4

सै जे राजा सै परमेशरा रा सेवक आ, सै तेरा भला करने खातर आ, पर जे तू बुरा कराँ तां तिसते डर, काँह्भई तिने तलवार बेमतलब नीं लेईरी; सै परमेशरा रा सेवक आ सै जे बुरा काम्म करने औल़यां पर परमेशरा रा कोप ल्यौआं।

इफिसियां 4:27

तुहौं इम्तेहाना च पाणे खातर शैतान्ना जो मौका नीं देआ।

1 थिस्सलुनीकियां 4:6

भई इसा गल्ला च कोई अपणे विश्वासी भाईये रे बरोधा च पाप नीं करो, कने नां तिसरा गल़त फायदा लौ, काँह्भई प्रभु यीशुये तिन्हां सारयां जो सजा देणी सै जे इस तरिके रे काम्म कराँ ये; तियां जे भई अहें तुहां लोकां जो साफ शब्दां च समझाई चुक्कीरे।

2 तिमुथियुस 4:14

सिकन्दर सै जे ठठेरा तिने कई तरीकयां ने मेरा बड़ा नुक्शान कित्तिरा। प्रभुये तिस्सो तिसरे बुरे कम्मा रे मुतावक सजा देणी।

इब्रानियों 10:30

काँह्भई अहें जाणाँ ये भई ये परमेशरे बोल्या था, “पलटा लेणा मेरा काम्म आ, माह इ बदला लेणा।” कने फेरी ये भई “मांह इ अपणयां लोकां रा न्याय करना।”