रोमियो 11:7 - बिलासपुरी नौआं नियम

⁷ इस खातर नतीजा क्या हुया? ये भई इस्राएल रे लोक तिस्सो जे टोल़ीराँ थे, सै तिन्हांजो नीं मिलया; पर चुणी रेआं जो सै मिलया, कने बचीरे लोकां रे मन कठोर बणाईते।

रोमियो 11:7 ပူးပေါင်းရင်းမြစ်များ

मरकुस 6:52

तिन्हें यीशुये जो तिन्हां रोटियां कने मच्छियां जो कई गुणा बढ़ान्दे हुये देख्या, फेरी बी यीशु कितना सामर्थी था सै जे तिन्हौं समझणा चाहिन्दा था, पर वो समझी नीं पाये।

लूका 13:24

“तंग दरवाजे चियें जाणे री कोशिश करा, काँह्भई हऊँ तुहांजो बोलां, भई बौहत सारे लोकां तिस चियें जाणे री इच्छा करनी, पर तिन्हां जाई नीं पाणा।

यूहन्ना 12:40

“तिने तिन्हांरियां आक्खीं अन्ही करी तियां, ताकि सै देक्खी नीं सक्को, कने तिन्हांरे डमाक बंद करीते ताकि सै समझी नीं सक्को। नैत सै मेरी तरफ मुड़ी जान्दे कने हऊँ तिन्हांजो ठीक करी देंदा।”

रोमियो 10:3

काँह्भई सै तिसा धार्मिकता जो नीं जाणी पाये सै जे परमेशरा ते मिलां इ, कने तिन्हें अपणी इ धार्मिकता जो बनाणे री कोशिश कित्ती, इस खातर तिन्हे परमेशरा रिया धार्मिकता रे खातर अप्पूँजो नीं सौंपया।

रोमियो 11:25

अन्यजातियां रे मेरे साथी विश्वासियो, हऊँ चाँह भई तुहें इस भेता जो समझो ताकि तुहें अपणे बारे च घमण्ड नीं करो। इस्राएल रे किछ लोक येढ़े इ कठोर बणाई दित्तिरे, कने येढ़े इ कठोर बणीने रैहणे तदुआं तक जे भई कई अन्यजातियां रे लोक मसीह च नीं आई जाणे।

रोमियो 11:5

तियां इ आज्ज कल बी किछ येढ़े लोक बचीरे तिन्हौं जे परमेशरे अपणे अनुग्रह रिया वजह ने चुणीरा।

रोमियो 3:9

तां फेरी क्या अहें यहूदी अन्यजातियां ते खरे? नां बिल्कुल नीं, काँह्भई अहें दस्सी चुक्कीरे भई चाये कोई यहूदी ओ या अन्यजातियां रे लोक ओ, सारे पापां रे बशा चे।

रोमियो 6:15

तां अहें क्या करिये? क्या अहें पाप करिये काँह्भई अहें व्यवस्था रे अधीन नींये, वल्कि परमेशरा रे अनुग्रह रे अधीन जीआं ये? कदीं मनी!

रोमियो 9:18

इस खातर परमेशर जिस पर चाँह तिस पर दया कराँ कने तिस्सो जे चाँह तिस्सो कठोर बणाई देआं।

रोमियो 9:23

कने परमेशरे बी अपणी जादा महिमा परगट करने खातर अहांजो तिसते भरीत्या सै जे तिसरिया दया रिया वजह ने हुया, अहां चते तिन्हांजो परमेशरे अपणी महिमा पाणे खातर त्यार कित्तिरा।

1 कुरिन्थियों 10:19

फेरी हऊँ क्या बोलां? क्या येढ़ा भई मूर्तिया पर चढ़ीरा बलिदान किछ हया या मूर्ति किछ इ?

2 कुरिन्थियों 3:14

पर इस्राएली लोकां रे मन कठोर हुईगरे थे, कने आज्ज तक ताहली जे सै पुराणिया वाचा जो पढ़ां ये, तां तिन्हांरे मना पर सैई परदा पैईरा रैयां, पर सै परदा सिर्फ मसीह पर विश्वास करने रे जरिये इ हटाया जां।

2 कुरिन्थियों 4:4

इस संसारा रे इश्वरे (शैताने) तिन्हां अविश्वासी लोकां री बुद्धि अन्ही करी तरी, इसी खातर सै मसीह रे बारे री उत्तम खुशखबरिया कने तिसरी महिमा समझदे नींये। मसीह परमेशरा रा स्वरूप आ।

इफिसियां 1:4

तियां जे तिने संसारा रिया सृष्टिया ते पैहले मसीह च चुणील्या ताकि अहें तिसरे सामणे पवित्र कने निर्दोष बणो।

इफिसियां 4:18

सै परमेशरा रे बारे रियां गल्लां जो साफ तौर पर समझी नीं सकदे कने सै परमेशरा ते मिलणे औल़िया जिन्दगिया ते दूर ये, काँह्भई सै परमेशरा जो जाणदे नींये कने तिन्हांरे मन कठोर ये।

फिलिप्पियां 1:18

पर इसते कोई फर्क नीं पौन्दा, जरूरी त येआ भई इक्की ढंगा ने या दुज्जे ढंगा ने, चाये बुरा मकसद हो, चाये भला प्रचार त मसीह राई हुआं कने इसते मिन्जो खुशी मिलांई कने खुशी मिलदी इ रैहणी।

इब्रानियों 12:17

तुहें त जाणाँ ये भई बाद बिच ताहली जे तिने पिता री आशीष पाणी चाई, तां तिस्सो नीं मिली, हलाँकि सै रोया तियां जे अपणियां गल़तियां जो सुधारने रे खातर इक मौका पाणे री कोशिश करया राँ था फेरी बी तिस्सो सै आशीष नीं मिली।

1 पतरस 1:2

परमेशर पिता बौहत पैहले अपणे लोक हुणे खातर तुहांजो चुणने खातर तैह कित्या कने तुहांजो पवित्र आत्मा रे कम्मा रे जरिये पवित्र बणाया। तिने ये इस खातर कित्या ताकि तुहें यीशु मसीह जो मन्नी सक्को कने तिसरे खून्ना रे जरिये शुद्ध हुई सक्को। हऊँ प्राथना कराँ भई परमेशर तुहांजो बौहत जादा अनुग्रह कने शान्ति देओ।