रोमियो 11:25 - बिलासपुरी नौआं नियम

²⁵ अन्यजातियां रे मेरे साथी विश्वासियो, हऊँ चाँह भई तुहें इस भेता जो समझो ताकि तुहें अपणे बारे च घमण्ड नीं करो। इस्राएल रे किछ लोक येढ़े इ कठोर बणाई दित्तिरे, कने येढ़े इ कठोर बणीने रैहणे तदुआं तक जे भई कई अन्यजातियां रे लोक मसीह च नीं आई जाणे।

रोमियो 11:25 ပူးပေါင်းရင်းမြစ်များ

मत्ती 13:11

तिने जबाब दित्या, तुहांजो परमेशरा रे राज्जा री छुपी रियां गल्लां जो समझणे री अक्कल दित्तिरी, पर तिन्हांजो नीं।

लूका 21:24

सै तलवारा ने मारे जाणे कने तिन्हारे बैरियां तिन्हांजो बन्दी बणाईने होरीं बौहत देशां च लेई जाणा; कने यरूशलेम पर अन्यजातियां रे लोकां तदुआं तक राज करना तदुआं तक जे तिन्हारा बगत पूरा नीं हुई लो, तिन्हां यरूशलेम रे निवासियां जो नष्ट करी देणा।

यूहन्ना 10:16

मेरियां होर बी भेड्डां इयां, सै जे इसा भेडशाला री नीं। मिन्जो सै बी लौणे जरूरी आ। सै मेरी अवाज़ पैहचाण गियां, फेरी सब्बीं रा इक इ झुण्ड कने इक इ गवाल़ा हूणा।

रोमियो 1:13

मेरे साथी विश्वासियो, हऊँ नीं चांहन्दा भई तुहें इसते अंजाण रौ भई मैं तुहांले बार-बार औणा चाहया ताकि हऊँ तुहांरी आत्मिक तरक्किया च मदद करी सक्कूँ, तियां जे अन्यजातियां रे लोकां रे बिच कित्तिरा, पर हुण तक किसी वजह ने रुकिरा रैया।

रोमियो 11:12

जे तिन्हांरे अविश्वासा रिया वजह ने अन्यजातियां रा भला हुया, तां हकीकत च अन्यजातियां रे प्रति बौहत इ अच्छा हूणा ताहली जे इस्राएली लोक परमेशरा ले वापस औणे।

रोमियो 11:24

काँह्भई जे तू तिस जैतून्ना रे डाल़ा ते, सै जे स्वाभावा च जंगली आ, बड्डया कने तिसरे स्वाभावा रे बिरुद्ध खरे जैतून्ना रे डाल़ा पर लगाया, तां ये जे तिस डाल़ा री अपणियां इ डाल़ियां इयां, अपणे इ डाल़ा पर सानिया ने फेरी भीं कांह् नीं जोड़ी जाई सकदियां।

रोमियो 12:16

इक दूये ने मेल-जोल रखा, घमण्डी नीं बणा, पर गरीब लोकां ने बी संगती रक्खा; येढ़ा नीं समझा भई तुहें इ बौहत समझदार ये।

रोमियो 16:25

हुण सारी महिमा परमेशरा री ओ, सै जे तुहांजो विश्वासा च मजबूत करी सक्कां, तियां जे खुशखबरी बोलां इ। यीशु मसीह रे बारे री ये खुशखबरी अन्यजातियां रे लोकां रे खातर तिसरी योजना परगट कित्तिरी सै जे युगां-युगां ते छुपीरी थी।

रोमियो 9:18

इस खातर परमेशर जिस पर चाँह तिस पर दया कराँ कने तिस्सो जे चाँह तिस्सो कठोर बणाई देआं।

1 कुरिन्थियों 10:1

अरे साथी विश्वासियो, हऊँ नीं चाहंदा भई तुहें इसा गल्ला ते अंजाण रौ भई अहांरे सब पूर्वज बदल़ां रे थल्ले थे, कने सारे समुद्रा रे बिच्चा ते हुईने पार हुईगे।

1 कुरिन्थियों 12:1

अरे साथी विश्वासियो, हऊँ नीं चाहन्दा भई तुहें आत्मिक वरदान्नां रे बारे ते अंजाण रौ।

1 कुरिन्थियों 2:7

पर अहें सै जे ज्ञान्ना रियां गल्लां दस्सां ये सै परमेशरा रा ज्ञान आ सै जे माहणुआं ते छिपिरा था, काँह्भई तिसजो जे परमेशरे संसारा जो बनाणे ते पैहले अहां रिया महिमा रे खातर तैह कित्या था।

1 कुरिन्थियों 4:1

तां माहणु अहौं मसीह रे सेवक कने परमेशरा रे भेतां रे भण्डारी समझो।

इफिसियां 1:9

परमेशरे अपणिया इच्छा रा भेत भली योजना रे मुतावक अहां पर परगट कित्या, सै जे तिने मसीह च तैह कित्या था।

इफिसियां 3:9

भई हऊँ सारयां लोकां पर ये परगट करी सक्कूँ भई कियां परमेशरे अपणिया छुपी रिया योजना जो पूरा कित्या, सै जे युगां ते परमेशरा च छिपिरा था तिने जे सब किछ बणाईरा।

इफिसियां 4:18

सै परमेशरा रे बारे रियां गल्लां जो साफ तौर पर समझी नीं सकदे कने सै परमेशरा ते मिलणे औल़िया जिन्दगिया ते दूर ये, काँह्भई सै परमेशरा जो जाणदे नींये कने तिन्हांरे मन कठोर ये।

2 पतरस 3:8

पर मेरे प्यारे मित्रो, इसा इक्की गल्ला जो मता भुलदे: प्रभुरे खातर इक दिन हजार साल्ला रे बराबर ये कने हजार साल इक्की दिना रे बराबर आ; तिसरे खातर इक दिन कने हजार साल दोन्नों बराबर ये।

प्रकाशितवाक्य 1:20

तिन्हां सत्तां तारयां रा मतलब तिन्हांजो जे तैं मेरे सज्जे हत्था देख्या था, कने तिन्हां सत्तां सोने रे दीपदान्ना रा मतलब येआ: सै सात्त तारे सत्तां कलीसियां रे दूत ये, कने सै सात्त दीपदान सात्त कलीसियां इ।”

प्रकाशितवाक्य 10:7

पर सतवें स्वर्गदूता ताहली जे अपणी तुरही बजाणे लगणा, तां तिसरिया अवाज़ा ते परमेशरा रा सै रहस्य पूरा हुई जाणा, तियां जे भई तिने अपणे दास्सां यनि भविष्यवक्तयां जो घोषणा कित्ती थी।”

प्रकाशितवाक्य 11:15

ताहली जे सतवें स्वर्गदूते अपणी तुरही बजाई, तां स्वर्गा च बड़ियां आवाज़ां हुणे लगियां; “संसारा रा राज अहांरे प्रभुये रा कने तिसरे मसीह रा बणीग्या कने तिस युग-युग राज करना।”

प्रकाशितवाक्य 7:9

इन्हां गल्लां रे बाद मैं हर इक जाति, कने कुल़, कने लोक, कने भाषा चते इक येढ़ि बड्डी भीड़ देक्खी, तिसाजो जे कोई गिणी नीं सकदा था। सै चिट्टे कपड़े पैहनीने कने अपणे हत्थां च खजूरा रियां डाल़ियां लेईरी संघासणा रे सामणे कने मेमने रे सामणे खढ़िरे;