रोमियो 11:36 - बिलासपुरी नौआं नियम

³⁶ काँह्भई सब किछ परमेशरा तेई औंआं। तिने सब किछ बणाईरा कने सब किछ तिसरा इ हाया। तिसजो सदा आदर मिलदा रौ। आमीन।

रोमियो 11:36 ပူးပေါင်းရင်းမြစ်များ

मत्ती 6:13

कने अहांजो परीक्षा च नीं पा, पर शैतान्ना ते बचा; [काँह्भई राज कने सामर्थ कने महिमा सदा खातर तेरे इ हाये। आमीन।]’ ”

लूका 19:38

“भला हो तिस राजे रा, सै जे प्रभुये रे नौआं ते औआं!” “स्वर्गा च सुख शान्ति, कने परमप्रधान परमेशरा री जय-जयकार ओ!”

लूका 2:14

स्वर्गा च परमेशरा री बडयाई ओ कने धरतिया पर तिन्हां माहणुआं ते जे परमेशर खुश आ तिन्हां पर सुख-शान्ति ओ।

प्रेरितां 17:28

काँह्भई अहें तिसच इ ज्यूंदे रैयां ये, कने चलां-फिराँ ये, कने टिकिरे रैयां ये; ठीक तियां इ जियां जे तुहांरे कितणेयां कवियें बी बोलीरा, ‘अहें तिसरे इ वंशा रे।’

रोमियो 16:27

तिस इकलौते ज्ञानवान परमेशरा री महिमा यीशु मसीह रे जरिये युगां-युगां तक हुन्दी रौ। आमीन।

1 कुरिन्थियों 11:12

हलाँकि परमेशरे पैहलिया जनाना जो पैहले माहणुये ते बणाईरा, पर हुण जनाना माहणुये जो जन्म देईं; कने सब चिज़ां परमेशरा तेई हईयां।

1 कुरिन्थियों 8:6

तां बी अहांरे खातर इक इ परमेशर आ, यनि सै पिता सै जे सारियां चीजां रा सृष्टीकर्ता कने तिसरे खातर जे अहें जींये; कने इक इ प्रभु आ, यनि यीशु मसीह तिसरे जरिये सब्बीं चिज़ां री सृष्टि हुई कने तिसरे जरिये जे अहें जीयें।

गलातियां 1:5

परमेशरा रा गुणगान कने बडयाई सदा हुन्दी रौ। आमीन।

इफिसियां 3:21

कलीसिया च कने मसीह यीशुये च तिसरी महिमा इक्की पीढ़िया ते दुज्जिया पीढ़िया च कने जुगां-जुगां खातर हुन्दी रौओ। आमीन।

फिलिप्पियां 4:20

औआ, अहें हमेशा परमेशरा री स्तुति करिये सै जे अहांरा पिता। आमीन।

1 तिमुथियुस 1:17

हुण अनन्तकाल रा राजा, सै जे हमेशा रे खातर जिवित आ, तिस्सो जे कोई नीं देक्खी सकदा, तिस इकमात्र कने सच्चे परमेशरा रा आदर कने महिमा जुगां-जुगां तक हुंदी रौ। आमीन।

1 तिमुथियुस 6:16

कने सिर्फ सैई हाया सै जे हमेशा जिऊंदा रैयां, कने सै बौहत तेज ज्योतिया च रैयां भई कोई तिसरे नेड़े जाई नीं सकदा, कने नां तिस्सो किसी माहणुये देख्या कने नां कदीं देखी सक्कां। तिसरा आदर कने सामर्थ हमेशा रे खातर रैहणा। आमीन।

2 तिमुथियुस 4:18

प्रभुये मिन्जो हरेक बुराईया ते बचाणा सै जे मेरा नुक्शान करना चाईयां कने तिस मिन्जो अपणे स्वर्ग राज्जा च हिफाज़ता ने लेई जाणा। तिसरी महिमा सदा हुन्दी रौ। आमीन।

इब्रानियों 13:21

तुहांजो हरेक भले कम्मां च सिद्ध करो, तिसते जे तुहें परमेशरा री इच्छा जो पूरा करी सक्को, सै जे किछ परमेशरा जो खुश कराँ तिस्सो यीशु मसीह रे जरिये अहां च करो। कने मसीह री महिमा युगां-युगां तकौ हुन्दी रौ। आमीन।

इब्रानियों 2:10

परमेशरे सब किछ बणाईरा कने तिसजो सै लगातार अपणे खातर बणाईने रखां। परमेशरे सही कित्या ताहली जे तिने दुखा रे जरिये यीशुये जो सिद्ध कित्या ताकि सै बौहत सारयां बच्चयां जो महिमा च पहुँचाये। काँह्भई यीशु इ हाया सै जे तिन्हौं छुटकारे च लेई जां।

1 पतरस 4:11

तिस्सो जे प्रचार करने रा बरदान मिलीरा तिसजो परमेशरा रा सन्देश प्रचार करना चाहिन्दा। जे तुहांजो दुज्यां री सेवा करने रा बरदान मिलीरा, तां परमेशरा ते पाई रिया सारिया शक्तिया ने ये करा। ताकि सारियां गल्लां च यीशु मसीह रे जरिये परमेशरा री महिमा हो। सारी महिमा कने सामर्थ जुगां-जुगां तक तिसरी इ हाई। आमीन।

1 पतरस 5:11

तिसरा राज युगां-युगां तक रौ। आमीन।

2 पतरस 3:18

बल्कि अहांरे प्रभु कने छुटकारा करने औल़े यीशु मसीह रे अनुग्रह कने ज्ञाना च तुहें अग्गे बधदे जावा। तिसरी महिमा हुण बी कने हमेशा हुन्दी रौ।

प्रकाशितवाक्य 19:1

इसते बाद मैं स्वर्गा च मन्नो बडिया भीड़ा जो ऊच्चिया अवाज़ा ते ये बोलदे सुणया, “हालेलूय्याह! छुटकारा, महिमा कने सामर्थ सिर्फ अहांरे परमेशरा री हई।

प्रकाशितवाक्य 21:6

फेरी तिने मेरने बोल्या, “सब किछ पूरा हुईगरा। हऊँ अल्फा कने ओमेगा, शुरु कने अन्त आ। सै जे प्यासा, तिसजो मांह जीवना रे पाणिये रे सोते चते मुफ्त प्याणा।

प्रकाशितवाक्य 7:10

ये लोक ऊच्चिया अवाज़ च पुकारदे हुये गलाया राँये : “संघासणा पर बराजमान अहांरे परमेशर कने मेमने री जय-जयकार हो, काँह्भई इन्हांते इ अहांरा छुटकारा!”

प्रकाशितवाक्य 7:12

“आमीन! अहांरे परमेशरा री स्तुति, महिमा, ज्ञान, धन्यवाद, आदर, सामर्थ कने शक्ति युगां-युगां तक बणीरी रौ। आमीन!”