रोमियो 12:17 - बिलासपुरी नौआं नियम

¹⁷ बुराईया रा बदला किसी जो बुराईया ने मता देन्दे; सारयां लोकां रिया नज़राँ च सै जे ठीक आ तिसजो इ करने री सोच्चा।

रोमियो 12:17 ပူးပေါင်းရင်းမြစ်များ

मत्ती 5:24

तां तू तिसा भेंटा जो बेदी रे सामणे छड्डी औ, कने पैहले जाईने अपणे भाईये ने सुलह कर फेरी आईने तू अपणिया भेंटा जो चढ़ा।

मत्ती 5:39

पर हऊँ तुहांजो बोलां भई किसी बुरे माहणुये रे कम्मां रा बदला देखां लेन्दा; पर जे कोई तेरिया सज्जिया खाखा पर चपैड़ मारीने तेरी बेज्जति करो, तां तिस खौ दुज्जी खाख बी फेरी दे।

रोमियो 12:19

मेरे मित्रो, किसी ने खुद अप्पूँ बदला नीं लेणा, पर इस्सो परमेशरा रे गुस्से पर छड्डी देआ काँह्भई पवित्रशास्त्रा च लिखिरा : प्रभुये गलाया, “बदला लेणा मेरा काम्म आ, माह इ बदला देणा।”

रोमियो 14:16

इस खातर सै जे तेरे खातर ठीक आ तिसरे बारे च दुज्यां जो निंध्या करने नीं दे।

कुलुस्सियां 4:5

मौके जो कीमती समझीने अविश्वासी लोकां ने समझदारिया ने बर्ताव करा।

1 थिस्सलुनीकियां 4:12

इस तरीके रा बर्ताव करने ते अविश्वासी लोक तुहांरा आदर करगे, कने तिसा चीजा री जे तुहांजो जरूरत इ तिसा रे खातर तुहांजो किसी पर बी निर्भर नीं रहणे पौणा।

1 थिस्सलुनीकियां 5:15

ये ध्यान रखा भई कोई किसी ने बुराईयां रे बदले बुराई नीं करो; पर सदा अप्पूँ चियें कने सब्बीं ने भलाई करने री कोशिश करा।

1 थिस्सलुनीकियां 5:22

हरेक बुराईया ते बचीने रौआ।

1 तिमुथियुस 5:14

इस खातर हऊँ ये चांह भई जवान विधवां ब्याह करो, कने बच्चे जणो, कने घर-बार सम्भालो, कने किसी दुश्मणा जो बदनाम करने रा मौका नीं देओ।

1 पतरस 2:12

अविश्वासी लोकां रे बिच तुहांरा चाल-चल़ण ठीक हो, इस खातर भई तिन्हां गल्लां च जे सै तुहांजो बुरा समझीने बदनाम कराँ ये, सै तुहांरे भले कम्मां जो देखीने परमेशरा रे औणे रे दिन परमेशरा री महिमा करो।

1 पतरस 3:16

कने अपणी अन्तरात्मा साफ रखा, ताकि यीशु मसीह च तुहांरे खरे चाल-चलना री निंध्या करने औल़े लोक तुहांरी बेज्जति करदे हुये शर्म महसूस करो।

1 पतरस 3:9

बुराईया रे बदले बुराई कने बेईज्जतिया रे बदले बेईज्जति मत करा बल्कि तुहौं आशीष देणी चाहिन्दी; काँह्भई आशीष देणे खातर तुहें परमेशरा रे जरिये चुणे गईरे, ताकि तुहें परमेशरा ते आशीष पाओ।